အုၣ်နသးကဘျံးကဘျၣ်လၢ, ပှၤလၢနဃၢအဂ့ၢ်တဂ့ၤ

မးသဲ ၂၆း၅၆-၆၇

^၅၆ တၢ်အံၤခဲလၢာ်မၤအသးဒ်သိးဝံအတၢ်ကွဲးတဖၣ် ကလၢထီၣ်ပှဲၤထီၣ်လီၤ. တုၤနုၤတစု အပျဲၢ်အဘီၣ်ခဲ လၢာ်ဟးသဒၣ် အီၤဒီးဃ့ၢ်ထီၣ်ကွံာ်ဝဲလီၤ.^၅၇ ဒီးပှၤလၢအဟံးဃၣ်ယ့ၣ်ရှူးတဖၣ်, ဆှၢထီၣ်အီၤဆူ ပှၤလုၢ်တၢ်အခိၣ်, စီၤကၤယါဖၤအအိၣ်, ဖဲပှၤကွဲး လံာ်, ဒီးပှၤသူၣ်က့သးပှၢ်တဖၣ်အိၣ်ဖှိၣ်ရိဖှိၣ် န့ၣ်လီၤ.-^၅၈ ဒီးစီၤပ့းတရူးပိာ်ထီၣ် သကွ့ၤအခံ, တုၤလၢပှၤလုၢ်တၢ် အခိၣ်အဟံၣ်အဂၢၤပူၤ, ဒီးလဲၤနုာ်ဝဲ, ဒီးဆ့ၣ်နီၤဃုာ်ဒီး တၢ်အခ့ပှၤ, ဒ်သိးအကထံၣ် တၢ်တုၤလၢအကတၢၢ် လီၤ. ^၅၉ ဒီးပှၤလုၢ်တၢ်အခိၣ် တဖၣ်, ဒီးပှၤသးပှၢ်အတၢ်အိၣ်ဖှိၣ် ခဲလၢာ်န့ၣ်, ခုတၢ်အုၣ်အသးကဘျံးကဘျၣ် ထီဒါ ယ့ၣ်ရှူးဒ်သိးအကမၤသံအီၤလီၤ. 

^၆၀ ပှၤအုၣ်အသးကဘျံး ကဘျၣ် အါဂၤဟဲဘၣ်ဆၣ်ဒီး, တထံၣ်န့ၢ်ဘၣ် ဝဲဘၣ်. မ့မ့ၢ်လၢခံက့ၤန့ၣ်, ပှၤခံဂၤဟဲ. ^၆၁ ဒီးစံးဝဲဒၣ်, ယွၤအတၢ် လုၢ်ဟံၣ်န့ၣ် ယမၤလီၤပှီၢ်ကွံာ်အီၤ, ^၆၂ ပှၤလုၢ်တၢ်အခိၣ် တဂၤန့ၣ် ဂဲၤဆၢထၢၣ် ဒီးစံးဝဲဒၣ်, နတစံးဆၢဘၣ် တၢ်နီတမံၤဘၣ်ဧါ. အဝဲသ့ၣ်တဖၣ်အံၤ အုၣ်အသး ထီဒါနၤလၢ မနုၤလဲၣ်. ^၆၃ ဒီးယ့ၣ်ရှူးအိၣ် ဘှီၣ်ကလာ်လီၤ. ဒီးပှၤလုၢ်တၢ်အခိၣ်ကတိၤတၢ်, ဒီးစံးဘၣ်အီၤ, နမ့ၢ် ယွၤအဖိခွါခရံာ်ဧါ, တမ့ၢ်ဘၣ်လဲၣ်န့ၣ်, ဒ်သိးနကစံး ဘၣ်ပှၤဒီး, ယမၢနဆိၣ်တၢ်လၢယွၤလၢ အမူဝဲအမဲာ် ညါလီၤ. ^၆၄ ဒီးယ့ၣ်ရှူး စံးဘၣ်အီၤ, တစံးတၢ်လံ. လၢန့ၣ် အမဲာ်ညါယစံးဘၣ်တဲဘၣ်သုအံၤ, တုၤအံၤ ဆူညါသု ကထံၣ်ပှၤကညီဖိခွါအံၤဆ့ၣ်နီၤဝဲလၢ တၢ်အစိအကမီၤ အစုထွဲတခီ, ဒီးဟဲလီၤလၢမူခိၣ်အတၢ်အၢၣ် အလိၤ လီၤ. ^၆၅ တုၤနုၤတစု, ပှၤလုၢ်တၢ်အခိၣ် ဖှီအကူအသိး, ဒီးစံးဝဲဒၣ်, ကတိၤကမၣ်လံယွၤလံ, ပမၤဒံးပှၤအုၣ် အသး အလီၢ်အိၣ်ဒ်လဲၣ်. ကွၢ်ကွၢ်, အတၢ်ကတိၤက မၣ်န့ၣ်, သုနၢ်ဟူလံမးခဲကနံၣ် အံၤလံ. ^၆၆ သုဆိကမိၣ် ဒ်လဲၣ်. ဒီးအဝဲသ့ၣ်စံးဆၢတၢ်ဒီးစံးဝဲဒၣ်, ကြၢးဘၣ် သံလီၤ. 

