ပညတ်တော် ၁၀ပါး
James Keller
မာတင်လုသာက ပညတ်တော် ၁၀ပါးအကြောင်းနဲ့ပတ်သက်ပြီး သူရဲ့ရှင်းပြချက်ကို နှစ်ပေါင်း ၅၀၀နီးပါးတုန်းက ရေးသားထားပါတယ်။ သူ့ရဲ့ခရစ်ယာန်အခြေခံသွန်သင်ချက်စာအုပ်က ဗမာစကားအပါအဝင် ဘာသာစကားတော်တော်များများနဲ့ ဘာသာပြန်ထားပါတယ်။ ဒီမှာနှိပ်ရင် လုသာရင်အမွေအနှစ်ဖောင်းဒေးရှင်း (LHF)ကနေပြီးတော့ ခရစ်ယာန်အခြေခံသွန်သင်ချက် စာအုပ်တစ်အုပ်ကို အခမဲ့ မှာလို့ရပါတယ်။ ဘာသာစကားတစ်ခုဟာ အချိန်ကာလအလိုက် ပြောင်းလဲတတ်တယ်။ အရင်တုန်းက နားလည်ဖို့လွယ်တဲ့စကားလုံးတွေဆိုရင် အခုခေတ်မှာ နားလည်ဖို့ခက်လာတယ်။ ကျွန်ုပ်တို့ နေ့စဉ်အသက်တာမှာ ပညတ်တော် ၁၀ပါးကို ဘယ်လိုလိုက်လျှောက်ရမလဲဆိုတာကို ဗမာစာကို ဖတ်တတ်တဲ့လူတွေ ကောင်းကောင်းနားလည်စေဖို့အတွက် မာတင်လုသာ ရေးထားတဲ့ပညတ်တော် ၁၀ပါးအကြောင်း ရှင်းပြချက်တွေ ဗမာလို ဘာသာပြန်အသစ်အတွက် ဆက်ကပ်ချင်ပါတယ်။ မာတင်လုသာက မိသားစုတစ်စုလုံးနဲ့အတူ အတူတူသင်ယူစေချင်ခဲ့တယ်။ ပညတ်တော် ၁၀ပါးကို သင်ယူဖို့ ထိရောက်မှုရှိတဲ့နည်းလမ်းတစ်ခုကတော့ ကျမ်းစာထဲကပုံပြင်တွေဆီကနေ သင်ယူခြင်း ဖြစ်ပါတယ်။ ဒီနည်းလမ်းမှာ ကျမ်းစာတစ်ပုဒ်ကို အသုံးပြုပြီး ဒီပညတ်တော် ၁၀ပါးကို ဘယ်လို ရိုသေရမှာလဲဆိုတာနဲ့ ပညတ်တော်တွေကို ချိုးဖောက်ရင် ဖြစ်လာမယ့်အကျိုးဆက်တွေ ဘယ်လိုမျိုးရှိလဲဆိုတာကို နားလည်စေပါတယ်။ ပညတ်တော် ၁ပါးစီတိုင်းက အပိုင်း ၂ပိုင်းနဲ့ခွဲထားပြီး ကျမ်းစာက ပုံပြင်တစ်ပုဒ်နဲ့ ရှင်းပြထားပါတယ်။ ပထမအပိုင်းမှာ ပညတ်တော်ကိုပြောပြတယ်။ ဒုတိယအပိုင်းမှာကျတော့ အဲ့ပညတ်တော်အကြောင်းကို ရှင်းပြတယ်။ ရှင်းပြချက်တွေနဲ့အတူ ခေတ်သစ်မြန်မာကျမ်းစာပြန်ကို အသုံးပြုပါတယ်။ ဒီခေတ်သစ်မြန်မာကျမ်းစာဘာသာပြန်နဲ့ အသစ်ပြန်ပြီး ဘာသာပြန်ထားတဲ့ရှင်းပြချက်တွေက ဖတ်လို့ပိုလွယ်ပြီး