သ့ၣ်နီၣ်ထီၣ်မုၢ်အိၣ်ဘှံးအနံၤလၢနကပာ်စီဆှံ အီၤ အဂ့ၢ်န့ၣ်တက့ၢ်

လူၤကၣ် ၂း၄၁-၅၂

^၄၁ ဒီးအမိၢ်အပၢ်လဲၤထီၣ်ဆူယရူၤၡလ့ၣ်ကိးနံၣ်ဒဲး, လၢ ဘူၣ်လဲၤ ကပာ်လီၤ. ^၄၂ ဒီးတၢ်မၤအသးလၢအသးပှၢ်ထီၣ်တဆံခံနံၣ်ဒီး, အဝဲသ့ၣ် ဒ်ဘူၣ်အလုၢ်အလၢ်အသိးန့ၣ်, လဲၤထီၣ်ဆူယရူၤၡလ့ၣ်, ^၄၃ ဒီးဖဲအမုၢ်နံၤ တဖၣ်ပှဲၤထီၣ်ဝံၤဒီး, ပှၤတဖၣ်က့ၤက့ၤဝဲ, ဒီးဖိသၣ်ယ့ၣ်ရှူးအိၣ် လီၤတဲာ်လၢယရူၤၡလ့ၣ်အပူၤလီၤ. ဒီးစီၤယိၤသးဒီးအမိၢ်တသ့ၣ် ညါဘၣ်. ^၄၄ ဒီးဆိကမိၣ်ဝဲလၢအအိၣ်လၢပှၤလဲၤဒီးအီၤအကျါ, ဒီးက့ၤက့ၤဝဲတနံၤလဲၤကျဲလီၤ. ဒီးဃုအီၤသပှၢ်ပှၢ် လၢအဘူးအတံၢ် ဒီးအတံၤအသကိးအကျါ, ^၄၅ ဒီးတထံၣ်န့ၢ်ဘၣ်ဝဲဘၣ်, ဒီးက့ၤဃုက့ၤ အီၤဆူ ယရူၤၡလ့ၣ်လီၤ. ^၄၆ ဒီးတၢ်မၤအသးလၢ သၢနံၤပူၤကွံာ်ဒီး, ထံၣ်န့ၢ်အီၤအိၣ် လၢတၢ်လုၢ်အဟံၣ်ပူၤ, ဆ့ၣ်နီၤဝဲလၢသရၣ်သ့ၣ်တဖၣ် အသးကံၢ်ပူၤ, ဒီးကနၣ်အကလုၢ်, ဒီးသံကွၢ်အတၢ် လီၤ. 

^၄၇ ဒီးမ့ၢ်အတၢ်ကူၣ်သ့, ဒီးအတၢ်စံးဆၢတၢ်သတးဒီး, ပှၤနၢ်ဟူဝဲတဖၣ်န့ၣ်, ပာ်အသးကမၢကမၣ်ခဲလၢာ် လီၤ. ^၄၈ ဒီးတုၤအထံၣ်အီၤဒီး, ကမၢကမၣ် ဒိၣ်မး, ဒီးအမိၢ်စံးဘၣ်အီၤ, ဖိဧၢ, ဘၣ်မနုၤလၢနမၤပှၤဒ်အံၤလဲၣ်. ကွၢ်ကွၢ်, နပၢ်ဒီးယၤအံၤ, ပသူၣ်အုးသးအုးဒီး ပဃုလံနၤ လီၤ. ^၄၉ ဒီးစံးဘၣ်အီၤ, ဘၣ်မနုၤလၢသုဃုယၤလဲၣ်. သုတသ့ၣ်ညါဘၣ်လၢ ယဘၣ်အိၣ် လၢယပၢ်အဟံၣ်ပူၤဘၣ် ဧါ. ^၅၀ ဒီးတၢ်ကတိၤလၢအစံးဘၣ်အီၤန့ၣ်, အဝဲသ့ၣ်အနၢ်တပၢၢ်ဘၣ်လီၤ. ^၅၁ ဒီးအဝဲဒၣ်က့ၤက့ၤဝဲဒီးအီၤ, ဒီးလဲၤဆူနစၤရ့း, ဒီးပာ်အသးလၢအဖီလာ်လီၤ. ဒီးတၢ်တဖၣ်န့ၣ် အမိၢ်တိၢ်န့ၢ်လၢအသးခဲလၢာ်လီၤ ^၅၂ ဒီးယ့ၣ်ရှူးဒိၣ်ထီၣ် လၢတၢ်ကူၣ်သ့, ဒီးလၢအနီၢ်ခိ, ဒီးလၢတၢ်ဘၣ်ယွၤအသးဒီးပှၤကညီအသးလီၤ.
 
 ၁. မုၢ်အိၣ်ဘှံးနံၤန့ၣ်ပကိးအီၤအမံၤအဂၤဒ်လဲၣ်.

၂. ကစၢ်ယွၤပာ်ဒိၣ်ပာ်ထီမုၢ်အိၣ်ဘှံးနံၤဒ်လဲၣ်. 

၃. မ့ၢ်နပာ်ဒိၣ်ပာ်ထီမုၢ်အိၣ်ဘှံးဒ်လဲၣ်.

