တဘၣ်မၤသံ ပှၤအသးတဂ့ၤ

လံာ်စီၤမိၤရှ့အခီၣ်ထံးတဘ့ ၄း၁-၁၅

^၁ ဒီးစီၤအၤဒၣ်သ့ၣ်ညါအမါနီၢ်အံၣ်အု, ဒီးအဝဲဒၣ်ဒၢထီၣ်, ဒီးဆံးစၢ်န့ၢ်စီၤ ကၤယံၣ်, ဒီးစံးဝဲဒၣ်, ယန့ၢ်ဘၣ် လံပှၤကညီတဂၤလၢယွၤလံ.  ^၂ ဒီးဆံးစၢ်န့ၢ်ကဒီးအပုၢ်စီၤဟ့းဘ့းလးလီၤ. ဒီးစီၤဟ့းဘ့းလးန့ၣ် မ့ၢ်ပှၤကွၢ်သိလီၤ. မ့မ့ၢ်စီၤကၤယံၣ်တဂၤန့ၣ်မ့ၢ်ပှၤမၤဟီၣ်ခိၣ်လီၤ. ^၃ ဒီးတၢ်မၤအသးလၢမုၢ်နံၤတဖၣ်အကတၢၢ်န့ၣ်, လၢစီၤကၤယံၣ် ဟဲစိာ်တၢ် မၤဘူၣ်ကစၢ်ယွၤလၢ ဟီၣ်ခိၣ်အ တၤသၣ်လီၤ. ^၄ ဒီးစီၤဟ့းဘ့းလးဟဲစိာ်စ့ၢ်ကီး သိအဝဲၢ်ကိတဖၣ်ဒီးအသိန့ၣ်လီၤ. ဒီးဘၣ်ယွၤအသးလၢစီၤဟ့း ဘ့းလးဒီးအတၢ်မၤဘူၣ်လီၤ. 

^၅ မ့မ့ၢ်စီၤကၤယံၣ်ဒီးအတၢ်မၤဘူၣ်န့ၣ်တဘၣ်ဘၣ်အသးဘၣ်, ဒီးစီၤကၤယံၣ်အသးထီၣ်ဒိၣ်ဒိၣ်ကလဲာ်, ဒီးအမဲာ်ဆှးသပှၢ်လီၤ. ^၆ ဒီးယွၤစံးဘၣ်စီၤကၤယံၣ်, ဘၣ်မနုၤနသးထီၣ်လဲၣ်, ဒီးဘၣ်မနုၤနမဲာ်လီၤ သပှၢ်လဲၣ်. ^၇ နမၤမ့ၢ်ဂ့ၤဒီး, တၢ်ပာ်ထီၣ်ထီနၤတအိၣ်ဘၣ်ဧါ. ဒီးနမၤမ့ၢ် ဂ့ၤဘၣ်ဒီးတၢ်ဒဲးဘးကိာ်လီၤလၢတြဲၤအဃၢၤလီၤ. ဒီးအဝဲဒၣ်ကသန့ၤ, အသးလၢနၤ, ဒီးနကပၢအီၤလီၤ.

^၈ ဒီးစီၤကၤယံၣ်ကတိၤတၢ်ဒီးအပုၢ် စီၤဟ့းဘ့းလး,ဒီးတၢ်မၤအသးလၢ အအိၣ်လၢတၢ်ပျီပူၤအဖၢမုၢ်ဒီး, စီၤကၤယံၣ် ဂဲၤထၢၣ်ထီဒါအပုၢ်စီၤဟ့းဘ့းလး, ဒီးမၤသံအီၤလီၤ.

^၉ ဒီးယွၤစံးဘၣ်စီၤကၤယံၣ်, နပုၢ်စီၤဟ့းဘ့းလးန့ၣ်အိၣ်ဖဲလဲၣ်. ဒီးအဝဲဒၣ်စံး, ယတသ့ၣ်ညါဘၣ်. ယမ့ၢ်ပှၤကွၢ်ယပုၢ်ယဲဧါ.

