အဲၣ်ဘၢမါအဲၣ်ဘၢဝၤတဂ့ၤ

ယိၤဟၣ် ၈း၁-၁၁

^၁ ဒီးမုၢ်ဆ့ၣ်ထီၣ်န့ၣ်, ဟဲကဒီးဆူတၢ်လုၢ်အဟံၣ်ပူၤ,- ^၂ ဒီးပှၤဂီၢ်မုၢ်ခဲလၢာ် ဟဲဆူအအိၣ်, ဒီးဆ့ၣ်နီၤဝဲဒီးသိၣ်က့ၤ သီက့ၤအီၤလီၤ. ^၃ ဒီးပှၤကွဲးလံာ်ဒီး ပှၤဖၤရံၤၡဲသ့ၣ်တဖၣ်,ဟဲဆှၢပိာ်မုၣ်လၢပှၤဖီၣ်န့ၢ်ဝဲ လၢအအဲၣ် ဘၢတၢ်အဖၢမုၢ်, ဒီးပာ်လီၤအီၤလၢတၢ်အသးကံၢ်ပူၤ, ^၄ ဒီးစံးဝဲဒၣ်, သရၣ်ဧၢ, ပိာ်မုၣ်တဂၤအံၤ ပှၤဖီၣ်န့ၢ်အီၤ ဖဲအအဲၣ်ဘၢတၢ်အဖၢ မုၢ်ဒၣ်လဲာ်လီၤ. ^၅ ဒီးစီၤမိၤရှ့မၤလိာ် ဝဲလၢတၢ်သိၣ်တၢ်သီအပူၤ, ပှၤဒ်န့ၣ်တဖၣ်ကဘၣ်တၢ်ကွံာ်အီၤလၢလၢၢ်လီၤ. မၤသးဒ်န့ၣ် ဒီးမ့ၢ်နကစံးနဲဒ်လဲၣ်. ^၆ ဘၣ်ဆၣ်ဒီးစံးတၢ်န့ၣ်မ့ၢ်အလ့ပစီအီၤ, ဒ်သိးအပာ်တၢ်ကမၣ်လၢအလိၤအလီၢ်ကအိၣ်လီၤ. ^၇ ဒီးယ့ၣ်ရှူးသကူးလီၤ အသးဒီးကွဲးလီၤဟီၣ်ခိၣ်လၢအစုမုၢ်စုနၢလီၤ. ဒီးပှၤသံကွၢ်ဒံး တၢ်လၢအီၤဒီး အဝဲဒၣ်စူၣ်ထီၣ်အသး ဒီးစံးဘၣ်အီၤ, ပှၤလၢသုကျါလၢ အတၢ်ဒဲးဘးတအိၣ် ဘၣ်တဂၤန့ၣ်, ကကွံာ်ဆိအီၤ လၢလၢၢ်တဖျၢၣ် တက့ၢ်. ^၈ ဒီးသကူးလီၤ ကဒီးအသး, ဒီး ကွဲးလီၤက့ၤဟီၣ်ခိၣ်လီၤ. 

^၉ ဒီးပှၤလၢအနၢ်ဟူတၢ်တဖၣ်န့ၣ်, အသးလၢအသ့ၣ်ညါဒၣ်တၢ်သိၣ် ဃီၣ်အီၤ, ဒီးလၢအသးပှၢ်ကတၢၢ်တုၤလီၤလၢ အသးစၢ်ကတၢၢ်တဂၤန့ၣ်, ဟးထီၣ်ကွံာ်ဝဲတဂၤဘၣ်တဂၤ, တဂၤဘၣ်တဂၤလီၤ. ဒီးယ့ၣ်ရှူးအိၣ် လီၤတဲာ်ဝဲတဂၤဃီ, ဒီးပိာ်မုၣ်အိၣ်ဆၢထၢၣ် ဝဲလၢတၢ်သးကံၢ် ပူၤလီၤ. ^၁၀ ဒီးယ့ၣ်ရှူးစူၣ်ထီၣ်အသး, ဒီးတထံၣ်ဘၣ်ပှၤနီတဂၤဘၣ်. ထံၣ်ထဲပိာ်မုၣ်တဂၤန့ၣ်ဒီးစံးဘၣ်အီၤ, နီၢ်ဧၢ, ပှၤလၢအပာ်တၢ်ကမၣ် လၢနလိၤတဖၣ်န့ၣ်, အိၣ်ဖဲလဲၣ်. မ့ၢ်အတစံၣ်ညီၣ်ဃၣ်ဘၣ်နၤနီတ ဂၤဘၣ်ဧါ. ^၁၁ ဒီးစံးဝဲဒၣ်, နီတဂၤဘၣ်, ကစၢ်ဧၢ. ဒီးယ့ၣ်ရှူးစံးဘၣ်အီၤ, ယဲဒၣ်အံၤ, ယတစံၣ်ညီၣ်ဃၣ်စ့ၢ်ကီးဘၣ်နၤဘၣ်. က့ၤက့ၤ, ဒီးမၤလၢၤတၢ်ဒဲးဘးတဂ့ၤ.
 