သ့ၣ်နီၣ်ထီၣ်မုၢ်အိၣ်ဘှံးအနံၤလၢနကပာ်စီဆှံ အီၤ အဂ့ၢ်န့ၣ်တက့ၢ်

တၢ်ကတိၤအံၤမ့ၢ် အခီပညီဒ် လဲၣ်
ပကဘၣ်အဲာ်ယွၤပျံၤယွၤဒ်န့ၣ်အသိးန့ၣ်ပသုးတမၤတရီတပါကစၢ်ယွၤအကလုၢ်ကထါအတၢ်သိၣ် လိဒီးတၢ်သံၣ်တဲးတဲးလီၤတဂ့ၤဘၣ် ဆၣ်ပကဘၣ်ပာ်အီၤလၢအမ့ၢ်တၢ်စီတၢ်ဆှံဒီးမၤလိဒိကနၣ်ဘၣ်အီၤ လၢတၢ်းခုအပူၤန့ၣ်လီၤ.

လူၤကၣ် ၁၉း၃၈-၄၂

^၃၈ ဒီးတၢ်မၤအသးဖဲအလဲၤတၢ်အဖၢမုၢ်ဒီး, အဝဲဒၣ် လဲၤနုာ်ဆူ သဝီတဖျၢၣ်အပူၤ, ဒီးပိာ်မုၣ်အမံၤနီၢ်မၢ်သၤတဂၤ တူၢ်လိာ်အီၤလၢအဟံၣ် ပူၤလီၤ. ^၃၉ ဒီးပိာ်မုၣ်န့ၣ် အဒီပုၢ်ဝဲၢ်မုၣ်, ကိးဝဲလၢနီၢ်မၤရံအိၣ်ဝဲတဂၤလီၤ. အဝဲဒၣ်န့ၣ်ဆ့ၣ် နီၤလၢကစၢ် အခီၣ်ထံး, ဒီးကနၣ်အကလုၢ်လီၤ.

^၄၀ မ့မ့ၢ်နီၢ်မၢ်သၤန့ၣ်လၢအတၢ်မၤအါအဃိဒီး, အသးကိၢ်ထီၣ် ဒီးလဲၤဆူအအိၣ်ဒီးစံးဝဲဒၣ်, ကစၢ်ဧၢ, ယမၤတၢ်တဂၤဃီဒီးယဒီပုၢ် ဝဲၢ်မုၣ်အိၣ်ဒၣ်အတၢ်န့ၣ်, နတပာ်ဘၣ်လၢတၢ်နီတမံၤဘၣ်ဧါ. မၤသးဒ်န့ၣ် ဒီးဒ်သိး အကမၤစၢၤယၤဒီး, စံးဘၣ်အီၤတက့ၢ်. ^၄၁ ဒီးယ့ၣ်ရှူးကတိၤ ဆၢတၢ်ဒီးစံးဘၣ်အီၤ, နီၢ်မၢ်သၤဧၢ, နီၢ်မၢ်သၤဧၢ, နဲဒၣ်အံၤ, နဘၣ်ယိၣ် တၢ်ဒီးနသးကိၢ်တၢ်လၢတၢ် အါမံၤအဃိလီၤ. ^၄၂ ဘၣ်ဆၣ်ဒီး တၢ်လၢပှၤကြၢးန့ၢ်ဘၣ်ဝဲန့ၣ်, အိၣ်တမံၤလီၤ. ဒီးနီၢ်မၤရံဃုထၢလံ တၢ်အဂ့ၤတမံၤန့ၣ်, လၢပှၤတဟံးထီၣ်ကွံာ်ဘၣ် လၢအီၤနီတဂၤဘၣ်.

၁.ကစၢ်ယွၤဟဲလီၤလၢကမၤတၢ်ခ့တၢ်ပှၤအတၢ်မၤန့ၣ်လီၤ.ဆၢကတီၢ်ဖဲန့ၣ်ဘၣ်မနုၤအဃိစီၤမၤသဲမၤကမၣ်ဘၣ်တၢ်ခ့တၢ်ပှၤအတၢ်မၤလဲၣ်.

၂. နီၢ်မၤရံပာ်ဖျါထီၣ်တၢ်ပာ်ဒိၣ်ပာ်ထီမုၢ်အိၣ်ဘှံးနံၤဒ်လဲၣ်.

ဧ့ၤဘြံၤ ၁၀း၂၅ ^၂၅ ဟးဆှဲးပတၢ်အိၣ်ဖှိၣ်ရိဖှိၣ်, ဒ်ပှၤတနီၤနီၤအလုၢ်အလၢ်အသိးန့ၣ်တဂ့ၤ, ပသဆၣ်ထီၣ်လိာ်ပခံဒီး, ပထံၣ်အမုၢ်တနံၤဒံးဘူးထီၣ်ဒီး, မ်ပသဆၣ်ထီၣ် လိာ်ပခံဒံးအါထီၣ်တက့ၢ်.

၃. ညီနုၢ်တၢ်ဘူၣ်တၢ်ဘါအပူၤန့ၣ်လံာ်စီဆှံအဆၢဖိအံၤသိၣ်လိနၤဒ်လဲၣ်.

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.

တၢ်မၤလိာ်၂ထံၣ်တထံၣ်

တၢ်မၤလိာ် ၄ ထံၣ်တထံၣ်