နားလည်ဖို့ပိုလွယ်မယ်လို့ ကျွန်ုပ်တို့ မျှော်လင့်ပါတယ်။ နောက်ပြီးတော့ ကျမ်းစာပုံပြင်တွေနဲ့အတူ ဆွဲထားတဲ့ရုပ်ပုံတွေက ဘုရင်ခေတ်မြန်မာနိုင်ငံ ပုံစံနဲ့လုပ်ထားတယ်။ ဘာဖြစ်လို့လဲဆိုတော့ ဒီသင်ခန်းစာတွေကို ဖတ်တဲ့အခါ မြန်မာနိုင်ငံမှာနေထိုင်နေသေးတဲ့လူတွေအတွက် အဆက်အစပ်ပိုရှိစေဖို့ လုပ်ထားပါတယ်။
ပထမပညတ်တော်
“ငါမှတပါး အခြားသောဘုရားကို မကိုးကွယ်နှင့်။”
ဒံယေလ ၃
1နေဗုခဒ်နေဇာမင်းသည်အမြင့်ပေကိုး ဆယ်၊ အနံကိုးပေရှိသောရွှေရုပ်ကြီးကို သွန်းလုပ်စေပြီးလျှင်ဗာဗုလုန်ဒုရလွင် ပြင်တွင်တည်ထားစေတော်မူ၏။- 2မင်းကြီးသည်မင်းညီမင်းသားများ၊ ဘုရင်ခံ များ၊ ဒုတိယဘုရင်ခံများ၊ တိုင်းမင်းကြီး များ၊ ငွေတိုက်စိုးများ၊ တရားသူကြီးများ၊ ရဲမှူးများအစရှိသည့်အရာရှိအပေါင်း တို့အား မိမိတည်ထားသည့်ရွှေရုပ်ကြီး အနုမောဒနာပွဲကိုတက်ရောက်ကြရန် အမိန့်ပေးတော်မူ၏။- 3အရာရှိအပေါင်းတို့သည်ရွှေရုပ်ကြီး ၏ရှေ့တွင်ရပ်နေကြသောအခါ၊- 4သံတော်ဆင့်တစ်ဦးက“ဘာသာစကား အမျိုးမျိုးကိုပြောဆိုကြသောလူမျိုး အသီးသီးနှင့်နိုင်ငံအသီးသီးကလူ အပေါင်းတို့၊- 5သင်တို့သည်တံပိုးခရာမှုတ်သံကိုကြား ရပြီးနောက်ပလွေ၊ ပတ်သာ၊ စောင်းကြီး၊ စောင်း ငယ်တို့ကိုတီးမှုတ်သံကိုလည်းကောင်း၊ ထို နောက်အခြားတူရိယာများတီးမှုတ်သံ ကိုလည်းကောင်းကြားကြလိမ့်မည်။ တူရိယာ တီးမှုတ်သံစသည်နှင့်တစ်ပြိုင်နက် နေဗုခဒ် နေဇာမင်းတည်ထားသည့်ရွှေရုပ်ကြီးကို သင်တို့ဦးညွှတ်ရှိခိုးကြစေ။- 6ဦးညွှတ်ရှိခိုးခြင်းမပြုသူမည်သူမဆို ပြင်းစွာအလျှံထလျက်နေသော မီးဖိုကြီး ထဲသို့ချက်ချင်းပစ်ချခြင်းကိုခံစေ” ဟု အသံကျယ်စွာကြေညာလေသည်။- 7သို့ဖြစ်၍ဘာသာစကားအမျိုးမျိုးပြော ဆိုသောလူမျိုးအသီးသီးနှင့် နိုင်ငံအသီး သီးကလူတို့သည်တူရိယာတီးမှုတ်သံ ကိုကြားသည်နှင့်တစ်ပြိုင်နက် နေဗုခဒ် နေဇာတည်ထားသည့်ရွှေရုပ်ကြီးကိုဦး ညွှတ်ရှိခိုးကြကုန်၏။
