ပူၤကွံာ်အနံၣ် ၅၀၀ ဃၣ်ဃၣ်န့ၣ်မၤတ့ၣ်လူၣ်သဲၣ်ကွဲးဖျါထီၣ်တၢ်မၤလိာ်အထံၣ်တဆံန့ၣ်လီၤ. အဝဲ အလံာ်တၢ်သံကွၢ်စံးဆၢဘၣ်ဃးခရံာ်ဖိအတၢ်ဘူၣ်တၢ်ဘါတၢ်စူၢ်တၢ်နာ်န့ၣ်တၢ်ကွဲးကျိာ်ထံက့ၤအီၤဆူကျိာ်အါကျိာ် န့ၣ်လီၤ.ပာ်ဃုာ်ဒီးကညီကျိာ်န့ၣ်လီၤ.နမၤလိာ်လံာ်တၢ်သံကွၢ်စံးဆၢဘၣ်ဃးခရံာ်ဖိအတၢ်ဘူၣ်တၢ်ဘါတၢ်စူၢ်တၢ်နာ်သ့ဝဲဒၣ်ဖဲဟဲၣ်ရံၣ်ထဲးတၢ်ကရၢကရိဖဲအံၤလီၤ.လူၣ်သဲၣ်အဲၣ်ဒိးလၢဟံၣ်ဖိဃီဖိတဖၣ်ကမၤလိသကိးဒ်သိးသိးန့ၣ်လီၤ. ကျဲတဘိလၢကဲထီၣ်တၢ်ကဲဘျုးလၢတၢ်မၤလိတၢ်မၤလိာ်အထံၣ်တဆံမ့ၢ်ဝဲတၢ်က့ၤတဲက့ၤလံာ်စီဆှံအဂ့ၢ်န့ၣ်လီၤ.ကျဲတဘိလၢအမ့ၢ်တၢ်တဲက့ၤလံာ်စီဆှံအဂ့ၢ်န့ၣ်မၤစၢၤပှၤဒ်သိးပကမၤလိန့ၢ်တၢ်ဒိကနၣ်လူၤပိာ်ထွဲတၢ်မၤလိာ်တဖၣ်အံၤဒ်လဲၣ်,ဒီးတၢ်ဂ့ၢ်ကီလၢပိာ်ထွဲထီၣ်အခံလၢတၢ်တဒိကနၣ်လူၤထွဲပိာ်ထွဲတၢ်မၤလိာ်တဖၣ်အံၤန့ၣ်လီၤ.တၢ်မၤလိာ်တထံၣ်စုာ်စုာ်န့ၣ်တၢ်နီၤဖးက့ၤအီၤခံတီၤဃုာ်ဒီးတၢ်တဲက့ၤလံာ်စီဆှံအဂ့ၢ်န့ၣ်လီၤ.တၢတတီၤန့ၣ်တဲဖျါဘၣ်ဃးတၢ်မၤလိာ်န့ၣ်လီၤ.ခံတီၤတတီၤရှဲပၠးဘၣ်ဃးတၢ်မၤလိာ်န့ၣ်လီၤ.ပဂုာ်ကျဲ:စၢၤပာ်ဖျါထီၣ်တၢ်ဒိတၢ်တဲာ်ဒ်တဘျီအခါကီၢ်ပယီၤအိၣ်တ့ၢ်ဒီးအစီၤလိၣ်စီၤပၤအခ့ခါဆၢကတီၢ်အသိးန့ၣ်လီၤ.ပပာ်ဖျါထီၣ်တၢ်ဒိတၢ်တဲာ်အံၤဒ်သိးပှၤလၢအိၣ်လၢကီၢ်ပယီၤအပူၤတဖၣ်ကဒုးဘၣ်ထွဲလိာ်တၢ်ဂ့ၢ်ကသ့အဂီၢ်န့ၣ်လီၤ.

