သးကွံပှၤလၢနဃၢၤအမါတဂ့ၤ, အကုၢ်ပိာ်ခွါတဂ့ၤ, အကုၢ်အပှၤပိာ် မုၣ်တဂ့ၤ, သုတသးကွံအီၤတဂ့ၤ
 

လံာ်ၡမူၤအ့လးခံဘ့ၣ်တဘ့ၣ် ၁၁း၁-၅, ၁၄-၁၇, ၂၆-၂၇, ၁၂း၁-၅, ၇-၉, ၁၃

^၁ ဒီးတုၤနံၣ်ဆၢအလီၢ်, ဒီးအဆၢကတီၢ်ဘၣ်လၢစီၤပၤတဖၣ်လဲၤထီၣ်ဒီး, တၢ်မၤအသးလၢစီၤဒၤဝံးမၢလီၤစီၤယိၤအာ်ဒီးအခ့အပှၤအိၣ်ဒီးအီၤ, ဒီးအံၣ်စရ့လးခဲလၢာ်,ဒီးအဝဲသ့ၣ်မၤဟးဂီၤပှၤဧၣ်မိၣ်ဖိ, ဒီးကဝီၤဃာ်ရးဘး, ဒီးစီၤဒၤဝံးအိၣ်ဝဲလၢယရူၤၡလ့ၣ်အပူၤလီၤ. ^၂ ဒီးတၢ်အသးလၢမုၢ်ဟါလီၤဒီး, စီၤဒၤဝံးဂဲၤဆၢထၢၣ်လၢအလီၢ်မံ, ဒီးဟးဝဲလၢစီၤပၤအဟံၣ်ခိၣ်လီၤ. ဒီးလၢဟံၣ် ခိၣ်န့ၣ် ထံၣ်ပိာ်မုၣ် တဂၤလုၢ်ထံန့ၣ်လီၤ. ဒီးပိာ်မုၣ်န့ၣ်အက့ၢ်အဂီၤဂ့ၤမးလီၤ.

^၃ ဒီးစီၤဒၤဝံးမၢပှၤလဲၤသံကွၢ် လၢပိာ်မုၣ်အဂ့ၢ်အကျိၤန့ၣ်, ဒီးတၢ်စံးဝဲဒၣ်, အဝဲအံၤမ့ၢ်စီၤအလံဧၣ်စၢ်အဖိမုၣ်နီၢ်ဘၤသရှ့ဘၤ, ပှၤဃ့ၤသးဖိစီၤ အူၤရံအမါ န့ၣ်တမ့ၢ်ဘၣ်ဧါ. ^၄ ဒီးစီၤဒၤဝံးမၢလီၤကလူးတဖၣ်, ဒီးဟံးန့ၢ်အီၤ,ဒီးအဝဲဒၣ် ဟဲနုာ်ဆူအအိၣ်, ဒီးမံဃုာ်ဒီးအီၤလီၤ. 

