ယူးယီၣ်နမိၢ်နပၢ်တက့ၢ်

လူၤကၣ် ၂း၄၁-၅၂

^၄၁ ဒီးအမိၢ်အပၢ်လဲၤထီၣ်ဆူယရူၤၡလ့ၣ်ကိးနံၣ်ဒဲး, လၢ ဘူၣ် လဲၤကပာ်လီၤ. ^၄၂ ဒီးတၢ်မၤအသးလၢအသးပှၢ်ထီၣ် တဆံခံနံၣ်ဒီး, အဝဲသ့ၣ်ဒ်ဘူၣ် အလုၢ် အလၢ်အသိးန့ၣ်, လဲၤထီၣ်ဆူယရူၤ ၡလ့ၣ်, ^၄၃ ဒီးဖဲအမုၢ်နံၤတဖၣ်ပှဲၤထီၣ်ဝံၤဒီး, ပှၤတဖၣ်က့ၤက့ၤဝဲ, ဒီးဖိသၣ်ယ့ၣ်ရှူးအိၣ်လီၤတဲာ်လၢယရူၤၡလ့ၣ်အပူၤလီၤ. ဒီးစီၤယိၤသးဒီးအမိၢ်တသ့ၣ် ညါဘၣ်. ^၄၄ ဒီးဆိကမိၣ်ဝဲလၢအအိၣ် လၢပှၤလဲၤ ဒီးအီၤအကျါ, ဒီးက့ၤက့ၤဝဲတနံၤလဲၤကျဲလီၤ. ဒီးဃုအီၤသပှၢ်ပှၢ် လၢအဘူး အတံၢ်ဒီးအတံၤအသကိးအကျါ, 

^၄၅ ဒီးတထံၣ်န့ၢ်ဘၣ်ဝဲဘၣ်, ဒီးက့ၤဃုက့ၤ အီၤဆူယရူၤၡလ့ၣ်လီၤ. ^၄၆ ဒီးတၢ်မၤအသးလၢ သၢနံၤပူၤကွံာ်ဒီး, ထံၣ်န့ၢ်အီၤအိၣ် လၢတၢ်လုၢ်အဟံၣ်ပူၤ, ဆ့ၣ်နီၤဝဲလၢသရၣ်သ့ၣ် တဖၣ် အသးကံၢ်ပူၤ, ဒီးကနၣ်အကလုၢ်, ဒီးသံကွၢ်အတၢ် လီၤ. ^၄၇ ဒီးမ့ၢ်အတၢ် ကူၣ်သ့, ဒီးအတၢ်စံးဆၢတၢ်သတးဒီး, ပှၤနၢ်ဟူဝဲတဖၣ်န့ၣ်, ပာ်အသး ကမၢကမၣ်ခဲလၢာ် လီၤ. ^၄၈ ဒီးတုၤအထံၣ်အီၤဒီး, ကမၢကမၣ်ဒိၣ်မး, ဒီးအမိၢ်စံးဘၣ်အီၤ, ဖိဧၢ, ဘၣ်မနုၤလၢနမၤပှၤဒ်အံၤလဲၣ်. ကွၢ်ကွၢ်, နပၢ်ဒီးယၤအံၤ, ပသူၣ်အုးသးအုးဒီး ပဃုလံနၤ လီၤ. ^၄၉ ဒီးစံးဘၣ်အီၤ, ဘၣ်မနုၤလၢသုဃုယၤလဲၣ်. သုတသ့ၣ်ညါဘၣ်လၢ ယဘၣ်အိၣ် လၢယပၢ် အဟံၣ်ပူၤဘၣ် ဧါ. ^၅၀ ဒီးတၢ်ကတိၤလၢအစံးဘၣ်အီၤန့ၣ်, အဝဲသ့ၣ် အနၢ် တပၢၢ်ဘၣ်လီၤ. ^၅၁ ဒီးအဝဲဒၣ်က့ၤက့ၤဝဲဒီးအီၤ, ဒီးလဲၤဆူနစၤရ့း, ဒီးပာ် အသးလၢအဖီလာ်လီၤ. ဒီးတၢ်တဖၣ်န့ၣ် အမိၢ်တိၢ်န့ၢ်လၢအသးခဲလၢာ်လီၤ. ^၅၂ ဒီးယ့ၣ်ရှူးဒိၣ်ထီၣ်လၢတၢ်ကူၣ်သ့, ဒီးလၢအနီၢ်ခိ, ဒီးလၢတၢ်ဘၣ် ယွၤအသး ဒီးပှၤကညီအသးလီၤ.