^၁၀ ဒီးအဝဲဒၣ်စံး, နမၤတၢ်မနုၤလဲၣ်. နပုၢ်အသွံၣ်အ သီၣ်ကိးထီၣ်ယၤလၢဟီၣ် ခိၣ်လာ်လီၤ. ^၁၁ ဒီးခဲကနံၣ်အံၤနဘၣ် တၢ်ဆိၣ်အၢကွံာ်လၢဟီၣ်ခိၣ်, လၢအအဲးထီၣ်အထးခိၣ်, ဒ်သိးအကဒိးန့ၢ်နပုၢ်အသွံၣ်လၢနစုပူၤလီၤ.- ^၁၂ တုၤနမၤဟီၣ်ခိၣ်ဒီး, တဟ့ၣ်လၢၤဘၣ်နၤလၢအဂံၢ်အဘါဘၣ်, နကကဲထီၣ်ပှၤလဲၤဝ့ၤဝီၤတၢ်, ဒီးပှၤဃ့ၢ်တၢ်လၢဟီၣ်ခိၣ်ချၢလီၤ.

^၁၃ ဒီးစီၤကၤယံၣ်စံးဘၣ်ယွၤ, ယတၢ်ဒဲးဘးဒိၣ်န့ၢ် ယ တူၢ်ကဲတက့ၢ်လီၤ. ^၁၄ ကွၢ်ကွၢ်, မုၢ်မဆါတနံၤအံၤနဟီထီၣ်ကွံာ်ယၤလၢဟီၣ်ခိၣ်အမဲာ်ညါ, ဒီးယကအိၣ်တဒၢဒီးနမဲာ်, ဒီးယကကဲထီၣ်ပှၤလဲၤဝ့ၤဝီၤတၢ်, ဒီးပှၤဃ့ၢ်တၢ် လၢဟီၣ်ခိၣ်ချၢ, ဒီးတၢ်ကမၤအသးလၢဖဲဒၣ်ပှၤလၢအထံၣ်န့ၢ်ယၤတဂၤ လၢ်လၢ်န့ၣ်ကမၤသံယၤလီၤ. ^၁၅ ဒီးယွၤစံးဘၣ်အီၤ, မၤသးဒ်န့ၣ်ဒီးဖဲဒၣ် ပှးလၢအမၤသံစီၤကၤယံၣ်တဂၤဂၤန့ၣ်, ကဘၣ်တၢ်ဒဲးဘးနွံစးလီၤ. ဒီးယွၤပာ်တၢ်ပနီၣ်လၢစီၤကၤယံၣ်အလိၤ, ဒ်သိးပှၤလၢအထံၣ် န့ၢ်အီၤအသုတမၤသံအီၤနီတဂၤတဂ့ၤလီၤ.

၁. စီၤကၤယံၣ်လုၢ်သ့ၣ်ခါပတာ်တၢ်မၤလိာ်ယဲၢ်ထံၣ်တထံၣ်အံၤဒ်လဲၣ်.

၂. စီၤကၤယံၣ်အမူအဒါအိၣ်လၢကဘၣ်အံးထွဲကွၢ်ထွဲအပုၢ်န့ၣ်ဧါ.

၃. နမူနဒါအိၣ်လၢမတၤအဂီၢ်လဲၣ်.

၄. ကစၢ်ယွၤပာ်ဖျါထီၣ်တၢ်သးကညီၤလၢစီၤကၤယံၣ်အဖီခိၣ်ဒ်လဲၣ်.

 ၅. ကစၢ်ယွၤပာ်ဖျါထီၣ်တၢ်သးကညီၤလၢနဖီခိၣ်ဒ်လဲၣ်.
 