8ဗာဗုလုန်ပြည်သားအချို့တို့သည်ယုဒ အမျိုးသားတို့အား ပြစ်တင်ပြောဆိုရန် အခွင့်ကောင်းကိုယူ၍၊- 9နေဗုခဒ်နေဇာမင်းအား“အရှင်မင်းကြီး သက်တော်ရာကျော်ရှည်ပါစေ။- 10တူရိယာစတင်တီးမှုတ်သည်နှင့်တစ်ပြိုင် နက်ရွှေရုပ်ကြီးအားလူတိုင်းဦးညွှတ်ရှိ ခိုးစေ။- 11ထိုအရုပ်ကြီးအားဦးညွှတ်ခြင်းမပြုသူ ဟူသမျှသည် ပြင်းစွာအလျှံထလျက်နေ သောမီးဖိုကြီးထဲသို့ပစ်ချခြင်းကိုခံစေ ဟူ၍အရှင်အမိန့်တော်ထုတ်ပြန်ခဲ့ပါ၏။- 12ဗာဗုလုန်နယ်ကိုအုပ်ချုပ်ရန်အရှင်မင်း ကြီးတာဝန်ပေးထားသူရှာဒရက်၊ မေရှက် နှင့်အဗေဒနေဂေါဟူသောယုဒအမျိုး သားများသည် အရှင်၏အမိန့်တော်ကို မနာခံဘဲနေကြပါ၏။ သူတို့သည် အရှင်၏ဘုရားကိုရှိမခိုးကြပါ။ အရှင် တည်ထားသည့်ရွှေရုပ်ကြီးကိုလည်းဦး မညွှတ်ကြပါ” ဟုလျှောက်ထားကြ၏။13ထိုအခါမင်းကြီးသည်ပြင်းစွာအမျက် ထွက်တော်မူသဖြင့် ထိုသူသုံးယောက်ကို အထံတော်သို့ခေါ်ဆောင်ခဲ့ရန်အမိန့် ပေးတော်မူ၏။- 14မင်းကြီးက“ရှာဒရက်၊ မေရှက်နှင့်အဗေဒ နေဂေါတို့ သင်တို့သည်ငါ၏ဘုရားကိုရှိ မခိုး၊ ငါစိုက်ထူတည်ထားသည့်ရွှေရုပ်ကြီး ကိုဦးမညွှတ်ဘဲနေကြသည်ဟုဆိုသည် မှာမှန်သလော။- 15ယခုသင်တို့သည်တံပိုးခရာ၊ ပလွေ၊ စောင်း ငယ်၊ ပတ်သာ၊ စောင်းကြီးနှင့်အခြားတူရိ ယာများတီးမှုတ်သံကိုကြားသည်နှင့်တစ် ပြိုင်နက်ရွှေရုပ်ကြီးကိုဦးညွှတ်ရှိခိုးကြ လော့။ အကယ်၍ရှိမခိုးကြပါကသင်တို့ သည်ပြင်းစွာအလျှံထလျက်နေသောမီး ဖိုထဲသို့ချက်ချင်းပစ်ချခြင်းကိုခံရ ကြလတ္တံ့။ သင်တို့အားကယ်နိုင်မည့်ဘုရား ရှိသည်ဟုသင်တို့ထင်မှတ်ကြသလော” ဟုမိန့်တော်မူ၏။16ရှာဒရက်၊ မေရှက်နှင့်အဗေဒနေဂေါတို့ က“အရှင်မင်းကြီး၊ အကျွန်ုပ်တို့သည်မိမိ တို့အတွက်ထုချေလျှောက်လဲကြမည် မဟုတ်ပါ။- 17အကျွန်ုပ်တို့ကိုးကွယ်သောဘုရားသခင် သည် အကျွန်ုပ်တို့အားပြင်းစွာအလျှံထ လျက်ရှိသောမီးဖိုကြီးထဲမှလည်းကောင်း၊ အရှင်၏လက်မှလည်းကောင်းကယ်နိုင် လျှင်လည်းကယ်တော်မူမည်။- 18ကယ်တော်မမူလျှင်လည်းအကျွန်ုပ်တို့ သည်အရှင်၏ဘုရားကိုရှိမခိုး၊ အရှင် ၏ရွှေရုပ်ကြီးကိုလည်းဦးမညွှတ်ကြောင်း သိမှတ်တော်မူပါ” ဟုပြန်လည်လျှောက် ထားကြ၏။
19ထိုအခါနေဗုခဒ်နေဇာသည်မိမိစိတ်ကို မချုပ်တည်းနိုင်တော့ဘဲ ရှာဒရက်၊ မေရှက်နှင့် အဗေဒနေဂေါတို့အပေါ်တွင်အမျက်ထွက် ကာမျက်နှာနီမြန်း၍လာတော်မူ၏။ ထို ကြောင့်မင်းကြီးသည်မီးဖိုကြီးကိုခုနစ်ဆ မျှပို၍ပူအောင်မီးထိုးစေတော်မူပြီးလျှင်၊- 20မိမိ၏တပ်မတော်တွင်ခွန်အားအကြီးမား ဆုံးသောသူတို့အား ထိုသူသုံးယောက်ကို ပြင်းစွာအလျှံထလျက်ရှိသောမီးဖိုကြီး ထဲသို့ပစ်ချရန်အမိန့်ပေးတော်မူ၏။- 21သို့ဖြစ်၍သူတို့သည်ထိုသူသုံးယောက်တို့ အားဘောင်းဘီ၊ အင်္ကျီ၊ ဝတ်လုံအင်္ကျီအစရှိ သည့်အဝတ်တန်ဆာများနှင့်တကွတုပ် နှောင်ပြီးလျှင် ပြင်းစွာအလျှံထလျက်နေ သောမီးဖိုကြီးထဲသို့ပစ်ချလိုက်ကြ၏။- 22မင်းကြီးကြပ်တည်းစွာမိန့်မှာတော်မူခဲ့သည့် အတိုင်း မီးဖိုကြီးကိုအလွန့်အလွန်ပူအောင် ပြုလုပ်ထားသဖြင့်ရှာဒရက်၊ မေရှက်၊ အဗေ ဒနေဂေါတို့အားမီးဖိုကြီးသို့သယ်ဆောင် လာသောသူတို့သည် မီးလျှံအရှိန်ကြောင့် သေကြကုန်၏။- 23သို့ဖြစ်၍ရှာဒရက်၊ မေရှက်၊ အဗေဒနေဂေါ တို့သည် တုပ်နှောင်လျက်ပင်ပြင်းစွာအလျှံ ထလျက်နေသောမီးဖိုကြီးထဲသို့ကျ ရောက်သွားကြလေသည်။24ထိုအခါနေဗုခဒ်နေဇာသည်အံ့အားသင့် လျက် ရုတ်တရက်ထတော်မူပြီးလျှင် မိမိ ၏အတိုင်ပင်ခံအရာရှိများအား“ငါတို့ သည်လူသုံးယောက်တို့ကိုတုပ်နှောင်၍ပြင်း စွာအလျှံထလျက်ရှိသည့်မီးဖိုကြီးထဲ သို့ပစ်ချခဲ့ကြသည်မဟုတ်ပါလော” ဟု မေးတော်မူ၏။25ထိုသူတို့က“မှန်ပါသည်အရှင်မင်းကြီး” ဟုလျှောက်ထားလျှင်၊မင်းကြီးက“ယင်းသို့ဖြစ်ပါမူမီးထဲတွင် လူလေးယောက်သွားလာနေသည်ကိုအဘယ် ကြောင့်ငါမြင်ရပါသနည်း။ သူတို့အား တုပ်နှောင်ထားခြင်းလည်းမရှိ၊ သူတို့သည် မီးလောင်ခံကြရပုံလည်းမပေါ်။ ထို့ပြင် စတုတ္ထလူသည်ကောင်းကင်တမန် နှင့်တူသည်” ဟုမိန့်တော်မူ၏။