၁) ကစၢ်ယ့ၣ်ရှူးယူးယီၣ်အပၢ် (ပၢ်ကစၢ်ယွၤ) ဒ်လဲၣ်.
 

၂) ကစၢ်ယ့ၣ်ရှူးယူးယီၣ်အမိၢ်အပၢ်ဒ်လဲၣ်.

 ၃) နယူးယီၣ်နမိၢ်နပၢ်ဒ်လဲၣ်
 

၄)  နယူးယီၣ်နပၢ်အိၣ်လၢမူခိၣ်န့ၣ်ဒ်လဲၣ်.
 

ယူးယီၣ်နမိၢ်နပၢ်တက့ၢ်

တၢ်ကတိၤအံၤမ့ၢ်အခီပညီဒ်လဲၣ်

ပကဘၣ်အဲၣ်ယွၤပျံၤယွၤ ဒ်န့ၣ်အသိးန့ၣ်ပသုးတဒုး ဒွဲၣ် မၤတရီတပါ ဒီးမၤဒိၣ်ထီၣ်ပမိၢ်ပပၢ်အသး ဒီးပှၤလၢအအိၣ်ဒီးစိးကမီၤလၢ အပၢတၢ် တဖၣ် အသးတဂ့ၤ ဘၣ်ဆၣ်ကြၢးလၢပကယူးယိၣ်ပာ်ကဲအီၤ ကွၢ်ထွဲအီၤ မၤသၢအီၤ ဒိကနၣ်အီၤ အဲၣ် ဒီးပာ်ထီၣ်ထီ အီၤလီၤ

လံာ်ၡမူၤအ့လးခံဘ့ၣ်တဘ့ၣ် ၁၅း၁-၁၄, ၁၈း၁-၉, ၁၄, ၃၃
 

^၁ ဒီၤလၢတၢ်န့ၣ်အလီၢ်ခံ တၢ်မၤအသးလၢစီးအးဘၡါလိၣ်ကတဲာ်ကတီၤလ့ၣ် ကဟၣ်တဖၣ်, ဒီးကသ့ၣ်တဖၣ်,ဒီးပှၤကညီယဲၢ်ဆံ ဒ်သိးအကဃ့ၢ်လၢ အမဲာ်ညါလီၤ. ^၂ ဒီးစီၤအးအၡါလိၣ်ဂဲၤဆၢထၢၣ်ဂီၤဂီၤ, ဒီးဆၢထၢၣ် လၢပဲတရီအဃၢၤ, ဒီးတုၤပှၤအိၣ် ခိးအကွီၢ်တဂၤဂၤဟဲဆူစီၤပၤအအိၣ် လၢတၢ်စံၣ်ညီၣ်အဂီၢ်ဒီး, တၢ်မၤအသးလၢစီၤ အၤဘၡါလိၣ်ကိးန့ၢ်အီၤ, ဒီးစံးဝဲဒၣ်, နဘၣ်ဃးဒီးဝ့ၢ်မနုၤတဝ့ၢ်လဲၣ်. ဒီးစံးဝဲဒၣ်, နခ့နပှၤဘၣ်ဃးဒီးအံၣ် စရ့လးအဒူၣ်တဖၣ်တဒူၣ်လီၤ. ^၃ ဒီးစီၤအးဘၡါလိၣ်စံးဝဲဒၣ်, ကွၢ်,နတၢ်ဂ့ၤ, ဒီးလိၤ,ဘၣ်ဆၣ်ဒီးစီၤပၤအပှၤလၢ အဒိကနၣ်နကလုၢ်န့ၣ်တ အိၣ်ဘၣ်. 