တဘၣ်မၤသံ ပှၤအသးတဂ့ၤ

တၢ်မၤလိာ်တထံၣ်အံၤအခီပညီဒ်လဲၣ် 

ပဝဲသ့ၣ်တဖၣ်ပကဘၣ် အဲၣ်ယွၤပျံၤယွၤလီၤ. အဃိပဝဲသ့ၣ်တဖၣ်ပှီၤ လၢအဘၣ် ထွဲဒီးပှၤအနီၢ်ခိ ဒ်သိး ကဘၣ်ဒိကဟးဂီၤပတဘၣ်မၤဘၣ်. ပှၤအံၤသ့ၣ်တဖၣ် အနီၢ်ကစၢ်အတၢ်မိၣ်န့ၢ်သးလီတၢ် မၤစၢၤန့ၣ် အဝဲသ့ၣ် လီၤ. တတုၤဆူတၢ်ဟးဂီၤဒီး ကဘၣ်ကွၢ်ဆၢၣ်မဲာ်ဒီးတၢ် ဟးဂီၤအဂီၢ်ပ တဘၣ်မၤဘၣ်န့ၣ်လီၤ.

လူၤကၣ် ၁၀း၂၅-၃၇
 ၂၅ ဒီးကွၢ်ကွၢ်, မတၤတဂၤပှၤသ့လံာ်တၢ်သိၣ်တၢ်သီတဂၤ, ဂဲၤဆၢထၢၣ်ဒီးလ့ပစီအီၤဒီးစံးဝဲဒၣ်, သရၣ်ဧၢ, ဒ်သိးယကန့ၢ်ဘၣ် သါတၢ်မူအထူအယိာ်ဒီး, ယဘၣ်မၤမနုၤ တမံၤလဲၣ်. ၂၆ ဒီးအဝဲဒၣ်စံးဘၣ်အီၤ, လၢလံာ်တၢ်သိၣ် တၢ်သီအပူၤန့ၣ်, တၢ်ကွဲးဒ်လဲၣ်, နဖးဒ်လဲၣ်. ၂၇ဒီးကတိၤဆၢတၢ်ဒီးစံးဝဲဒၣ်, အဲၣ်ယွၤနကစၢ်လၢနသူၣ်ကံၢ်နသးလဲ, ဒီးနသးဒီဖျၢၣ်ညါ, ဒီးနတၢ်ကူၣ်တၢ်ဆးတုၤအလၢာ်, ဒီးနဂံၢ်နဘါခဲလၢာ်တက့ၢ်. ဒီးအဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးန့ၣ်တက့ၢ်. . ၂၈ ဒီးစံးဘၣ်အီၤ, နကတိၤတၢ်ကစီဒီလီၤ. မၤ တၢ်ဒ်န့ၣ်, ဒီးနကမူလီၤ. ၂၉ ဘၣ်ဆၣ်ဒီး, တၢ်မိၣ်ပာ်တီပာ်လိၤဒၣ်အသးဒီး, စံးဘၣ်ယ့ၣ်ရှူး, ဒီးပှၤလၢယဃၢၤန့ၣ် မ့ၢ်မတၤတဂၤလဲၣ်.

