ဟုၣ်တၢ်အဂ့ၤ

လံာ်စီၤယိၤရှူ  ၇း၁-၆, ၁၀-၁၁, ၁၆-၂၁, ၂၄-၂၆

၁ မ့မ့ၢ် ပှၤအံၣ်စရ့လးဖိ မၤကမၣ်တၢ်လၢ အဘၣ်တၢ်ဆိၣ်အၢတမံၤ အပူၤန့ၣ်လီၤ. အဂ့ၢ်ဒ်အံၤ,စီၤဧၤကၣ်, စီၤကၢ်မံၤအဖိခွါ, စီၤစးဘဒံၤအဖိခွါ, စီၤစ့ရၤအဖိခွါယူဒၤတဒူၣ်ဖိတဂၤဟံးန့ၢ်တၢ်ဘၣ်တၢ်ဆိၣ်အၢန့ၣ်လီၤ.ဒီးယွၤအသးထီၣ်ကဲၤထီၣ်ဘၣ်ပှၤအံၣ်စရ့လးဖိလီၤ. ၂ ဒီးစီၤယိၤရှူမၢလီၤ ပှၤကညီလၢ ယရံၤဃိဆူဂဲလၢအအိၣ်ဝဲလၢဘ့ၤသအၤဝ့ၣ် အဃၢၤလၢဘ့ၤသ့လးမုၢ်ထီၣ်တခီဒီးကတိၤတၢ်ဒီးအီၤဒီးစံးဝဲဒၣ်,လဲၤထီၣ်ဒီးကွၢ်ဟုၣ်ထံဧိၤကီၢ်ဧိၤန့ၣ်တက့ၢ်. ဒီးပှၤတဖၣ်န့ၣ်လဲၤထီၣ် ဝဲဒီးကွၢ်ဟုၣ် ထံဧိၤကီၢ်ဧိၤန့ၣ်တက့ၢ်. ဒီးပှၤတဖၣ်န့ၣ် လဲၤထီၣ်ဝဲဒီးကွၢ်ဟုၣ်ဝဲန့ၣ်လီၤ. ၃ ဒီးဟဲက့ၤကဒါက့ၤဆူ စီၤယိၤရှူအအိၣ်, ဒီးစံးဘၣ်အီၤ, ဒုးလဲၤထီၣ် ပှၤဂီၢ်မုၢ်ခဲလၢာ်တဂ့ၤ, မ့မ့ၢ်ပှၤခံကထိသၢကထိန့ၣ် ဒုးလဲၤထီၣ် ကျီကွံာ်အီၤလၢ ဂဲန့ၣ်တက့ၢ်.ဒုးလဲၤပှၤဂီၢ်မုၢ်ခဲလၢာ်ဆူန့ၣ်တဂ့ၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ်မ့ၢ်စှၤဂၤလီၤ. ၄ ဒီးပှၤသၢကထိဃၣ်ဃၣ် လၢပှၤဂီၢ်မုၢ်အကျါန့ၣ်လဲၤထီၣ်ဝဲ, ဒီးဃ့ၢ်ထီၣ်ကွံာ်ဝဲလၢ ပှၤဂဲဖိအမဲာ်ညါလီၤ.

၅ ဒီးပှၤဂဲဖိကျီကွံာ်ပှၤသၢဆံဃုဂၤဃၣ်ဃၣ်လၢအကျါလီၤ. အဂ့ၢ်ဒ်အံၤ, လူၤအီၤလၢဝ့ၢ်အပဲတရီအမဲာ်ညါပၢၢ်လၢၡဘၤရံၣ်, ဒီးကျီကွံာ်အီၤလၢ တၢ်လီၤဘံအလီၢ်န့ၣ်လီၤ.ဒီးပှၤဂီၢ်မုၢ်အသးပှံၢ်လီၤကွံာ်,ဒီးမၤသးဒ်ထံအသိးန့ၣ်လီၤ. ၆ ဒီးစီၤယိၤရှူဖှီအဆ့, ဒီးထိၣ်လီၤပှီၤအသး လၢဟီၣ်ခိၣ် လၢယွၤအတလါ အမဲာ်ညါတုၤမုၢ်ဟါလီၤ,အဝဲဒၣ်,ဒီးအံၣ်စရ့လး အသူၣ်က့သးပှၢ်, ဒီးပာ်ဟီၣ်ခိၣ် အ ကမူၣ်လၢအခိၣ်အဖီခိၣ်လီၤ. ၁၀ ဒီးယွၤစံးဘၣ်စီၤယိၤရှူ, ဂဲၤဆၢထၢၣ်နဲ, နထိၣ်လီၤ ပှီၤနသးဘၣ် မနုၤလဲၣ်. ၁၁ အံၣ်စရ့လး မၤလံတၢ်ဒဲးဘး, ဒီးလုၣ်သ့ၣ်