တၢ်မၤလိာ် ၁ တထံၣ်

အိၣ်ဒီးကစၢ်အဂုၤအဂၤတဖၣ်လၢယမဲာ်ညါတဂ့ၤ 

လံာ်ဒၤနံးယ့လး ၃း၁-၂၈

စီၤပၤနဘူၤကးန့စၢ် တ့တၢ်ဂီၤထူလၢအထီအပျၢ်ဃု ဆံ, ဒီးအဒီၣ်တူာ်ဃုပျၢ်လီၤ. ပာ်ဝဲလၢတၢ်ပျီပူၤဒူရၤလၢ ကီၢ်ဘၤဘူၤလိၣ်အပူၤလီၤ.2 ဒီးစီၤပၤနဘူၤကးန့စၢ် မၢပှၤလဲၤဒုးအိၣ်ဖှိၣ်ရိဖှိၣ်ပဒိၣ် ဖးဒိၣ်, ပဒိၣ်ပပှၢ်, ပှၤပၢတၢ်ဖိ, ပှၤစံၣ်ညီၣ်ကွီၢ်, ပှၤကွၢ်စ့ ပာ်ဖှိၣ်အလီၢ်, ပှၤသ့တၢ်သိၣ်တၢ်သီ, ပှၤသ့တၢ်မၤလိာ်, ဒီးပှၤပၢတၢ်လၢကီၢ်ဖိအပူၤခဲလၢာ်, ဒ်သိးအကဟဲဘါသီ တၢ်ဂီၤလၢစီၤပၤနဘူၤကးန့စၢ်ပာ်ထီၣ်ဝဲန့ၣ်လီၤ.3 တုၤနုၤတစုပဒိၣ်ဖးဒိၣ်, ပဒိၣ်ပပှၢ်, ပှၤပၢတၢ်ဖိ, ပှၤစံၣ် ညီၣ်ကွီၢ်, ပှၤကွၢ်စ့ပာ်ဖှိၣ်အလီၢ်, ပှၤသ့တၢ်သိၣ်တၢ်သီ, ပှၤသ့တၢ်မၤလိာ်, ဒီးပှၤပၢတၢ်လၢကီၢ်ဖိအပူၤခဲလၢာ်န့ၣ် အိၣ်ဖှိၣ်ရိဖှိၣ်ဒ်သိး အကဘါသီတၢ်ဂီၤလၢ စီၤပၤနဘူၤ ကးန့စၢ်ပာ်ထီၣ်ဝဲ, ဒီးဆၢထၢၣ်ဝဲလၢ တၢ်ဂီၤလၢစီၤပၤန ဘူၤကးန့စၢ်ပာ်ထီၣ်ဝဲအမဲာ်ညါလီၤ.4 ဒီးပှၤကိးတၢ်ဖိကိးပသူထီၣ်, ပှၤဂီၢ်မုၢ်တဖၣ်, ပှၤက လုာ်တဖၣ်, ဒီးပှၤကတိၤတၢ်အကျိာ်အကလုာ်ကလုာ် သ့ၣ်တဖၣ်ဧၢ, တၢ်မၤလိာ်သု, 5 ဖဲအကတီၢ်လၢသုနၢ် ဟူကွဲၤ, ပံ, တနၢ်, သီတူၢ်, တြီၢ်, တူခံဘိတမံၤ, ဒီးကယဲၢ် တၢ်သံကျံအသီၣ်ဒီး, သုဘၣ်ထိၣ်တွံၤလီၤသုသး, ဒီးဘါ ထီၣ်တၢ်ဂီၤထူလၢစီၤပၤနဘူၤကးန့စၢ်ပာ်ထီၣ်ဝဲန့ၣ်လီၤ.6 ဒီးဖဲဒၣ်ပှၤလၢ အတထိၣ်တွံၤလီၤအသး, ဒီးတဘါ ဘၣ်ဝဲတဂၤလၢ်လၢ်န့ၣ် တၢ်ကတ့ၢ်လီၤကွံာ်အီၤလၢမ့ၣ် အူကဲၤထီၣ်အဖၣ်ကပူၤန့ၣ်တကီၢ်ခါလီၤ.7 မၤသးဒ်န့ၣ်ဒီး