ဒီးပိာ်မုၣ်န့ၣ်က့ၤဝဲဆူအဟံၣ်လီၤ.^၅ ဒီးပိာ်မုၣ်န့ၣ်ဒၢထီၣ်,ဒီးမၢလီၤတၢ်, ဒီးစံးဘၣ်စီၤဒၤဝံး, ဒီးစံးဝဲဒၣ်,ယဒၢထီၣ်လံ.^၁၄ ဒီးမုၢ်ဆ့ၣ်ထီၣ်န့ၣ် တၢ်မၤအသးလၢစီၤဒၤဝံးကွဲးန့ၢ်စီၤယိၤအာ်အလံာ်တဘ့ၣ်, ဒီးဟ့ၣ်ယုၢ်ဝဲလၢစီၤအူၤရံယၤအစုပူၤလီၤ. ^၁၅ ဒီးကွဲးဝဲလၢလံာ် ပူၤဒီးစံးဝဲဒၣ်, ပာ်စီၤအူၤရံယၤလၢတၢ်ဒုးသုးဆူၣ်ဆူၣ်ကလဲာ်အမဲာ်ညါ, ဒီးဟဲက့ၤသဒၣ် အီၤဒ်သိးအကဘၣ်တၢ်ကျီကွံာ်အီၤ,ဒီးသံန့ၣ်တက့ၢ်. ^၁၆ ဒီးတုၤစီၤယိၤအာ်ကွၢ် ဝ့ၢ်န့ၣ်ဒီး, တၢ်မၤအသးလၢအပာ်စီၤအူၤရံယၤလၢ အလီၢ်ဖဲအသ့ၣ်ညါ ပှၤအဆူၣ် တဖၣ်အိၣ်ဝဲလီၤ. ^၁၇ ဒီးပှၤဝ့ၢ်ဖိတဖၣ် လဲၤထီၣ်ဒုးတၢ်ဒီးစီၤယိာ်အာ်, ဒီးပှၤလီၤဃံၤလၢစီၤဒၤဝံးအခ့အပှၤအကျါ, ဒီးပှၤဃ့ၤသးဖိစီၤအူၤရံယၤသံဝဲစ့ၢ်ကီးလီၤ. ^၂၆ ဒီးတုၤစီၤအူၤရံယၤအမါနၢ်ဟူဝဲလၢ အဝၤစီၤအူၤရံယၤသံတ့ၢ်ဒီး, ဒဲလီၤအသးနါပှၢ်လၢအဝၤအဃိလီၤ. ^၂၇ ဒီးဟီၣ်တၢ်ယၢၤတၢ်ပူၤကွံာ်ဒီး, စီၤဒၤဝံးမၢလီၤတၢ်, ဒီးဟဲစိာ်အီၤဆူအဟံၣ်ပူၤ, ဒီးကဲထီၣ်အမါ, ဒီးဆံးစၢ်န့ၢ် အီၤလၢအဖိခွါလီၤ. ဒီးတၢ်လၢစီၤဒၤဝံးမၤဝဲန့ၣ် မ့ၢ်တၢ်အၢလၢယွၤအမဲာ်လီၤ.

^၁ ဒီးယွၤမၢလီၤစီၤနၤသၣ်ဆူစီၤဒၤဝံးအအိၣ်လီၤ. ဒီးဟဲဝဲဆူအအိၣ်, ဒီးစံးဘၣ်အီၤ, ပှၤခံဂၤအိၣ်ဝဲလၢဝ့ၢ်တဖျၢၣ်ဃီလီၤ. အဝဲတဂၤမ့ၢ် ပှၤထူးပှၤတီၤ,ဒီးအဝဲတဂၤမ့ၢ်ပှၤဖှီၣ်ပှၤယာ်လီၤ.

