သးကွံပှၤလၢနဃၢၤအဟံၣ်တဂ့ၤသးကွံပှၤလၢနဃၢၤအဟံၣ်တဂ့ၤ

လံာ်စီၤပၤအခီၣ်ထံးတဘ့ၣ် ၂၁း၁-၄, ၇-၁၁, ၁၇-၁၉, ၂၃-၂၄

^၁ ဒီးလၢတၢ်တဖၣ်န့ၣ်အလီၢ်ခံ တၢ်မၤအသးလၢပှၤယံးစရ့လး ဖိစီၤနၤဘိးအိၣ် ဒီးစပံးအလီၢ်လၢ ယံးစရ့လးအပူၤ, အိၣ်ဘူးဒီးၡၤမရံအစီၤပၤစီၤအၤဃာ် အနူၢ်လီၤ. ^၂ ဒီးစီၤအၤဃာ်ကတိၤတၢ်ဒီးစီၤနၤဘိးဒီးစံးဝဲဒၣ်, ဟ့ၣ်ယၤလၢန စပံးအလီၢ်, ဒ်သိးအကဲထီၣ်တၢ်ဒိးတၢ်လၣ်အလီၢ်လၢယဂီၢ်တက့ၢ်, ဒ်သိးအက ကဲထီၣ်တၢ်ဒိးတၢ်လၣ်အလီၢ်လၢယဂီၢ်တက့ၢ်. အဂ့ၢ်ဒ်အံၤ, အိၣ် ဘူးဒီး ယဟံၣ်လီၤ.

ဒီးယကဟ့ၣ်လီၤနၤလၢစပံးအလီၢ်တလီၢ်ဂ့ၤန့ၢ်အန့ၣ်တက့ၢ်လီၤ. မ့ၢ်ဂ့ၤလၢနမဲာ်ဒီး, ယကဟ့ၣ်လီၤနၤလၢစ့ဖဲအကြၢးလီၤ. ^၃ ဒီးစီၤနၤဘိးစံးဘၣ် စီၤအၤဃာ်, မ်ယွၤအသုတဒုးဟ့ၣ် ယၤလၢယပၢ်အဟ့ၣ် သါတၢ်လၢနၤတဂ့ၤ.

^၄ ဒီးစီၤအၤဃာ်ဟဲဆူအဟံၣ်လၢအမဲာ်ထီၣ်ဂီၤ, ဒီးအသးဒိၣ်ထီၣ် လၢတၢ် ကတိၤလၢ ပှၤယံးစရ့လးဖိစီၤနၤဘိးကတိၤတၢ်ဒီးအီၤအဃိလီၤ. အဂ့ၢ်ဒ်အံၤ, စံးဝဲဒၣ်,ယတဟ့ၣ်နၤလၢယပၢ်အတၢ်ဟ့ၣ်သါဘၣ်လီၤ. ဒီးမံလီၤလၢအလီၢ်မံပူၤ, ဒီးဃၣ်ကဒါကွံာ်အမဲာ်, ဒီးအီၣ်တၢ်န့ၣ် အသးတအိၣ်ဘၣ်.