၁. ပိာ်မုၣ်တဂၤန့ၣ်လုၢ်သ့ၣ်ခါပတာ်တၢ်မၤလိာ်ဃုထံၣ်တထံၣ်အံၤဒ်လဲၣ်.
 

၂.တၢ်လုၢ်သ့ၣ်ခါပတာ်တၢ်မၤလိာ်ဃုထံၣ်တထံၣ်အံၤမ့ၢ်ဝဲဒၣ်တၢ်ဒဲးဘးလၢတၢ်ပျၢ်အီၤတသ့ဘၣ်န့ၣ်ဧါ.ပာ်ဖျါထီၣ်နတၢ်ထံၣ်တက့ၢ်.
 

၃.တၢ်ဂ့ၢ်တထံၣ်လၢကစၢ်ယွၤတြီတၢ်အဲၣ်ဘၢမါအဲၣ်ဘၢဝၤန့ၣ်မ့ၢ်လၢတၢ်ဒိးတ့ဒိးဖျီသးမ့ၢ်တၢ်ပနီၣ်တမံၤလၢခရံာ်ဒီးတၢ်အိၣ်ဖှိၣ်တၢ်ဘၣ်ထွဲလိာ်သးန့ၣ်လီၤ (အ့းဖ့းစူး ၅:၂၂-၃၃ ). ခရံာ်ဒီးတၢ်အိၣ်ဖှိၣ်ဘၣ် ထွဲလိာ်သးလၢကျဲဒ်လဲၣ်တဖၣ်လဲၣ်န့ၣ်တဲဖျါထီတက့ၢ်.
 

အဲၣ်ဘၢမါအဲၣ်ဘၢဝၤတဂ့ၤ

တၢ်မၤလိာ်တထံၣ်အံၤအခီပညီဒ်လဲၣ် 

ပဝဲသ့ၣ်တဖၣ်ပကဘၣ်  အဲၣ်ယွၤပျံၤယွၤလီၤ. အဃိပဝဲသ့ၣ်တဖၣ် ပှၤလၢ အဘၣ်ထွဲဒီးပှၤအနီၢ်ခိ ဒ်သိးကဘၣ်ဒိကဟးဂီၤအဂီၢ်ပတ ဘၣ်မၤဘၣ်.  ပှၤအံၤသ့ၣ်တဖၣ်အနီၢ်ကစၢ်အတၢ်မိၣ်န့ၢ်သးလီတၢ် မၤစၢၤန့ၣ် အဝဲသ့ၣ်လီၤ. အဝဲသ့ၣ်တတုၤဆူတၢ်ဟးဂီၤဒီး ကဘၣ် ကွၢ်ဆၢၣ်မဲာ်ဒီးတၢ် ဟးဂီၤအဂီၢ်ပတဘၣ်မၤဘၣ်န့ၣ်လီၤ.
 