^၂ ဒီးပှၤထူးပှၤတီၤတဂၤန့ၣ် အိၣ်ဒီးဂီၤဘုၣ်ဂီၤဖံး, ဒီးသိဒီးမဲာ်တဲးလဲး အါအါ ကလဲာ်လီၤ. ^၃ ဒီးပှၤဖှီၣ်ဖိယာ်ဖိတဂၤန့ၣ် အတၢ်တအိၣ်ဘၣ် နီတမံၤဘၣ်. အိၣ်ဝဲထဲသိမိၢ်ဖိလၢအပှ့ၤဝဲ, ဒီးဘုၣ်အီၣ်ဝဲတဒုလီၤ. ဒီးအတၢ်ဒိၣ်ထိၣ် ဒီးအီၤ, ဒီးအဖိအလံၤလီၤ.အီၣ်ဝဲလၢအတၢ်အီၣ်ဒၣ်ဝဲ, ဒီးအီဝဲလၢအလီခီတဖျၢၣ် ဒၣ်ဝဲအပူၤ, ဒီးမံလီၤလၢအသးနါပှၢ်, ဒီးကဲထီၣ်လၢအဂီၢ် ဒ်အဖိမုၣ်တဂၤအသိး န့ၣ်လီၤ. ^၄ ဒီးပှၤလဲၤတၢ်တဂၤဟဲဝဲဆူ ပှၤထူးပှၤတီၤအအိၣ်, ဒီးအဝဲဒၣ် သးလီအသိဒၣ်ဝဲ, အမဲာ်တဲးလဲးဒၣ်ဝဲ,ဒီးအဂီၤဘုၣ်ဂီၤဖံးဒၣ်ဝဲလၢ အကကတဲာ်ကတီၤတၢ်လၢပှၤဟဲပိာ်ကျဲလၢအဟဲဆူအအိၣ်တဂၤအဂီၢ်, ဒီးဟံးန့ၢ်ပှၤဖှီၣ်ပှၤယာ်အသိးဖိတဒု, ဒီးကတဲာ်ကတီၤအိၤလၢပှၤလၢ အဟဲဆူ အအိၣ်တဂၤအဂီၢ်လီၤ.^၅ ဒီးစီၤဒၤဝံးအသးထီၣ်ကဲၤထီၣ်ဘၣ် ပှၤတဂၤန့ၣ်ဒိၣ်ဒိၣ်ကလဲာ်, ဒီးစံးလၢစီၤနၤသၣ်,ယွၤမူဝဲ,ပှၤလၢအမၤ တၢ်တမံၤန့ၣ်မ့ၢ်ပှၤကြၢးသံလီၤ. ^၇ ဒီးစီၤနၤသၣ်စံးဘၣ်စီၤဒၤဝံးန့ၣ်, နဲဒၣ်အံၤနမ့ၢ်ပှၤကညီအဝဲန့ၣ်တဂၤလီၤ. ယွၤ,အံၣ်စရ့လးအကစၢ်စံး ဝဲဒ်အံၤ, ယဖှူနၤစီၤပၤလၢအံၣ်စရ့လးအဖီခိၣ်,ဒီးယမၤပူၤ မၤဖျဲးနၤလၢစီၤစီလူးအစုပူၤ,   ^၈ ဒီးယဟ့ၣ်လီၤနၤလၢနကစၢ်အဟံၣ်, ဒီးနကစၢ်အမါတဖၣ် ဆူနသးနါပှၢ်, ဒီးယဟ့ၣ်လိၤနၤလၢအံၣ်စရ့လးဒီးယူဒၤအဟံၣ်,ဒီးမ့ၢ်ဆံးကဲၣ်ဆိးဒီး, ယကဟ့ၣ်လီၤနၤဒ်အံၤဒ်နုၤလီၤ. ^၉ ဒီးနတပးကဲဘၣ်ယွၤအတၢ်မၤလိာ်ဘၣ်ဒီး, နမၤတၢ်အၢလၢအမဲာ်န့ၣ် မ့ၢ်အဘၣ်မနုၤလဲၣ်. နမၤသံပှၤဃ့ၤသးဖိစီၤအူၤ ရံယၤလၢနး, ဒီးနဟံးန့ၢ်အမါလၢနမါ,ဒီး နမၤသံအီၤလၢပှၤဧၣ်မိၣ်ဖိအနးလီၤ. 

^၁၃ ဒီးစီၤဒၤဝံးစံးဘၣ်စီၤၤသၣ်, ယမၤကမၣ်ဘၣ်လံယွၤလံ. ဒီးစီၤနၤသၣ်စံးဘၣ်စီၤဒၤဝံး,ယွၤမၤပူၤမၤဖျဲးလံန တၢ်ဒဲးဘးလံ. နတသံဘၣ်.

၁) စီၤပၤဒၤဝံးလုၢ်သ့ၣ်ခါပတာ်တၢ်မၤလိာ်တဆံထံၣ်တထံၣ်အံၤဒ်လဲၣ်.
 

၂) တၢ်သူၣ်လီသးကွံဒုးကဲထီၣ်တၢ်လုၣ်သ့ၣ်ခါပတာ်တၢ်မၤလိာ်အဂုၤအဂၤတဖၣ်န့ၣ်လီၤ.မနုၤသ့ၣ်တဖၣ်လဲၣ်.