^၆၇ တုၤနုၤတစုပှၤထူးပှဲာ်အမဲာ်, ဒီးထိအီၤလီၤ. ဒီးတနီၤနီၤဒဲအီၤ, 
 

^{၁) ပှၤလုၢ်တၢ်အဒိၣ်အခိၣ်ဒီးပှၤကူၣ် လိာ်တၢ်တဖၣ်လုၢ်သ့ၣ် ခါပတာ်တၢ်မၤလိာ်ဃိးထံၣ်တထံၣ်အံၤဒ်လဲၣ်.}

၂) ကစၢ်ယ့ၣ်ၡူးခရံာ်ဟံးဃာ်ပၢၤဃာ်တၢ်မၤလိာ်တထံၣ်အံၤဒ်လဲၣ်.

အုၣ်နသးကဘျံးကဘျၣ်လၢ, လၢနဃၢအဂ့ၢ်တဂ့ၤ

 တၢ်မၤလိာ်တထံၣ်အံၤအခီပညီဒ်လဲၣ် 

ပဝဲသ့ၣ်တဖၣ်ပကဘၣ်မ့ၢ်ပှၤလၢအအဲၣ်ယွၤပျံၢယွၤပဃိ. ပှၤလၢအဘၣ်ထွဲ ဒီးပှၤပလီအီၣ်အဂ့ၢ်, ပတတီဒီးအီၤဘၣ်. ပမၤဆံးလီၤစှၢလီၤ အနီၢ်ကစၢ် အလုၢ်အပှ့ၤဒီးပမၤဟးဂီၤအမံၤအဘၣ်တၢ်သ့ၣ်တဖၣ်အံၤပကြၢးဟးဆှဲး ဝဲလီၤ. ပကဘၣ်တဲ အဂ့ၢ်လၢအဂ့ၤဒီးပကဘၣ်တဲတၢ်ကတိၤလၢ အအိၣ်ဒီးတၢ်အဲၣ်တၢ်ကွံန့ၣ်လီၤ.