26သို့ဖြစ်၍နေဗုခဒ်နေဇာမင်းသည် ပြင်းစွာ အလျှံထလျက်နေသောမီးဖိုကြီးအဝ သို့ချဉ်းကပ်ပြီးလျှင်“အမြင့်မြတ်ဆုံးသော ဘုရားသခင်၏အစေခံရှာဒရက်၊ မေရှက် နှင့်အဗေဒနေဂေါတို့၊ မီးဖိုထဲမှထွက်လာ ကြလော့” ဟုမိန့်တော်မူ၏။ ထိုအခါသူတို့ သည်ချက်ချင်းပင်ထွက်လာကြ၏။- 27မင်းညီမင်းသားများ၊ ဘုရင်ခံများ၊ ဒုတိယ ဘုရင်ခံများနှင့်ဘုရင့်အတိုင်ပင်ခံအရာ ရှိအပေါင်းတို့သည် မီးလောင်ခြင်းမခံရ ကြသောလူသုံးဦးတို့ကိုဝိုင်း၍ကြည့်ရှုကြ ကုန်၏။ ထိုသူတို့၏ဆံခြည်ပင်တစ်ပင်မျှ မီးမမြိုက်။ အဝတ်အင်္ကျီများသည်မီးမလောင်၊ သူတို့ကိုယ်မှမီးခိုးနံ့လည်းမရ။28မင်းကြီးက“ရှာဒရက်၊ မေရှက်နှင့်အဗေဒ နေဂေါတို့ကိုးကွယ်သောဘုရားသခင်ကို ထောမနာပြုကြလော့။ ကိုယ်တော်သည်ကောင်း ကင်တမန်ကိုစေလွှတ်တော်မူ၍ မိမိကိုယုံ ကြည်ကိုးစားကြသောဤသူသုံးဦးတို့ အားကယ်တင်တော်မူ၏။ သူတို့သည်မိမိ တို့၏ဘုရားမှတစ်ပါးအခြားဘုရားကို ဦးညွှတ်ရှိခိုးမည့်အစား မိမိတို့အသက် ဘေးကိုပင်ပမာဏမပြုဘဲငါ၏အမိန့် ကိုဖီဆန်ခဲ့ကြ၏။29“ထိုကြောင့်ဘာသာစကားအမျိုးမျိုးကို ပြောဆိုသောလူမျိုးအသီးသီးနှင့်နိုင်ငံ အသီးသီးကမည်သူမဆိုရှာဒရက်၊ မေရှက် နှင့်အဗေဒနေဂေါတို့၏ဘုရားအားမရို မသေပြောဆိုသည်ဆိုအံ့၊ ထိုသူအားအပိုင်း ပိုင်းဖြတ်၍နေအိမ်ကိုလည်း ပြာပုံဖြစ်စေ ဟုယခုငါအမိန့်ပေး၏။ ထိုသူသုံးဦးတို့ ၏ဘုရားကဲ့သို့အဘယ်ဘုရားမျှမကယ် တင်နိုင်” ဟုမိန့်တော်မူ၏။30ထိုနောက်မင်းကြီးသည် ရှာဒရက်၊ မေရှက်နှင့် အဗေဒနေဂေါတို့အား ဗာဗုလုန်ပြည် နယ်တွင်ပိုမိုကြီးမြင့်သည့်ရာထူးများ ဖြင့်ချီးမြှင့်တော်မူလေသည်။