၃) ဘၣ်မနုၤအဃိကစၢ်ယွၤပျၢ်စီၤဒၤဝံးအတၢ်ကမၣ်လဲၣ်.
 

၄) ဘၣ်မနုၤအဃိကစၢ်ယွၤပျၢ်နတၢ်ကမၣ်လဲၣ်.
 

သးကွံပှၤလၢနဃၢၤအမါတဂ့ၤ, အကုၢ်ပိာ်ခွါတဂ့ၤ, အကုၢ်အပှၤပိာ် မုၣ်တဂ့ၤ, သုတသးကွံအီၤတဂ့ၤ

တၢ်မၤလိာ်တထံၣ်အံၤအခီပညီဒ်လဲၣ်  

ပှၤလၢအဘၣ်ထွဲဒီးပှၤအမါအပှၤမၤတၢ်ဖိ (မ့တမ့ၢ်) တၢ်ဟံးန့ၣ် လၢတၢ်မၤဆူၣ်မၤ စိးအပူၤန့ၣ်ပတဘၣ်မၤဘၣ်. တကးဒံးဘၣ်ပတဘၣ်မၤ  ထီဒါပှၤလၢ အဘၣ် ထွဲဒီးပှၤန့ၣ်ဘၣ်. ပဘၣ်အိၣ်ပှိၤဒီးအဝဲသ့ၣ်ပကဘၣ် ဟ့ၣ်ဂံၢ်ဟ့ၣ်ဘါ အဝဲသ့ၣ် လၢမူဒါတၢ်မၢအဖီခိၣ်န့ၣ်လီၤ.

လံာ်စီၤမိၤရှ့အခီၣ်ထံးတဘ့ၣ် ၁၆း၁-၁၀

^၁ ဒီးစီၤအၤဘြၣ်အမါနီၢ်စၤရဲ တဆံးစၢ်ဘၣ်အဖိလၢအဂီၢ်ဘၣ်. ဒီးအဝဲဒၣ်အိၣ် ဒီးအကုၢ်ပိာ်မုၣ်တဂၤပှၤအဲၤ ကူပတူးဖိ, ဒီးအမံၤမ့ၢ်နီၢ်ဟၤကၢ်လီၤ. 