လံာ်ၡမူၤအ့လးအခီၣ်ထံးတဘ့ၣ် ၁၈း၁-၄; ၁၉း၁-၇
 ၁ ဒီးတုၤအကတိၤတၢ်ဒီးစီၤစီလူးဝံၤဒီး, တၢ်မၤအသးလၢစီၤယိနၤသၣ် အသးစဲဘူး ဒီးစီၤဒၤဝံးအသး, ဒီးစီၤယိနၤသၣ်အဲၣ်အီၤဒ်အသးဒၣ် ဝဲအသိးန့ၣ်လီၤ. ၂ ဒီးတၢ် လၢမုၢ်တနံၤန့ၣ် စီၤစီလူးဟံးန့ၢ်အီၤ, ဒီးတဒုးက့ၤဘၣ် အီၤဆူအပၢ်အဟံၣ်ဘၣ်. ၃ ဒီးမ့ၢ်အအဲၣ်အီၤ ဒ်အသးဒၣ်ဝဲအသိးသတးဒီး, စီၤယိနၤသၣ်အၢၣ် လီၤအီလီၤတၢ် ဒီးစီၤဒၤဝံးလီၤ. ၄ ဒီးစီၤယိနၤသၣ်ဘ့ၣ် ကွံာ်အဆ့ဖးထီ, ဒီးဟ့ၣ်လီၤဝဲလၢစီၤဒၤဝံး, ဒီးအကူအသိးပၢၢ်လၢအနး, ဒီးအချံၣ်,ဒီးပၢၢ်လၢအယီၢ်တကိးလီၤ.၁ ဒီးစီၤစီလူးကတိၤတၢ်ဒီးအဖိခွါ စီၤယိနၤသၣ်, ဒီးအခ့အပှၤခဲလၢာ်ဒ်သိးအကမၤ သံစီၤဒၤဝံးလီၤ. ၂ ဒီးစီၤစီလူးအဖိခွါစီၤယိနၤသၣ်န့ၣ်ဘၣ်အသးလၢစီၤဒၤဝံးဒိၣ်မး, ဒီးစီၤယိနၤသၣ်ဒုးနဲၣ်စီၤဒၤဝံးဒီးစံးဝဲဒၣ်,ယပၢ်စီၤစီလူးဃုမၤသံနၤလီၤ. ဒီးခဲကနံၣ် အံၤပလီၢ်နသးတုၤခဲဂီၤကိာ်တက့ၢ်. ဒီးအိၣ်တဒၢ, ဒီးပာ်ခူသူၣ် နသးက့ၢ်.  ၃ ဒီးယကလဲၤဆၢထၢၣ် လၢယပၢ်အဃၢၤလၢတၢ်ပျီပူၤဖဲနအိၣ်, ဒီးယကကတိၤ တၢ်ဒီးယပၢ်လၢနဂ့ၢ်နကျိၤ,ဒီးတၢ်လၢယထံၣ်တဖၣ်န့ၣ် ယကဒုးနဲၣ်နၤလီၤ. ၄ ဒီးစီၤယိနၤသၣ်ကတိၤတၢ်အဂ့ၤဒီး အပၢ်လၢစီၤဒၤဝံးအဂ့ၢ်အကျိၤ,ဒီးစံးဘၣ်အီၤ, မ်စီၤပၤအသုတမၤကမၣ်ဘၣ် အခ့အပှၤစီၤဒၤဝံးန့ၣ်တဂ့ၤ. အဂ့ၢ်ဒ်အံၤ, တမၤကမၣ် ဘၣ်နၤဘၣ်, ဒီးအမၤတၢ်ဘၣ်ဃးဒီးနၤတဖၣ် န့ၣ်မ့ၢ်အဂ့ၤမးလီၤ. ၅ ဒီးပာ်အသး သမူလၢအစုပူၤ, ဒီးမၤသံပှၤဖလ့ၡသးဖိတဂၤန့ၣ်, ဒီးယွၤမၤတၢ်အုၣ်က့ၤခီၣ် က့ၤဖးဒိၣ်လၢအံၣ်စရ့လးခဲလၢာ်အဂီၢ်, ဒီးနကမၤကမၣ်ဘၣ်တၢ်သွံၣ်လၢ တၢ်ဒဲးဘးတအိၣ်ဘၣ်လၢနကမၤသံစီၤဒၤဝံးကလီကလီမ့ၢ်အဘၣ်မနုၤလဲၣ်.

၆ ဒီးစီၤစီလူးဒိကနၣ်စီၤယိနၤသၣ်အကလုၢ်, ဒီးစီၤစီလူးဆိၣ်တၢ်, ယွၤမူဝဲန့ၣ် စီၤဒၤဝံးတဘၣ်ဘၣ်တၢ်မၤသံအီၤဘၣ်. ၇ ဒီးစီၤယိနၤသၣ်ကိးန့ၢ်စီၤဒၤဝံး, ဒီးစီၤယိနၤသၣ်ဒုးနဲၣ်အီၤလၢတၢ်တဖၣ်ခဲလၢာ်, ဒီးစီၤယိနၤသၣ်ဒုးဟဲက့ၤစီၤဒၤ ဝံးဆူစီၤစီလူးအအိၣ်, ဒီးအိၣ်ဝဲလၢအမဲာ်ညါဒ်လၢမဟါမဟိအသိးန့ၣ်လီၤ.

၁) စီၤယိနၤသၣ်ဟံးဃာ်ပၢၤဃာ်တၢ်မၤလိာ်ဃိးထံၣ်တထံၣ်အံၤဒ်လဲၣ်.
 

၂) “ကွၢ်တၢ်လၢအဂ့ၤတခီဒီးနၢ်ပၢၢ်အီၤ”စံးတၢ်န့ၣ်မ့ၢ်မနုၤလဲၣ်.
 

 ၃) နကမၤအီၤဒ်သိးန့ၣ်ဒ်လဲၣ်.
 

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.

တၢ်မၤလိာ် ၇ ထံၣ်တထံၣ်

တၢ်မၤလိာ် ၉ ထံၣ်တထံၣ်