၁. ပထမပညာတ်တော် ဘုရင် နေဗုခဒ်နေဇာဟာ ဘယ်လိုချိုးဖောက်ခဲ့လဲ။
၂. ဘယ်အကျင့်က ပိုဆိုးလဲ။ ဘုရင် နေဗုခဒ်နေဇာရုပ်တုလုပ်တာ ပိုဆိုးလား။ သူများကို ရုပ်တုအတင်းကိုးကွယ်ခိုင်းတာ ပိုဆိုးလား။ ဘာဖြစ်လို့လဲ။
၃. သူများတွေက သင့်ကို မှားယွင်းတဲ့ဘုရားတွေကို ကိုးကွယ်ဖို့ ဘယ်လိုအတင်းလုပ်ကြလဲ။
ပထမပညတ်တော်
“ငါမှတပါး အခြားသောဘုရားကို မကိုးကွယ်နှင့်။”
ဒါက ဘာကိုဆိုလိုတာလဲ။
အရာအားလုံးထက် ဘုရားသခင်ကို ပိုကြောက်ရွံ့၊ ပိုချစ်ပြီး ပိုယုံကြည်ရမယ်။
ကမ္ဘာဦး ၂၂း၁‒၁၄
1ကာလအတန်ကြာသောအခါဘုရားသခင် သည် အာဗြဟံ၏နာခံခြင်းသဘောကိုစစ်ဆေး တော်မူ၏။ ဘုရားသခင်က“အာဗြဟံ” ဟုခေါ် လျှင်အာဗြဟံက“အကျွန်ုပ်ရှိပါ၏အရှင် ဘုရား” ဟုထူးလေ၏။ 2ထိုအခါဘုရားသခင်က“သင်အလွန်ချစ်သော သင်၏တစ်ဦးတည်းသောသားဣဇာက်ကိုခေါ်ဆောင် ၍မောရိပြည်သို့သွားလော့။ ထိုအရပ်တွင်ငါပြ မည့်တောင်ပေါ်၌သူ့ကိုယဇ်ကောင်အဖြစ်ဖြင့် ငါ့အားပူဇော်လော့” ဟုအမိန့်ပေးတော် မူ၏။ 3နောက်တစ်နေ့နံနက်စောစောတွင်အာဗြဟံသည် ယဇ်ပူဇော်ရန်ထင်းကိုခွဲ၍မြည်းပေါ်သို့တင် ပြီးလျှင် ဣဇာက်နှင့်အစေခံနှစ်ယောက်တို့ကို ခေါ်လျက်ဘုရားသခင်ညွှန်ပြသောအရပ် သို့ရှေ့ရှုလာခဲ့သည်။- 4တတိယနေ့သို့ရောက်သော်အာဗြဟံသည် ထိုအရပ်ကိုအဝေးမှမြင်ရ၏။- 5ထိုအခါသူ၏အစေခံတို့အား“သင်တို့သည် ဤအရပ်တွင်မြည်းနှင့်အတူနေရစ်ကြ။ ငါ နှင့်ငါ့သားတို့ကထိုအရပ်သို့သွား၍ဘုရား ကိုဝတ်ပြုကိုးကွယ်ပြီးလျှင်ပြန်လာမည်” ဟု မှာကြားလေသည်။ 6အာဗြဟံသည်ယဇ်ပူဇော်ရန်ထင်းကိုဣဇာက် အားသယ်စေ၍ သူကိုယ်တိုင်ကမူဋ္ဌားနှင့်မီး ပျိုးရန်မီးခဲကိုယူဆောင်ခဲ့လေသည်။ သူတို့ အတူတကွလျှောက်လာကြစဉ်၊- 7ဣဇာက်က“အဖ” ဟုခေါ်လိုက်၏။ အာဗြဟံက“ငါ့သား” ဟုထူး၏။ ဣဇာက်က“အဖထံမှာမီးလည်းပါပြီ။ ထင်း လည်းပါပြီ။ ယဇ်ပူဇော်ရန်သိုးငယ်အဘယ် မှာနည်း” ဟုမေး၏။ 