^၄ ဒီးစီၤအးဘၡါလိၣ်စံးဝဲဒၣ်,အိ,မ့ၢ်မတၤကပာ်ယၤလၢပှၤစံၣ်ညီၣ်ကွီၢ်လၢကီၢ်ပူၤတဂၤလဲၣ်. ဒီးကယဲၢ်ပှၤအိၣ်ဒီးအကွီၢ်မ့ၢ်ဂ့ၤ, တၢ်စံၣ်ညီၣ်အလီၢ်မ့ၢ်ဂ့ၤ, ဟဲဝဲဆူယအိၣ်ဒီးယကမၤအီၤလၢတၢ်တီတၢ်လိၤလီၤ. ^၅ ဒီးတုၤပှၤတဂၤဂၤ သုးဘူးအသး ဒ်သိးအကတီၤလီၤကဒွံကျိာ်ဒီး, တၢ်မၤအသးလၢအယူာ်ထီၣ် အစု,ဒီးဟံးန့ၢ်အီၤ,ဒီးနၢမူအီၤလီၤ. ^၆ ဒီးစီၤအးဘၡါလိၣ်မၤအံၣ်စရ့လးခဲလၢာ် လၢအဟဲဆူစီၤပၤအအိၣ်လၢစံၣ်ညီၣ်တၢ်အဂီၢ် ဒ်တၢ်န့ၣ်တမံၤအသိးလီၤ. ဒီးစီၤအးဘၡါလိၣ်ဟုၣ်န့ၢ်အံၣ်စရ့လးအပှၤကညီအသးလီၤ. ^၇ ဒီးလွံၢ်နံၣ် အလီၢ်ခံန့ၣ် တၢ်မၤအသးလၢစီၤအးဘၡါလိၣ်စံးဘၣ်စီၤပၤ, ဒုးလဲၤလၢ်ယၤဒ် သိးယကမၤဘူၣ် တၢ်ဘၣ်ဃးဒီးတၢ်ဆိၣ် လၢယဆိၣ်တၢ်ဒီးယွၤလၢဃ့ ဘြိၣ်အပူၤန့ၣ်တက့ၢ်.  ^၈ အဂ့ၢ်ဒ်အံၤ, လၢယအိၣ်လၢကရှူၢ်အပူၤန့ၣ် နခ့နပှၤဆိၣ် တၢ်ဆိၣ်တမံၤ, ဒီးစံးဝဲဒၣ်, ယွၤမ့ၢ်ဒုးဟဲက့ၤကဒီးယၤဆူ ယရူၤၡလ့ၣ်အပူၤသပှၢ်တၢၢ်ဒီး, ယကမၤယွၤ အတၢ်လီၤ. ^၉ ဒီးစီၤပၤစံးဘၣ်အီၤ, လဲၤတၢ်မုာ်မုာ်တက့ၢ်. ဒီးဂဲၤဆၢထၢၣ်, ဒီးလဲၤဝဲ ဆူဃ့ဘြိၣ်လီၤ. ^၁၀ ဒီးစီၤအးဘၡါလိၣ်မၢလီၤ ပှၤကွၢ်ဟုၣ်တၢ်လၢအံၣ် စစရ့လး အဒူၣ်ခဲလၢာ်အကျါဒီးစံးဝဲဒၣ်, တုၤသုနၢ်ဟူကွဲၤအသီၣ်ဒီး, သုဘၣ်စံး, စီၤ အးဘၡါလိၣ်ကဲစီၤပၤလၢဃံဘြိၣ်အပူၤလီၤ. ^၁၁ ဒီးပှၤခံကယၤဟးဝဲလၢ ယရူၤၡလ့ၣ် အပူၤအိၣ်ဒီးစီၤအးဘၡါလိၣ်လီၤ. တၢ်ကိးန့ၢ်အီၤ,ဒီးလဲၤဝဲတီတီလိၤလိၤ, ဒီးတသ့ၣ်ညါဘၣ်တၢ်နီတမံၤဘၣ်. ^၁၂ ဒီးစီၤအးဘၡါလိၣ် မၢလီၤတၢ် ဆူပှၤကံလိၤဖိစီၤအဃံသဖ့ၤလး, ပှၤကူၣ်လိာ်အသးဒီးစီၤဒၤဝံး, လၢအဝ့ၢ်ကံလိၤ အပူၤဖဲအလုၢ်တၢ်အဖၢမုၢ်လီၤ. ဒီးတၢ်အၢၣ်လီၤအၢန့ၣ်ဆူၣ်ထီၣ်ဝဲ, ဒီးပှၤလဲၤတၢ်, ဒီးအါထီၣ်ဒီး စီၤအးဘၡါလိၣ်န့ၣ်လီၤ. ^၁၃ ဒီးကလူးတဂၤဟဲဆူစီၤဒၤဝံးအအိၣ်, ဒီးစံးဝဲဒၣ်,အံၣ်စရ့လးအပှၤကညီတဖၣ် အသးအိၣ်ထွဲစီၤအးဘၡါလိၣ် အခံလီၤ. ^၁၄ ဒီးစီၤဒၤဝံးစံးဘၣ်အခ့အပှၤခဲလၢာ် လၢအအိၣ် ဒီးအီၤလၢယရူၤၡလ့ၣ်အပူၤန့ၣ်, ဂဲၤဆၢထၢၣ်,ဒီးဃ့ၢ်သကိးတက့ၢ်. မ့တမ့ၢ်ဘၣ်ဒ်န့ၣ်ဒီး ပတပူၤဖျဲးဒီးစီၤအးဘၡါလိၣ် ဘၣ်. ဟးထီၣ် ချ့ချ့တက့ၢ်.ကချုးန့ၣ်ဘၣ်ဖုးပှၤသတူာ်ကလာ်, ဒီးကဒုးဘၣ် ပှၤလၢတၢ်အၢ, ဒီးကကျီကွံာ်ဝ့ၢ်လၢနးအကနၣ်လီၤ. ^၁ ဒီးစီၤဒၤဝံးဂံၢ်ပှၤဂီၢ်မုၢ်လၢအအိၣ် ဒီးအီၤ, ဒီးပာ်ပှၤတကထိအခိၣ်တဖၣ်, ဒီးပှၤတကယၤအခိၣ်တဖၣ် လၢအဖီခိၣ်လီၤ. ^၂ ဒီးစီၤဒၤဝံးမၢလီၤသၢဖုတဖုလၢစီၤယိၤအာ်အစုပူၤ, ဒီးသၢဖုတဖုလၢနီၢ်စရူယၤအဖိခွါ, စီၤယိၤအာ်အဒီပုၢ်ဝဲၢ်စီၤ အဘံၡဲၤအစုပူၤ, ဒီးသၢဖုတဖုလၢပှၤကံးတံးဖိစီၤအံတဲၤအစုပူၤလီၤ. ဒီးစီၤပၤစံးဘၣ် ပှၤဂီၢ်မုၢ်,ယကလဲၤထီၣ်စ့ၢ်ကီး ယကစၢ်ဒၣ်ယဲဒီးသုသပှၢ်တၢၢ်လီၤ. ^၃ ဒီးပှၤဂီၢ် မုၢ်စံးဆၢဝဲဒၣ်, နတဘၣ်လဲၤဘၣ်. အဂ့ၢ်ဒ် အံၤ,ပမ့ၢ်ဃ့ၢ်ထီၣ်ကွံာ်ဒီး, အဝဲသ့ၣ် တဖၣ်န့ၣ်တပာ်ပှၤလၢအသးဘၣ်, ဒီးပမ့ၢ်သံတဝာ်ဒီး,အဝဲသ့ၣ်တဖၣ်န့ၣ် တပာ် ပှၤလၢအသးဘၣ်. အဂ့ၢ်ဒ်အံၤ, ခဲကနံၣ်အံၤနဂ့ၤန့ၢ်ပဝဲဒၣ် တကလးန့ၣ်တက့ၢ်လီၤ. ဒီးခဲကနံၣ်အံၤဂ့ၤလၢနကဲထီၣ် တၢ်မၤစၢၤပှၤလၢဝ့ၢ်ပူၤလီၤ. ^၄ ဒီးစီၤပၤစံးဝဲဒၣ်, ယကမၤတၢ်လၢအဂ့ၤလၢသုမဲာ်လီၤ. ဒီးစီၤပၤဆၢထၢၣ်လၢပဲတရီအဃၢၤ, ဒီးပှၤဂီၢ်မုၢ်ခဲလၢာ်ဟဲထီၣ်တကယၢအဖုတဖၣ်, ဒီးတကထိအဖုတဖၣ်လီၤ.