^၇ ဒီးအမါနီၢ်အံၤစ့ဘ့ၤလးစံးဘၣ်အီၤ, ခဲကနံၣ်အံၤနပၢအံၣ် စရ့လးအဘီ အမုၢ်စ့ၢ်ကီးဧါ. ဂဲၤဆၢထၢၣ်အီၣ်တၢ်,ဒီးပာ်နသးမုာ်မုာ်တက့ၢ်. ယကဟ့ၣ် နၤလၢပှၤယံးစရ့ဖိစီးနၤဘိးအစပံးအလီၢ်န့ၣ်လီၤ. ^၈ ဒီးကွဲးလံာ်လၢစီၤ အၤဃာ် အမံၤ, ဒီးစဲဃာ်ပနီၣ်အီၤလၢအနီၣ်စဲဃာ်ပနီၣ်, ဒီးဟ့ၣ်ယုၢ်လံာ်န့ၣ် ဆူပှၤသူၣ် က့သးပှၢ်, ဒီးပဒိၣ်တဖၣ်လၢအအိၣ် ဝဲလၢအဝ့ၢ်ပူၤဒီး စီၤနၤဘိးလီၤ. ^၉ ဒီးကွဲးဝဲ လၢလံာ်ပူၤ, ဒီးစံးဝဲဒၣ်, ကိးထီၣ်တၢ်ဒုၣ်တၢ် အီၣ်, ဒီးပာ်ထီၣ် ထီစီၤနၤဘိး လၢပှၤဂီၢ်မုၢ်အကျါ, ^၁၀ ဒီးပာ်ပှၤဘလး ယဧၤလးဖိခံဂၤလၢအမဲာ်ညါ ဒ်သိးအက အုၣ်အသးထီဒါအီၤ, ဒီးစံး,နဒုၣ်ဒွဲၣ်ယွၤဒီးစီၤပၤလီန့ၣ်,ဒီးစိာ်ထီၣ်ကွံာ်အီၤ, ဒီးကွံာ်အီၤလၢလၢၢ် တုၤအသံတက့ၢ်. ^၁၁ ဒီးဝ့ၢ်အပှၤကညီအပှၤသူၣ်က့သးပှၢ်, ဒီးပဒိၣ်တဖၣ်လၢပှၤဝ့ၢ်ဖိအကျါန့ၣ်မၤဝဲ ဒ်နီၢ်အံၤစ့ဘ့ၤလးမၢလီၤတၢ် အသိး, ဒ်အကွဲးဝဲလၢလံာ်ပူၤလၢအဟ့ၣ်ယုၢ်ဝဲအသိး န့ၣ်လီၤ. 

^၁၇ ဒီးယွၤအကလုၢ်ဘၣ် ပှၤတံးၡဘးဖိစီၤအ့ၤလံယၤ, ဒီး စံးဝဲဒၣ်, ^၁၈ လဲၤလီၤသဂၢၢ်အံၣ် စရ့လး အစီၤပၤအၤဃာ် လၢၡၤမရံအပူၤန့ၣ်တက့ၢ်. ကွၢ်ကွၢ်,အိၣ်ဝဲလၢစီၤနၤဘိး အစပံးအလီၢ်ပူၤ, ဖဲအလဲၤလီၤမၤန့ၢ်အီၤလီၤ. ^၁၉ ဒီးန ဘၣ်ကတိၤတၢ်ဒီးအီၤ, ဒီးစံး, ယွၤစံးဒ်အံၤ, နမၤသံတၢ်ဒီး,မၤန့ၢ်တၢ်စ့ၢ်ကီးဧါ. ဒီးနဘၣ် ကတိၤတၢ် ဒီးအီၤဒီးစံး, ယွၤစံးဒ်အံၤ, ဖဲအလီၢ်ပူၤလၢထွံၣ်တဖၣ်လ့ၣ်စီၤနၤဘိးအ သွံၣ်န့ၣ် ထွံၣ်တဖၣ်ကလ့ၣ်နသွံၣ်, နဝဲဒၣ်လဲာ်လီၤ. လၢနထိၣ်ဂဲၤယွၤ အသးထီၣ်လၢအီၤ, ဒီးဒုးမၤအံၣ်စရ့လးလၢတၢ်ဒဲးဘးန့ၣ်လီၤ. ^၂၃ ဒီၤယွၤကတိၤတၢ်လၢနီၢ်အံၤ စ့ဘ့ၤလးအဂ့ၢ်, ဒီးစံးဝဲဒၣ်, ထွံၣ်တဖၣ်ကအီၣ်နီၢ်အ့ၤစ့ဘ့ၤလး လၢယံး စရ့လးအခိၣ် ဒူအဃၢၤန့ၣ်လီၤ. ^၂၄ ဒီးပှၤဘၣ်ဃးဒီးစီၤအၤဃာ် လၢအသံဝဲလၢဝ့ၢ် ပူၤန့ၣ် ထွံၣ်တဖၣ်ကအီၣ်ကွံာ်အီၤ, ဒီးပှၤလၢအသံဝဲလၢပှၢ်လၢ်ကျါန့ၣ်ထိၣ် ဧိၤလံၣ်ဧိၤလၢမူကပိာ်လိၤတဖၣ် ကအီၣ်ကွံာ်အီၤလီၤ.
 