ယိၤဟၣ် ၂း၁-၁၁
 ^၁ ဒီးလၢမုၢ်သၢနံၤတနံၤန့ၣ် တလးမူးအမူး အိၣ်ဝဲတမူးလၢကၤနါ ဘၣ်ဃးဒီးကၤလံၤ လါ, ဒီးယ့ၣ်ရှူးအမိၢ် အိၣ်ဝဲဖဲန့ၣ်လီၤ. ^၂ ဒီးယ့ၣ်ရှူးဒီး အပျဲၢ်အဘီၣ်ဘၣ်တၢ်ကိး အီၤဆူမူးပူၤန့ၣ်လီၤ. ^၃ ဒီးတုၤစပံးထံလၢာ်ဝဲဒီး, ယ့ၣ်ရှူးအမိၢ်စံးဘၣ်အီၤ, အဝဲသ့ၣ်အစပံးထံတအိၣ်လၢၤဘၣ်.- ^၄ ဒီးယ့ၣ်ရှူးစံးဘၣ်အီၤ, ပိာ်မုၣ်ဧၢ, တၢ်ဘၣ်ဃးဒီးယၤဒီးနၤ အံၤ, မ့ၢ်မနုၤတမံၤလဲၣ်. ယနၣ်ရံၣ်တဘၣ်ဒံးဘၣ်. ^၅ ဒီးအမိၢ် စံးဘၣ်အခ့အပှၤ, ဖဲဒၣ်အစံးဘၣ်သုဒီး, မၤတ က့ၢ် ^၆ ဒီးဒ်ပှၤ ယူဒၤဖိမၤကဆှီတၢ် အလုၢ်အလၢ်အိၣ်ဝဲအသိးန့ၣ်, သပၢၤလၢၢ်လၢအတြီၢ်ခံဘၤသး, သၢဘၤသး အိၣ်ဝဲဖဲန့ၣ်ဃုဖျၢၣ်လီၤ. ^၇ ဒီးယ့ၣ်ရှူးစံးဘၣ်အီၤ, မၤပှဲၤသပၢၤလၢ ထံတက့ၢ်. ဒီးအဝဲသ့ၣ်မၤပှဲၤပၢၢ်လၢအခိၣ်ဒူ လီၤ. ^၈ ဒီးစံးဘၣ်အီၤ, ခဲကနံၣ်အံၤ ဘျၢၣ်န့ၢ်ဒီးလဲၤစိာ်ဆူ မူးခိၣ်တဂၤန့ၣ်တက့ၢ်. ဒီးလဲၤစိာ်ဝဲလီၤ. ^၉ ဒီးမူခိၣ် တဂၤလ့ၣ် ကွၢ်ထံလၢ အကဲထီၣ်စပံးထံန့ၣ်, ဒီးမ့ၢ်အဟဲလၢလဲၣ်လၢလဲၣ်န့ၣ် တသ့ၣ် ညါဘၣ်ဝဲဘၣ်. မ့မ့ၢ်အခ့အပှၤလၢအဘျၢၣ်ထံတဖၣ်န့ၣ်သ့ၣ်ညါဝဲလီၤ. ဒီးမူခိၣ်တဂၤ ကိးတလးမူးပိာ်ခွါ, ^၁၀ ဒီးစံးဘၣ်အီၤ, ပှၤခဲလၢာ်ပာ်လီၤဆိ စပံးထံလၢအဂ့ၤ, ဒီးတုၤပှၤအီဘျဲးအီဝဲဒီးလၢအဘျါတမံၤလီၤ. မ့မ့ၢ်နဲဒၣ်အံၤ, နပာ်ပာ်စပံးထံလၢ အဂ့ၤတုၤ ခဲကနံၣ်အံၤလံ. ^၁၁ ယ့ၣ်ရှူးမၤတၢ်လီၤလးအခီၣ် ထံးအံၤ, လၢကၤနါဘၣ် ဃးဒီးကၤလံၤလါ, ဒီးလီၣ်ဖျါထီၣ်အလၤအကပီၤ, ဒီးအပျဲၢ်အဘီၣ်နာ်အီၤလီၤ.
 

၁. ကစၢ်ယ့ၣ်ၡူးခရံာ်ပာ်ဖျါထီၣ်တၢ်ပာ်ဒိၣ်ပာ်ထီတၢ်ဒိးတ့ဒိးဖျိသးဒ်လဲၣ်.
 

၂. တုၤလီၤလၢခဲအံၤကစၢ်ယ့ၣ် ၡူးခရံာ်ဆိၣ်ဂ့ၤတၢ်ဆီဟံၣ်ဆီဃီဒ်လဲၣ်.
 

၃.တၢ်အၢၣ်လီၤသးလၢကအိၣ်ဒီးတၢ်သးတီလိာ်သးတမံၤန့ၣ်မ့ၢ်ဝဲပှၤခရံာ်ဖိအတၢ်အၢၣ်လီၤသးတထံၣ်လၢတၢ်ဒိးတ့ဒိးဖျီအပူၤန့ၣ်လီၤ.
 

က. ကစၢ်ယွၤပာ်ဖျါထီၣ်အတၢ်သးတီလိာ်သးလၢပဖီခိၣ်ဒ်လဲၣ်.

ခ.တချုးဒံးလၢတၢ်ဒိးတ့ဒိးဖျီသးန့ၣ်နပာ်ဖျါထီၣ်လၢနမ့ၢ်မုၢ်ကနီၤ,ဖိသၣ်ခွါလီၤ,လၢနသးသမူတံၤသ ကိးခါဆူညါအဂီၢ်ဒ်လဲၣ်.

ဂ.မုၢ်မဆါတနံၤအံၤပှၤအိၣ်လၢအမဲရကၤပူၤကအိၣ်မုၣ်ကနီၤစီဆှံ,ဖိသၣ်ခွါစီဆှံသ့ဒ်လဲၣ်.

ဃ.မိၢ်ပၢ်သ့ၣ်တဖၣ်တဲနၢ်ပၢၢ်အဖိသ့ၣ်တဖၣ်ဘၣ်ဃးတၢ်အိၣ်စီအိၣ်ဆှံအတၢ်ကဲဘျုးတဖၣ်ကသ့ဒ်လဲၣ်.
 

© Lutheran Agency for Missions to Burmese (LAMB). (2025). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.

တၢ်မၤလိာ် ၅ ထံၣ်တထံၣ်

တၢ်မၤလိာ် ၇ ထံၣ်တထံၣ်