^၅ ဒီးစီၤပၤမၤလိာ်စီၤယိၤအာ်, ဒီးစီၤအဘံၡဲၤ,ဒီးစီၤအံတဲၤ,ဒီးစံးဝဲဒၣ်, မၤပှၤဖိၣ်သၣ် ခွါစီၤအးဘၡါလိၣ်စၢ်စၢ်လၢယဃိတက့ၢ်. ဒီးလၢစီၤဒၤဝံး မၤလိာ်ပှၤသုးဖိအခိၣ် တဖၣ်လၢ စီၤအးဘၡါလိၣ်အဂ့ၢ်အကျိၤန့ၣ် ပှၤဂီၢ်မုၢ်နၢ်ဟူဝဲခဲလၢာ်လီၤ. ^၆ ဒီးပှၤဂီၢ်မုၢ်ဟးထီၣ်ဝဲဆူတၢ်ပျီပူၤ ထီဒါအံၣ်စရ့လး,ဒးတၢ်ဒုးသုးန့ၣ်အိၣ်ဝဲလၢ သ့ၣ်တဖုဘၣ်ဃးဒီးအ့ဖ ရဲၣ်အကျါလီၤ. ^၇ ဒီးအံၣ်စရ့လးအပှၤဂီၢ်မုၢ်ဘၣ် တၢ်မၤသံအီၤလၢစီၤဒၤဝံး အခ့အပှၤ, ဒီးတၢ်လၢမုၢ်တနံၤန့ၣ် တၢ်မၤသံဖးဒိၣ်အိၣ် ဝဲပှၤကညီခံကလးလီၤ. ^၈ ဒီးတၢ်ဒုးသုးန့ၣ်လီၤပြံလီၤပြါဖဲန့ၣ် လၢကီၢ်ဒီဘ့ၣ် ညါဒီးတၢ်လၢမုၢ်တနံၤန့ၣ် သ့ၣ်တဖုအီၣ်ကွံာ်ပှၤအါန့ၢ်နးအီၣ် ကွံာ်တၢ်တက့ၢ်လီၤ. ^၉ ဒီးစီၤအးဘၡါလိၣ်ဘၣ်သဃိာ်ဒီး စီၤဒၤဝံးအခ့အပှၤဒီးစီၤအးဘၡါလိၣ် ဒိးကသ့လၤ, ဒီးကသ့ၣ် လၤလဲၤဝဲလၢသ့ထိးဖၣ်ဖးဒိၣ်တထံးအဒ့တီၣ်အဖီလာ် ဒီးစီၤအးဘၡါလိၣ် အခိၣ်သူဘၣ်ကွးလၢသ့ထိးဖၣ်ဖးဒိၣ်တထံးန့ၣ်အဒ့,ဒီးအကစၢ်လီၤစဲလၢတၢ်ဖးဖီလီၤ. ဒီးကသ့ၣ်လၤလၢအအိၣ်ဝဲလၢအဖီလာ်န့ၣ် ဟးထီၣ်ကွံာ်ဝဲလီၤ.