ခါပတာ်လံယတၢ်အၢၣ်လီၤအီလီၤလၢယမၤလိာ်အီၤလံ.အဂ့ၢ်ဒ်အံၤ, ဟံးန့ၢ်တၢ်ဘၣ်ဆိၣ်အၢ,ဒီးဟုၣ်တၢ်, ဒီးလီတၢ်စ့ၢ်ကီး, ဒီးပာ်ဝဲလၢ အတၢ်ဖိ တၢ်လံၤဒၣ်ဝဲအကျါလီၤ.  ၁၆ ဒီးမုၢ်ဆ့ၣ်ထီၣ်န့ၣ် စီၤယိၤရှူဂဲၤဆၢထၢၣ် ဂီၤဂီၤ, ဒီးဒုးဟဲအံၣ်စရ့လးဒ်အဒူၣ်တဖၣ်အသိးန့ၣ်, ဒီးတၢ်ဟံးန့ၢ်ယူဒၤအဒူၣ်လီၤ.

၁၇ ဒီးဒုးဟဲယူဒၤအဟံၣ်တဖၣ်, ဒီးတၢ်ဟံးန့ၢ်ပှၤစ့ရၤဖိအဟံၣ်လီၤ. ဒီးဒုးဟဲပှၤစ့ရၤဖိအပှၤဟံၣ်ဖိတဂၤဘၣ်တဂၤ, တဂၤဘၣ်တဂၤ, ဒီးတၢ်ဟံးန့ၢ်စီၤစးဘဒံၤ လီၤ. ၁၈ ဒီးဟဲစိာ်အပှၤဟံၣ်ဖိ တဂၤဘၣ်တဂၤ, ဒီးတၢ်ဟံးန့ၢ် စီၤဧၤကၣ်, စီၤကၢ်မံၤအဖိခွါ, စီၤစးဘဒံၤအဖိခွါ, စီၤစ့ရၤအဖိခွါ, ယူဒၤအဒူၣ်ဖိတဂၤလီၤ. ၁၉ ဒီးစီၤယိၤရှူစံးဘၣ်စီၤဧၤကၣ်, ယဖိခွါဧၢ, ဟ့ၣ်လၤကပီၤလၢယွၤ အံၣ်စရ့လးအကစၢ်, ဒီးတဲလီၤကျဲၤလီၤတၢ်လၢအီၤ, ဒီးစံးဘၣ်လၢ်ယၤတၢ်လၢနမၤန့ၣ်တက့ၢ်. ပာ်ခူသူၣ်တၢ်ဒီးယၤတဂ့ၤ.

၂၀ ဒီးစီၤဧၤကၣ်စံးဆၢစီၤယိၤရှူဒီးစံးဝဲဒၣ်, မ့ၢ်မးယမၤကမၣ်ဘၣ်လံယွၤ, အံၣ်စရ့လးအကစၢ်လံ,ဒီးဒ်တၢ်အံၤတၢ်နုၤယမၤလံလီၤ.  ၂၁ ဒီးယထံၣ်ဘၣ်လၢ တၢ်ဂုာ်န့ၢ်အကျါလၢဆ့ဘၤဘူၤလိၣ်အဂ့ၤတဘ့ၣ်, ဒီးစ့ၡက့လးခံကယၤ, ဒီးထူတဘိလီၤတယၢၢ်ၡက့လးယဲၢ် ဆံဒီးယသးကွံအီၤ, ဒီးယဟံးန့ၢ်အီၤလီၤ. ကွၢ်ကွၢ်အိၣ်ခူသူၣ်ဝဲလၢဟီၣ်ခိၣ် လာ်လၢယဒဲအသးကံၢ်ပူၤ, ဒီးစ့န့ၣ်အိၣ် လၢအဖီလာ်လီၤ. ၂၄ ဒီးစီၤယိၤရှူ, ဒီးအံၣ်စရ့လးခဲလၢာ် အိၣ်ဒီးအီၤန့ၣ် ဟံးန့ၢ်စီၤစ့ရၤအဖိခွါစီၤဧၤကၣ်, ဒီးကျိၣ်ဧိၤစ့ဧိၤ,ဒီးဆ့တဘ့ၣ်, ဒီးထူတဘိ, ဒီးအဖိခွါတဖၣ်, ဒီးအဖိမုၣ်မုၣ်တဖၣ်, ဒီးအဂီၤဘုၣ်ဂီၤဖံး, ဒီးအကသ့ၣ်ယီၤ,

ဒီးအသိဒီးမဲာ်တဲးလဲး, ဒီးအဒဲ, ဒီးကယဲၢ် တၢ်အိၣ်ဒီးအီၤ, ဒီးဟဲစိာ်ဝဲဆူကစၢၢ် ကဆူးဧၤကိၢ်လီၤ. ၂၅ ဒီးစီၤယိၤရှူစံးဝဲဒၣ်, နမၤကိၢ်မၤဂီၤပှၤမ့ၢ်အဘၣ် မနုၤလဲၣ်. ယွၤကမၤကိၢ်မၤဂီၤနၤလၢမုၢ်မဆါတနံၤအံၤလီၤ. ဒီးအံၣ်စရ့လးခဲလၢာ်ကွံာ်အီၤ လၢမ့ၣ်အူလီၤ.-ဒီးကွံာ်အီၤလၢလၢၢ်ဝံၤဒီး, ဆူးထီၣ်ကွံာ်အီၤလၢမ့ၣ်အူလီၤ.-

၂၆ ဒီးပာ်ဖှိၣ်တၢ်လၢအဖီခိၣ်လၢလၢၢ် တပူဖးဒိၣ်တုၤမုၢ်မဆါတနံၤအံၤလီၤ. ဒီးယွၤဃၣ်ကွံာ်လၢအသးထီၣ်ဆူၣ်န့ၣ်လီၤ.  မၤသးဒ်န့ၣ်ဒီးတၢ်ကိးအလီၢ်ဖဲန့ၣ် တမံၤလၢကစၢၢ်ကဆူးဧၤကိၢ်န့ၣ် တုၤမုၢ်မဆါ တနံၤအံၤလီၤ.
 

၁) စီၤဧၤကၣ်ဟုၣ်တၢ်ဒ်လဲၣ်.
 

၂) အဝဲအတၢ်ဒဲးဘးအံၤအဃိမတၤသ့ၣ်တဖၣ်တူၢ်ဘၣ်တၢ်လဲၣ်.
 

 ၃) ဘၣ်မနုၤအဃိအဝဲဒီးအပှၢဟံၣ်ဖိဃီဖိတဖၣ်တၢ်ကွံာ်သံအီၤလၢလၢၢ်လဲၣ်.
 

ဟုၣ်တၢ်အဂ့ၤ

တၢ်မၤလိာ်တထံၣ်အံၤအခီပညီဒ်လဲၣ် 

ပဝဲသ့ၣ်တဖၣ်ပဘၣ်အဲၣ်ယွၤအဃိပှၤလၢအဘၣ်ထွဲဒီးပှၤမအကျိၣ် အစ့ဒီးတၢ်လၢအအိၣ် ဒီးအဝဲသ့ၣ် တဖၣ်ပတဘၣ်ဒုးကဲထီၣ်အီၤလၢပတၢ်န့ၣ်ဘၣ်.

တၢ်လၢအဘၣ်ထဲဒီးအဝဲ သ့ၣ်တဖၣ်တၢ်ဖံးတၢ်မၤ, အတၢ်ထုး တၢ်တီၤကအါထီၣ်အဂီၢ်ပကဘၣ် ကွၢ်ထွဲမၤစၢၤန့ၣ်အဝဲသ့ၣ်န့ၣ်လီၤ.