၃၀ ဒီးယ့ၣ်ရှူးကတိၤဆၢအီၤဒီးစံးဝဲဒၣ်, မတၤတဂၤလဲၤလီၤလၢယရူၤၡလ့ၣ် ဆူယရံၤဃိ, ဒီးလီၤဘၣ်လၢတမျိးတမျာ်အကျါ, ဒီးအဝဲသ့ၣ်ဘ့ၣ် လီၤကွံာ် အကူအသိး, ဒီး တီၢ်အီၤတုၤအကသံတ့ၢ်ဒီး လဲၤသဒၣ်အီၤလီၤ. ၃၁ ဒီးပှၤလုၢ်တၢ် အဒိၣ်တဂၤ လဲၤတၢ်လၢကျဲန့ၣ်, ဒီးတုၤအထံၣ် အီၤဒီးလဲၤဝဲလၢကျဲအဝၢ် ဘးခီလီၤ. ၃၂ ဒ်န့ၣ်အသိး, ပှၤလ့ၤဝံဖိတဂၤတုၤဖဲန့ၣ်, ဒီးလဲၤထံၣ်ဝဲဝံၤဒီး, လဲၤပူၤကွံာ်ဝဲလၢကျဲအဝၢ်ဘးခီစ့ၢ်ကီးလီၤ. ၃၃ မ့မ့ၢ်ပှၤၡၤမရံဖိတဂၤလဲၤတၢ်ဒီး, တုၤဝဲလၢအအိၣ်, ဒီး ထံၣ်အီၤ, ဒီးသးကညီၤအီၤလီၤ. ၃၄ ဒီးလူလီၤသိဒီးစပံးထံလၢအပူၤလီၢ်, ဒီးဘိၣ်ဘံဝဲ, ဒီးဒုးဒိးအီၤလၢအဆၣ်ဖိကီၢ်ဖိဒၣ်ဝဲတဒု, ဒီးဆှၢအီၤဆူပှၤတမှံၤအဘျီၣ် တဖျၢၣ်, ဒီး အံးက့ၤကွၢ်က့ၤအီၤလီၤ. ၃၅ ဒီးမုၢ်ဆ့ၣ်ထီၣ်တနံၤ, ဖဲအဟးထီၣ်န့ၣ်, ဟံးန့ၢ်စ့ဒန့ၤရံၤ ခံဘ့ၣ်ဒီး ဟ့ၣ်လီၤပှၤဘျီၣ်ခိၣ်ဒီးစံးဘၣ်အီၤ, အံးက့ၤကွၢ် က့ၤအီၤတက့ၢ်. ဒီးဖဲဒၣ်နလၢာ်အါန့ၢ်အအံၤတက့ၢ်န့ၣ်, တုၤယဟဲက့ၤဒီး, ယကဟ့ၣ်က့ၤနၤလီၤ.

^၃၆ မၤသးဒ်န့ၣ်ဒီးနဆိကမိၣ်ဒ်လဲၣ်. လၢပှၤသၢဂၤအကျါန့ၣ်, မ့ၢ်အကဲ လၢပှၤလီၤဘၣ်လၢတမျာ်အကျါတဂၤအ ပှၤလၢအဃၢၤဖဲလဲၣ် တဂၤလဲၣ်. 

^၃၇ ဒီးစံးဝဲဒၣ်, မ့ၢ်ပှၤလၢအသးကညီၤအီၤတဂၤလီၤ. ဒီးယ့ၣ်ရှူးစံးဘၣ်အီၤ, လဲၤမၤနဲဒ်န့ၣ်သိးတက့ၢ်.

၁. တၢ်ဘျၣ်တဖၣ်လုၢ်သ့ၣ်ခါပတာ်တၢ်မၤလိာ်ယဲၢ်ထံၣ်တထံၣ်အံၤဒ်လဲၣ်
 

၂. ပှၤလုၢ်တၢ်အဒိၣ်ဒီးပှၤလ့ၤဝံတဖၣ်လုၢ်သ့ၣ်ခါပတာ်တၢ်မၤလိာ်ယဲၢ်ထံၣ် တထံၣ်အံၤဒ်လဲၣ်.
 

၃. ပှၤၡၤမရံဖိတဂၤဟံးဃာ်(လူၤထွဲပိာ်ထွဲ)တၢ်မၤလိာ်ယဲၢ်ထံၣ်တထံၣ် အံၤဒ်လဲၣ်.
 

၄. ပှၤလၢနဃၢၤမ့ၢ်မတၤတဖၣ်လဲၣ်.
 

၅. နကဟံးဃာ်(လူၤထွဲပိာ်ထွဲ)တၢ်မၤလိာ်ယဲၢ်ထံၣ်တထံၣ်အံၤဒ်လဲၣ်.
 

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.

တၢ်မၤလိာ် ၄ ထံၣ်တထံၣ်
 တၢ်မၤလိာ် ၆ ထံၣ်တထံၣ်