8အာဗြဟံက“ဘုရားသခင်ကိုယ်တော်တိုင် ယဇ်ကောင်ကိုစီမံပေးပါလိမ့်မည်” ဟုပြန် ဖြေလိုက်၏။ ထိုနောက်သူတို့နှစ်ဦးဆက်၍ လျှောက်သွားကြလေသည်။ 9ဘုရားသခင်ညွှန်ပြတော်မူသောအရပ်သို့ ရောက်ကြသောအခါ အာဗြဟံသည်ယဇ်ပလ္လင် ကိုတည်၍ထင်းကိုပလ္လင်ပေါ်တွင်ပုံ၏။ ထို နောက် သူ၏သားကိုတုတ်နှောင်ပြီးလျှင်ထင်းပုံပေါ် တွင်တင်ထား၏။- 10ထိုနောက်သားကိုသတ်ရန်ဋ္ဌားကိုယူလိုက်၏။- 11ထိုအခိုက်တွင်ထာဝရဘုရား၏ကောင်းကင်တမန် သည်“အာဗြဟံ၊ အာဗြဟံ” ဟုကောင်းကင်မှ ခေါ်လေ၏။ အာဗြဟံက“အကျွန်ုပ်ရှိပါ၏အရှင်ဘုရား” ဟုထူးလေ၏။ 12ကောင်းကင်တမန်က“သူငယ်အားမည်သို့မျှမနာ မကျင်စေနှင့်။ သင်သည်တစ်ဦးတည်းသောသားကို ငါ့အားပူဇော်ရန်မငြင်းဆိုခဲ့သဖြင့် ဘုရားသခင်ကိုကြောက်ရွံ့ရိုသေ၍အမိန့်တော်ကို နာခံသူဖြစ်ကြောင်း ယခုငါသိရပြီ” ဟုမိန့် တော်မူ၏။ 13ထိုနောက်အာဗြဟံသည်မော်၍ကြည့်လိုက်သော အခါ ချုံထဲတွင်ဦးချိုငြိနေသောသိုးထီးတစ် ကောင်ကိုမြင်ရလေသည်။ သူသည်သွား၍ထိုသိုး ကိုယူဆောင်ခဲ့ပြီးလျှင် သား၏ကိုယ်စားမီးရှို့ ရာယဇ်ကောင်အဖြစ်ပူဇော်လေ၏။- 14အာဗြဟံသည်ထိုအရပ်ကို“ထာဝရဘုရား ပြင်ဆင် ပေးသည်” ဟုသမုတ်လေ၏။ ယနေ့ထက်တိုင်လူ တို့က“တောင်ပေါ်မှာထာဝရဘုရားပြင်ဆင် ပေးလိမ့်မည်” ဟူ၍ပြောဆိုလေ့ရှိကြ၏။
၁. အာဗြဟံအတွက် ဘယ်အရာက ရုပ်တုဖြစ်နေနိုင်ခဲ့လဲ။
၂. အာဗြဟံက ဘုရားသခင်ကို ယုံကြည်တယ်ဆိုတာကို ဘယ်စကားတွေကနေပြီးတော့ သိရလဲ။
၃. အာဗြဟံက ဘုရားသခင်ကို ချစ်ခဲ့တယ်ဆိုတာကို ဘယ်အကျင့်ကနေပြီးတော့ သိရလဲ။
၄. သင့်အတွက် ဘယ်အရာက ရုပ်တုဘုရားဖြစ်နိုင်မလဲ။
၅. ဘုရားသခင်ဆီမှာ သင်ရဲ့ယုံကြည်ခြင်း (ကိုးစားခြင်း) ဘယ်လိုပြသလဲ။
၆. ဘုရားသခင်ဆီကို သင်ရဲ့ချစ်ခြင်းမေတ္တာ ဘယ်လိုပြသလဲ။
© Lutheran Agency for Missions to Burmese (LAMB). (2024). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.