လူၤကၣ် ၁၉:၁-၁၀

^၁-၂ဒီးလဲၤခီဂာ်ယရံၤဃိ,- ဒီးကွၢ်ကွၢ်, ပှၤကိးဝဲအမံၤလၢစီၤစးဃဲအိၣ်တဂၤလီၤ. ဒီးအဝဲဒၣ်မ့ၢ် ပှၤဃ့သွဲအ ခိၣ်, ဒီးမ့ၢ်ပှၤအထူးအတီၤလီၤ. ^၃ ဒီးယ့ၣ်ရှူးမ့ၢ် မတၤမတၤန့ၣ်ဃုထံၣ်ဝဲ, ဒီးထံၣ်ဝဲတသ့ဘၣ်လၢပှၤဂီၢ်မုၢ်အဃိ လီၤ. အဂ့ၢ်ဒ်အံၤ, အနီၢ်ဖုၣ်လီၤ. ^၄ ဒီးလဲၤဃ့ၢ်ဝဲလၢညါဒီးလဲၤထီၣ် လၢသိးဝံာ်ဒၢတထံးအခံ ဒ်သိးအကထံၣ်ဘၣ် အီၤလီၤ. အဂ့ၢ်ဒ်အံၤ, ကဟဲတ့ၢ်ဝဲလၢကျဲန့ၣ်လီၤ. 

^၅ ဒီးတုၤယ့ၣ်ရှူးလဲၤတုၤအလီၢ်ဖဲန့ၣ်ဒီး, ကွၢ်ထီၣ်ဒီးထံၣ်အီၤဒီးစံးဘၣ်အီၤ, စီၤစးဃဲဧၢ, ယုၢ်လီၤချ့ချ့တက့ၢ်. အဂ့ၢ်ဒ်အံၤ, ခဲမုၢ်ဆါအံၤယဘၣ်အိၣ် ကတီၢ်လၢနဟံၣ်ပူၤလီၤ.- ^၆ဒီးယုၢ်လီၤချ့ချ့ဒီး တူၢ်လိာ်အီၤလၢအသူၣ် ခုသးခုလီၤ.  ^၇ ဒီးပှၤထံၣ်ဝဲဒီး, ကဒူးကဒ့ၣ်တၢ်ခဲလၢာ်ဒီးစံးဝဲဒၣ်, လၢအလဲၤနုာ်ဆူပှၤတၢ် ဒဲးဘးဖိအအိၣ် ဒ်သိးအကမံဝဲလၢအဟံၣ်ပူၤလီၤ. ^၈ ဒီးစီၤစးဃဲဆၢထၢၣ်ဒီးစံးဘၣ် ကစၢ်န့ၣ်, ကွၢ်ကွၢ်, ကစၢ်ဧၢ, ယစုလီၢ်ယခီၣ်ခိၣ်, ခံပူန့ၣ်, ယဟ့ၣ်လီၤပှၤဖှီၣ် ဖိယာ်ဖိတပူလီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤအတၢ်တမံၤမံၤဒီး ယဟ့ၣ်လီၤက့ၤအီၤ အါန့ၢ်အလီၢ် လွံၢ်စးလီၤ. ^၉ ဒီးယ့ၣ်ရှူးစံးဘၣ်အီၤ, တၢ်အုၣ် က့ၤခီၣ်က့ၤတုၤလၢဟံၣ်ပူၤအံၤ, လၢမုၢ်မဆါတနံၤအံၤလံ. အဂ့ၢ် ဒ်အံၤ, မ့ၢ်စ့ၢ်ကီး စီၤအၤဘြၤဟၣ်အဖိခွါလီၤ. ^၁၀ အဂ့ၢ်ဒ်အံၤ, ပှၤကညီဖိခွါအံၤဟဲလီၤဝဲဒ်သိး အကဃုန့ၢ်, ဒီးအုၣ်က့ၤခီၣ် က့ၤပှၤလၢအဟါမၢ်တဖၣ်လီၤ.

၁. စီၤစးဃဲလုၣ်သ့ၣ်ခါပတာ်တၢ်မၤလိာ်နွံထံၣ်တထံၣ်န့ၣ်ဒ်လဲၣ်.
 

၂) အဝဲအၢၣ်လီၤအတၢ်ကမၣ််ဒ်လဲၣ်.
 

၃) ဘၣ်မနုၤအဃိကစၢ်ယ့ၣ်ၡူးခရံာ်ဘၣ်အီၣ်တၢ်ဒီးအီၤလဲၣ်.
 

၄) မုၢ်မဆါတနံၤအံၤနလုၢ်သ့ၣ်ခါပတာ်တၢ်မၤလိာ်နွံထံၣ်တထံၣ်အံၤဒ်လဲၣ်.
 

၅) နကအၢၣ်လီၤပာ်ဖျါထီၣ်နတၢ်ကမၣ်ဒ်လဲၣ်.
 

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.

တၢ်မၤလိာ် ၆ ထံၣ်တထံၣ်

တၢ်မၤလိာ် ၈ ထံၣ်တထံၣ်