^၁၄ ဒီးစီၤယိၤအာ်စံးဝဲဒၣ်, ယတအိၣ်ယံာ်ဘၣ်ဒီးနၤဒ်အံၤဘၣ်. ဒီးဟံးန့ၢ်ဘီဖိသၢဘ့ၣ် လၢအစုပူၤဒီးဆဲးဖျိထီၣ်စီၤအးဘၡါလိၣ် အသးလၢအမူဒံးလၢ သ့ထိးဖၣ်အခံန့ၣ်လီၤ. ^၃၃ ဒီးစီၤပၤကနိးကစုာ်, ဒီးလဲၤထီၣ်ဝဲဆူတၢ်ဒၢးပူၤလၢပဲတရီအဖီခိၣ်,ဒီးဟီၣ်ဝဲလီၤ. ဒီးလဲၤတၢ်အဖၢမုၢ်န့ၣ်ဒီးစံးဝဲဒ်အံၤ,ယဖိခွါအးဘၡါလိၣ်ဧၢ, မ်ယသံတ့ၢ်လၢန ဂီၢ်ယဖိခွါအးဘၡါလိၣ်ဧၢ, ယဖိခွါအးဘၡါလိၣ်ဧၢ,ယဖိခွါဧၢ.

၁)စီၤအးဘရှါလိၣ်တယူးယီၣ်အပၢ်စီၤပၤဒၤဝံးဒ်လဲၣ်.
 

၂)စီၤအးဘရှါလိၣ်ဒုးဖျါထီၣ်အတၢ်ပာ်သးလၢအပၢ်အမဲာ်ညါဒ်လဲၣ်.
 

၃) နတယူးတယီၣ်နမိၢ်ဒီးနပၢ်ဒ်လဲၣ်.
 

၄) ကစၢ်ယ့ၣ်ရှူးယူးယီၣ်အမိၢ်ဒီးအပၢ်ဒ်လဲၣ်အဖီခိၣ်န့ၣ်ကဲထီၣ် တၢ်မၤစၢၤလၢနဂီၢ်ဒ်လဲၣ်.
 

၅) ပှၤဒ်လဲၣ်တဖၣ်လၢနတၢ်အိၣ်မူပူၤ ကြၢ:တၢ်ယူးယီၣ်ပာ်ကဲအီၤလဲၣ်.
 

၆)မ့ၢ်ကီခဲလၢနဂီၢ်လၢနကယူးယီၣ်ပှၤသ့ၣ်တဖၣ်န့ၣ်ဒီးနကမၤဒ်လဲၣ်.
 

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work. 

စံၢ်လီၤဖဲအံၤလၢ တၢ်တိစၢၤမၤစၢၤအဂီၢ်.

တၢ်မၤလိာ် ၃ ထံၣ်တထံၣ်

တၢ်မၤလိာ် ၅ ထံၣ်တထံၣ်