 ၁) စီၤအၤဃာ်သူၣ်လီသးကွံစီၤနၤဘိၤအတၢ်စုလီၢ်ခီၣ်ခိၣ်န့ၣ်လီၤ. တဲဖျါထီၣ်တၢ်သူၣ်လီသးကွံတၢ်န့ၣ်ဒုးကဲထီၣ်တၢ်ဒဲးဘးလၢစီၤအၤဃာ်ဒီးနီၢ်အံၤစ့ဘ့ၤလးအဂီၢ်ဒ်လဲၣ်.
 

၂) လၢလံာ်စီဆှံတဆၢအံၤအပူၤနမၤလိန့ၢ်ဘၣ် ဃးတၢ်ဒဲးဘးလၢပိာ်ထွဲထီၣ်တခံတဖၣ်မ့ၢ်မနုၤလဲၣ်.
 

၃) လၢလံာ်စီဆှံတသီတကတြူၢ်အပူၤပှၤစီပှၤဆှံတဂၤ အတၢ်တူၢ်သံအသးအဃိပာ်ဃုာ်ဒီးန​ၤဒီးယၤပဒိးန့ၢ်တၢ်န့ၢ်သါလၢပတ ကြၢ:န့ၢ်ဘၣ်န့ၣ်လီၤ. တဲဖျါထီၣ်အဂ့ၢ်တက့ၢ်.
 

သးကွံပှၤလၢနဃၢၤအဟံၣ်တဂ့ၤသးကွံပှၤလၢနဃၢၤအဟံၣ်တဂ့ၤ 

တၢ်မၤလိာ်တထံၣ်အံၤအခီပညီဒ်လဲၣ် 

ပဝဲသ့ၣ်တဖၣ်ပဘၣ်အဲၣ်ယွနပျံၢယွၤမဃိပှၤလၢ အဘၣ်ထွဲဘၣ်ဃးဒီးပှၤ အတၢ်ပီးတၢ်လီးဒီးအဟံၣ် အဃီလၢတၢ်န့ၣ်လၢကျဲဘၣ်  (မ့တမ့ၢ်) နကပၢၤတံၢ် ဃးန့ၣ်အဝဲအတၢ်ထူးတၢ်တီၤအဂီၢ်တၢ်လၢ အလိၣ်ဒီး အဝဲန့ၣ်နဘၣ်မၤစၢၤအီၤ န့ၣ်လီၤ.
 