ဖဲအကတီၢ်လၢပှၤကိးကလုာ်ဒဲးန့ၣ်နၢ် ဟူကွဲၤ,ပံ,တနၢ်,သီတူၢ်, တြီၢ်ဒီးကယဲၢ်တၢ်သံကျံအသီၣ် ဒီး, ပှၤဂီၢ်မုၢ်တဖၣ်, ပှၤကလုာ်တဖၣ်, ဒီးပှၤကတိၤတၢ်အ ကျိာ်အကလုာ်ကလုာ်ခဲလၢာ်န့ၣ်ထိၣ်တွံၤလီၤအသး, ဒီး ဘါထီၣ်တၢ်ဂီၤထူလၢစီၤပၤနဘူၤကးန့စၢ်ပာ်ထီၣ်ဝဲလီၤ.8 မၤသးဒ်န့ၣ်ဒီးပှၤကညီ, ပှၤက့ၤစ့းဖိတနီၤသုးဘူးအ သး, ဒီးပာ်တၢ်ကမၣ်လၢပှၤယူဒၤဖိအလိၤလီၤ.9 ကတိၤတၢ်ဒီးစီၤပၤနဘူၤကးန့စၢ်, ဒီးစံးဝဲဒၣ်, မ်စီၤပၤ မူဝဲလီၤထူလီၤယိာ်တက့ၢ်. 10 နဲဒၣ်စီၤပၤဧၢ, နကလုၢ်လီၤ လၢကယဲၢ်ပှၤကညီလၢအနၢ်ဟူကွဲၤ, ပံ, တနၢ်, သီတူၢ်, တြီၢ်, တူခံဘိတမံၤ, ဒီးကယဲၢ်တၢ်သံကျံအသီၣ်တဂၤ လၢ်လၢ်န့ၣ်ဘၣ်ထိၣ်တွံၤလီၤအသး, ဒီးဘါထီၣ်တၢ်ဂီၤ ထူ, 11 ဒီးဖဲဒၣ်ပှၤလၢအတထိၣ်တွံၤလီၤအသးဘၣ်, ဒီး တဘါထီၣ်ဘၣ်တဂၤဂၤန့ၣ် ကဘၣ်တၢ်တ့ၢ်လီၤကွံာ်အီၤ လၢမ့ၣ်အူကဲၤအဖၣ်ကပူၤလီၤ. 12 ပှၤကညီ, ပှၤယူဒၤဖိ တနီၤလၢနပာ်လီၤလၢတၢ်လၢ ကီၢ်ဘၤဘူၤလိၣ်အပူၤအ ဖီခိၣ်, စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤတဖၣ် န့ၣ်အိၣ်ဝဲလီၤ. စီၤပၤဧၢ, အဝဲသ့ၣ်တဖၣ်န့ၣ်တပးကဲ ဘၣ်နၤဘၣ်, တမၤဘၣ်နကစၢ်တဖၣ်အတၢ်, ဒီးတဘါ တၢ်ဂီၤထူလၢနပာ်ထီၣ်အီၤဘၣ်လီၤ.13 ဒီးစီၤနဘူၤကးန့စၢ်မၤလိာ်ဝဲလၢ အသးထီၣ်ဒီးအသး ကဲၤထီၣ်ဒ်သိးပှၤကဟဲစိာ်စီၤၡၤဒရး, စီၤမ့ၤၡး, ဒီးစီၤဧ ဘ့ၤဒနကိၤလီၤ. ဒီးတၢ်ဟဲစိာ်ပှၤတဖၣ်န့ၣ်ဆူစီၤပၤအမဲာ် ညါလီၤ.14 စီၤနဘူၤကးန့စၢ်ကတိၤတၢ်ဒီးအီၤ, ဒီးစံးဝဲဒၣ်, စီၤၡၤ ဒရး, စီၤမ့ၤၡး, ဒီးစီၤဧဘ့ၤဒနကိၤသ့ၣ်ဧၢ, သုတမၤ ဘၣ်ယကစၢ်တဖၣ်အတၢ်, သုတဘါတၢ်ဂီၤထူလၢယ ပာ်ထီၣ်အီၤဘၣ်န့ၣ်သုပာ်သုသးစ့ၢ်ကီးဧါ.15 