^၂ ဒီးနီၢ်စၤရဲစံး ဘၣ်စီၤအၤဘြၤ, ကွၢ်ကွၢ်, ယွၤတြီယၤဒ်သိးယသုတဆံးစၢ် တၢ်တဂ့ၤလီၤ. လဲၤနုာ် စာ်ဆူယကုၢ်ပိာ်မုၣ်အအိၣ်တက့ၢ်. ဘၣ်တဘၣ် ယကသူၣ်ထီၣ် ယသးလၢလၢ အီၤလီၤ. ဒီးစီၤအၤဘြၣ်ကနၣ် အမါအကလုၢ်လီၤ. ^၃ ဒီးလၢစီၤအၤဘြၣ်အိၣ်ဝဲလၢ ကီၢ်ကနၤဧၣ်အနံၣ် တဆံအလီၢ်ခံန့ၣ်, စီၤအၤဘြၣ်အမါနီၢ်စၤရဲဟံးန့ၢ်အကုၢ်ပိာ်မုၣ်, ပှၤအဲၤကူပတူးဖိနီၢ်ဟၤကၢ်, ဒီးဟ့ၣ်အီၤလၢအဝၤစီၤအၤဘြၣ် ဒ်သိးအကကဲထီၣ် အမါလီၤ. ^၄ ဒီးလဲၤနုာ်ဝဲဆူနီၢ်ဟၤကၢ်အအိၣ် ဒီးအဝဲဒၣ်ဒၢထီၣ်လီၤ. ဒီးတုၤအထံၣ် ဘၣ်ဝဲလၢအဒၢထီၣ်ဒီး, အကစၢ်မုၣ်တမ့ၢ်လၢၤဘၣ်တၢ်လၢအမဲာ်ညါဘၣ်.^၅ ဒီးနီၢ်စၤရဲစံးဘၣ် စီၤအၤဘြၣ်, တၢ်မၤကမၣ်ယၤအံၤ,မ်အအိၣ်လၢနလိၤတက့ၢ်. ယဟ့ၣ်ယကုၢ်ပိာ်မုၣ်လၢနသးနါပှၢ်, ဒီးတုၤအထံၣ်ဘၣ်ဝဲလၢအဒၢထီၣ်ဒီး, ယတမ့ၢ်လၢၤဘၣ်တၢ်လၢအမဲာ်ညါဘၣ်. မ်ယွၤစံၣ်ညီၣ်တၢ်ဘၣ် ဃးဒီးယၤဒီးနၤ တက့ၢ်. ^၆ ဒီးစီၤအၤဘြၣ်စံးဘၣ်နီၢ်စၤရဲ, ကွၢ်ကွၢ်, နကုၢ်ပိာ်မုၣ်အိၣ်လၢနစုပူၤလီၤ. မၤအီၤဖဲဒၣ်အဂ့ၤလၢနမဲာ်တက့ၢ်. ဒီးနီၢ်စၤရဲမၤနးမၤဖှီၣ်အီၤ, ဒီးအဝဲဒၣ်ဃ့ၢ်ထီၣ် ကွံာ်လၢအမဲာ်ညါလီၤ. ^၇ ဒီးယွၤအကလူးတဂၤ ထံၣ်န့ၢ်အီၤလၢထံထီၣ်ပၢၢ် တပူၤအဃၢၤ လၢပှၢ်လၢ်ကျါ, လၢထံထီၣ်ပၢၢ်အဃၢၤအိၣ် ဝဲလၢဝ့ၢ်ရှူၢ် အကျဲလီၤ. 

^၈ ဒီးစံးဝဲဒၣ်, နီၢ်စၤရဲအကုၢ်ပိာ်မုၣ်နီၢ်ဟၤကၢ်ဧၢ, နဟဲလၢလဲၣ်, ဒီးနကလဲၤဆူလဲၣ်,ဒီးစံးဝဲဒၣ်, ယဃ့ၢ်လၢယကစၢ်မုၣ် နီၢ်စၤရဲအမဲာ်ညါလီၤ.

^၉ ဒီးယွၤအကလူးတဂၤစံးဘၣ်အီၤ, က့ၤကဒါက့ၤဆူနကစၢ်မုၣ်အအိၣ်, ဒီးဆီၣ်လီၤနသးလၢအစုပူၤတက့ၢ်. ^၁၀ ဒီးယွၤအကလူးစံးဘၣ်အီၤ, ယကမၤအါထီၣ်နချံနသၣ်အါအါကလဲာ်, ဒီးမ့ၢ်အအါအဃိဒီး, ပှၤတဂံၢ် ဘၣ်အီၤဘၣ်.

၁) နီၢ်စၤရဲလုၣ်သ့ၣ်ခါပတာ်တၢ်မၤလိာ်တဆံထံၣ်တထံၣ်အံၤဒ်လဲၣ်.

၂) မူခိၣ်ကလူးတဖၣ်ဟံးဃာ်ပၢၤဃာ်တၢ်မၤလိာ်တဆံထံၣ်တထံၣ်အံၤဒ်လဲၣ်.
 

၃) မုၢ်မဆါတနံၤအံၤပှၤဟီၣ်ခိၣ်ဖိသ့ၣ်တဖၣ်လုၣ်သ့ၣ်ခါပတာ်တၢ်မၤလိာ်တဆံထံၣ်တထံၣ်အံၤဒ်လဲၣ်.

၄) ပသးကွံတၢ်လၢပသးပူၤန့ၣ်ဂ့ၤဧါ. ဘၣ်မနုၤအဃိဂ့ၤလဲၣ်. ဘၣ်မနုၤအဃိတဂ့ၤလဲၣ်.

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.  

တၢ်မၤလိာ် ၉ ထံၣ်တထံၣ်