လံာ်စီၤမိၤရှ့အခီၣ်ထံးတဘ့ၣ် ၁၄း၈-၂၄
 ^၈ ဒီးစဒိၣ်အစီၤပၤ, ဒီးဂမိရၤအစီၤပၤ, ဒီးအၤဒမၤအစီၤပၤ, ဒီးစဘိအံၣ် အစီၤပၤ, ဒီးဘ့လၤ အစီၤပၤသ့ၣ်တဖၣ်လဲၤထီၣ်ဒီး ဒုးတၢ်ဒီးအီၤလၢတၢ် ပၢၤခိၣ်စံးဒံၣ်လီၤ.^၉ ဒုးတၢ်ဒီးဧ့ၤလၣ်အစီၤပၤ ကဒၢ်လဧိမ့ၢ်, ဒီးပှၤကလုာ် တဖၣ်အစီၤပၤတံးဒၤလး, ဒီးၡံနၢ်အစီၤပၤအးမရၤဖ့လးဒီးအ့းလးစၢ်အစီၤပၤ အၤရယိာ်လီၤ. စီၤပၤလွံၢ်ဂၤဒုး တၢ်ဒီးယဲၢ်ဂၤလီၤ. ^၁၀ ဒီးတၢ်ပၢၤခိၣ်စံးဒံၣ် ပှဲၤဒီးကျဲတံးအပူၤ, ဒီးစဒိၣ်ဒီးဂမိရၤ အစီၤပၤတဖၣ်ဃ့ၢ်ဝဲ, ဒီးလီၤတဲာ်ဖဲန့ၣ်, ဒီးပှၤလၢအအိၣ်လီၤတဲာ်တဖၣ်န့ၣ် ဃ့ၢ်ဝဲဆူ ကစၢၢ်ကလိ လီၤ. ^၁၁ ဒီးပှၤဟံးန့ၢ် စဒိၣ်ဒီး ဂမိရၤအတၢ်ဖိတၢ်လံၤခဲလၢာ်, ဒီးအတၢ်အီၣ်တၢ်အီခဲလၢာ်, ဒီးလဲၤတၢ်လီၤ.- ^၁၂ ဒီးဟံးန့ၢ်စီၤအၤဘြၣ်အဖိဒိၣ် စီၤလိာ် လၢအအိၣ်လၢစဒိၣ် အပူၤ, ဒီးအတၢ်ဖိတၢ်လံၤ, ဒီးလဲၤတၢ်လီၤ.^၁၃ ဒီးပှၤလၢအထူၣ်ဖျဲးတဂၤ ဟဲစံးဘၣ်တဲဘၣ် ပှၤဧ့ၤဘြံၤဖိစီၤအၤဘြၣ်လီၤ. ဒီးအဝဲဒၣ်န့ၣ်အိၣ်ဝဲဖဲ မၤမရ့အသ့ထိးဖၣ်လီၤ. ဒီးမးမရ့မ့ၢ်ပှၤအမိၢ်ဖိ, ဒီပုၢ်ဝဲၢ်ဒီးစီၤအ့ၡကိၤလး, ဒီးဒီပုၢ်ဝဲၢ်ဒီးစီၤဧၤန့ၢ်လီၤ. အဝဲသ့ၣ်တဖၣ်န့ၣ် ဒီသိၣ် ဒီးစီၤအၤဘြၣ်လီၤ. ^၁၄ ဒီးတုၤစီၤအၤဘြၣ်နၢ်ဟူလၢ တၢ်ဖီၣ်န့ၢ်အဒီပုၢ်ဝဲၢ်ဒီး, ကတဲာ်ကတီၤပှၤလၢ အသိၣ်လိအီၤလၢအအိၣ်ဖျဲၣ်လၢအဟံၣ်ပူၤ, ပှၤသၢကယၤတဆံဃိးဂၤ, ဒီးလူၤပိာ်အခံဆူဒၣ်လီၤ. ^၁၅ ဒီးအဝဲဒၣ်ဒီးအကုၢ် အပှၤနီၤဖးလိာ်အသး ထီဒါအီၤလၢမုၢ်နၤဒီးကျီကွံာ်အီၤ. ဒီးလူၤအီၤဆူဃိဘၤ, လၢအ အိၣ် လၢဝ့ၢ်ဒၤမ့ၤစ့းအစုစ့ၣ်တခီလီၤ. ^၁၆ ဒီးဟဲက့ၤစိာ်ကဒါက့ၤတၢ်ဖိတၢ်လံၤခဲလၢာ်, ဒီးဟဲက့ၤစိာ်စ့ၢ်ကီးအဒီပုၢ်ဝဲၢ်စီၤလိာ်, ဒီးအတၢ်ဖိတၢ်လံၤ, ဒီးပိာ်မုၣ် ပိာ်မၢၤစ့ၢ်ကီး, ဒီးပှၤဂီၢ်မုၢ်ဂီၢ်ပၤလီၤ. ^၁၇ ဒီးလၢစီၤအၤဘြၣ်ဟဲက့ၤကဒါက့ၤ လၢအကျီကွံာ်ကဒၢ် လဧိမ့ၢ်, ဒီးစီၤပၤသ့ၣ်တဖၣ်လၢအအိၣ်ဒီးအီၤအလီၢ်ခံန့ၣ်, စဒိၣ်အစီၤပၤလဲၤ သဂၢၢ်ထီၣ်အီၤ လၢတၢ်ပၢၤခိၣ်ၡၤဝ့အပူၤလီၤ. အဝဲန့ၣ်မ့ၢ်စီၤပၤအတၢ်ပၢၤခိၣ်လီၤ.