ဖဲအကတီၢ်လၢသုနၢ်ဟူကွဲၤ, ပံ, တနၢ်, သီတူၢ်, တြီၢ် တူခံဘိတမံၤ, ဒီးကယဲၢ်တၢ်သံကျံအသီၣ်န့ၣ်သုမ့ၢ်က တဲာ်ကတီၤသုသးဒီး, သုမ့ၢ်ထိၣ်တွံၤလီၤသုသး, ဒီးဘါ တၢ်ဂီၤလၢယတ့အီၤဒီး, ဂ့ၤလံ. မ့မ့ၢ်သုမ့ၢ်တဘါဘၣ်ဒီး, သုကဘၣ်တၢ်တ့ၢ်လီၤကွံာ်သုဆူမ့ၣ်အူကဲၤ အဖၣ်ကပူၤ တကီၢ်ခါလီၤ. ဒီးကစၢ်လၢအကမၤပူၤဖျဲးသုလၢယစုပူၤ န့ၣ်မ့ၢ်မတၤတဂၤလဲၣ်.16 စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤစံးဆၢစီၤပၤန ဘူၤကးန့စၢ်ဒီးစံးဝဲဒၣ်, ပစံးဆၢတၢ်လၢတၢ်တမံၤအံၤအ ဂ့ၢ်န့ၣ်အလီၢ်တအိၣ်ဘၣ်. 17 ကွၢ်ကွၢ်, ပကစၢ်လၢပမၤ အတၢ်တဂၤန့ၣ်မၤပူၤမၤဖျဲးပှၤဒီး မ့ၣ်အူကဲၤအဖၣ်ကပူၤ သ့, ဒီးကမၤပူၤမၤဖျဲးပှၤလၢနစုပူၤလီၤ, စီၤပၤဧၢ. 18 မ့တ မ့ၢ်ဘၣ်ဒ်န့ၣ်ဒီးသ့ၣ်ညါ, စီၤပၤဧၢ, လၢပတမၤဘၣ်နက စၢ်အတၢ်ဘၣ်, ဒီးပတဘါဘၣ်နတၢ်ဂီၤထူလၢနပာ်ထီၣ် အီၤန့ၣ်တက့ၢ်.19 တုၤနုၤတစု နဘူၤကးန့စၢ် သးထီၣ်ပှဲၤဆၢၣ်ကလာ်, အမဲာ်အက့ၢ်အဂီၤလီၤဆီထီၣ်ထီဒါစီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤလီၤ. ဒီးမၤလိာ်ဝဲလၢပှၤကမၤကိၢ်ဖၣ် ကပူၤန့ၣ်ကိၢ်န့ၢ်အလီၢ်န့ၣ်နွံစးလီၤ.20 ဒီးမၤလိာ် ပှၤအဂံၢ်ဆူၣ်အဘါဆူၣ် လၢအသုးမုၢ်အ ကျါတဖၣ်ဒ်သိးအကစၢဃာ်စီၤၡၤဒရး, စီၤမ့းၡး, ဒီးစီၤဧ ဘ့ၤဒနကိၤ, ဒီးတ့ၢ်လီၤကွံာ်အီၤလၢမ့ၣ်အူကဲၤအဖၣ်က ပူၤလီၤ.21 တုၤနုၤတစု ပှၤစၢဃာ်အဝဲသ့ၣ် အိၣ်ဒီးအတၢ်ဖျီၣ်ခံ, ဒီးအဆ့, ဒီးအယၣ်, ဒီးအတၢ်ကူတၢ်သိးအဂၤ, ဒီးတ့ၢ် လီၤကွံာ်အီၤလၢမ့ၣ်အူကဲၤအဖၣ်ကပူၤအသးကံၢ်ပူၤလီၤ.22 မၤသးဒ်န့ၣ်ဒီး