^၁၈ ဒီးၡၤလ့ၣ်အစီၤပၤ မးလကံစဒ့းဟဲက့ၤစိာ်ထီၣ်ကိၣ်ဒီးစပံးထံလီၤ. အဝဲန့ၣ်မ့ၢ် တၢ်ထီကတၢၢ်ကစၢ်အပှၤ လုၢ်တၢ်အဒိၣ်လီၤ. ^၁၉ ဒီးဆိၣ်ဂ့ၤအီၤ, ဒီးစံးဝဲဒၣ်, စီၤအၤဘြၣ်ဘၣ်ဃးဒီး တၢ်ထီကတၢၢ်ကစၢ်လၢအအိၣ် ဒီးဟီၣ်ခိၣ်ဒီးမူခိၣ်န့ၣ်, မ်အဘၣ်တၢ်ဆိၣ်ဂ့ၤအီၤတက့ၢ်.- ^၂၀ ဒီးတၢ်ထီကတၢၢ်ကစၢ်လၢအဟ့ၣ်လီၤ နဒုၣ်နဒါလၢနစုပူၤန့ၣ်, မ်အဘၣ်တၢ်ဆိၣ်ဂ့ၤအီၤတက့ၢ်. ဒီးအဝဲဒၣ်ဟ့ၣ်အီၤလၢတၢ် ခဲလၢာ်ဆံဆဲၣ် ပူတပူလီၤ. ^၂၁ ဒီးစဒိၣ်အစီၤပၤစံးဘၣ် စီၤအၤဘြၣ်, ဟ့ၣ်ယၤလၢ ပှၤကညီ, ဒီးဟံးန့ၢ်တၢ်ဖိတၢ်လံၤလၢနဂီၢ်ဒၣ်နဲတက့ၢ်. ^၂၂ ဒီးစီၤအၤဘြၣ်စံးဘၣ် စဒိၣ်အစီၤပၤ, ယယူာ်ထီၣ်ယစုဆူယွၤတၢ်ထီကတၢၢ်ကစၢ်လၢအအိၣ်ဒီး ဟီၣ်ခိၣ်ဒီး မူခိၣ်န့ၣ်, ^၂၃ လၢယတဟံးန့ၢ်ဘၣ်တၢ်အိၣ် ဒီးနၤနီတမံၤ, ထဲလုၣ်တဘိ, ထဲခီၣ်ဖံးပျံၤ တဘိယတဟံးဘၣ်. နကစံးဘၣ်ဖုး, ယဒုးထူးထီၣ်တီၤထီၣ်စီၤအၤဘြၣ်လီၤ.^၂၄ ယကဟံးန့ၢ်ထဲတၢ်လၢ ပှၤဖိၣ်သၣ်ခွါတဖၣ်အီၣ်တၢ်, ဒီးပှၤလၢအလဲၤတၢ်ဒီးယၤ, စီၤဧၤန့ၢ်, စီၤအ့ၡကိၤလး,ဒီးစီၤမးမရ့အဂီၢ်လီၤ. အဝဲသ့ၣ်တဖၣ်န့ၣ် ကဟံးန့ၢ်ဒၣ်ဝဲလၢအဂီၢ်တက့ၢ်.

၁) စီၤအၤဘြၣ်ဟံးဃာ်ပၢၤဃာ်(လူၤထွဲပိာ်ထွဲ)တၢ်မၤလိာ်ခွံထံၣ် တထံၣ်န့ၣ်ဒ်လဲၣ်.
 

၂) စီၤအၤဘြၣ်ပာ်ဖျါထီၣ်အတၢ်သူၣ်လီသးကွံတအိၣ် ဘၣ်လၢစဒိၣ် အတၢ်စုလီၢ်ခီၣ်ခိၣ်ဘၣ်န့ၣ်ဒ်လဲၣ်.
 

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work. 

တၢ်မၤလိာ် ၈ ထံၣ်တထံၣ်

တၢ်မၤလိာ် ၁၀ ထံၣ်တထံၣ်