မ့ၢ်စီၤပၤအမၤလိာ်တၢ်ဆူၣ်ဝဲ, ဒီးဖၣ် ကပူၤန့ၣ် ကိၢ်နးနးကလဲာ်သတးဒီး, မ့ၣ်အူလၣ်ပျ့ၤအီၣ် သံပှၤကညီလၢအစိာ်ထီၣ်စီၤၡၤဒရး, စီၤမ့ၤၡး, ဒီးစီၤဧ ဘ့ၤဒနကိၤလီၤ.23 ဒီးစီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤသၢဂၤန့ၣ် လီၤတဲာ်စၢဃာ်အသးလၢ မ့ၣ်အူကဲၤအဖၣ်ကပူၤအသး ကံၢ်ပူၤလီၤ.24 ဒီးစီၤပၤနဘူၤကးန့စၢ်န့ၣ် ပာ်အသးကမၢကမၣ်, ဒီး ဂဲၤဆၢထၢၣ်ချ့ချ့ဒီးကတိၤတၢ်, ဒီးစံးဘၣ်အပှၤကူၣ်လိာ် အသးတဖၣ်န့ၣ်, ပတ့ၢ်လီၤကွံာ်ပှၤသၢဂၤစၢဃာ်အသး လၢမ့ၣ်အူအကျါန့ၣ်တမ့ၢ်ဘၣ်ဧါ. အဝဲသ့ၣ်စံးဆၢတၢ်ဒီး စံးဝဲ, မ့ၢ်ယၢာ်, စီၤပၤဧၢ.25 စံးဆၢဝဲဒၣ်ဒီးစံး, ကွၢ်ကွၢ်, ယထံၣ်ပှၤထူၣ်ဖျဲးလွံၢ်ဂၤ, လဲၤတၢ်လၢမ့ၣ်အူကျါ, ဒီးတဘၣ်ဘၣ် တၢ်အၢနီတမံၤ ဘၣ်, ဒီးလွံၢ်ဂၤတဂၤမၤအသးဒ်ကစၢ်အဖိခွါအသိးန့ၣ် လီၤ.26 တုၤနုၤတစု နဘူၤကးန့စၢ်သုးဘူးအသးဒီး မ့ၣ်အူအ ဖၣ်ကပူၤအကျဲစၢၤလီၤ. ကတိၤတၢ်ဒီးစံးဝဲဒၣ်, ကစၢ် အထီကတၢၢ်အခ့အပှၤ, စီၤၡၤဒရး, စီၤမ့ၤၡး, ဒီးစီၤဧ ဘ့ၤဒနကိၤသ့ၣ်ဧၢ, ဟဲက့ၤထီၣ်ဒီးဟဲတက့ၢ်. တုၤနုၤတ စုစီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤဟဲက့ၤထီၣ်လၢ မ့ၣ်အူကျါလီၤ.27 ဒီးပဒိၣ်ဖးဒိၣ်, ပဒိၣ်ပပှၢ်, ပှၤပၢၤတၢ်ဖိ, ဒီးစီၤပၤအ ပှၤကူၣ်လိာ်အသးအိၣ်ဖှိၣ်ရိဖှိၣ်ဝဲ, ဒီးကွၢ်ပှၤကညီတဖၣ် အံၤလၢမ့ၣ်အူအစိအကမီၤတအိၣ်ဘၣ်လၢ အနီၢ်ခိအဖီ ခိၣ်, ဒီးအခိၣ်သူတကိၢ်ဃိာ်ဘၣ်နီတဘိဘၣ်. ဒီးအတၢ် ဖျီၣ်ခံအိၣ်ဒၣ်အတၢ်,ဒီးမ့ၣ်အူအနၢတဘၣ်ဘၣ်အီၤဘၣ်.28 နဘူၤကးန့စၢ်ကတိၤတၢ်ဒီးစံးဝဲဒၣ်, စီၤၡၤဒရး, စီၤမ့ၤ ဒီးစီၤဧဘ့ၤဒနကိၤတဖၣ် အကစၢ်လၢ အမၢလီၤအက လူးတဂၤ, ဒီးမၤပူၤမၤဖျဲးအခ့အပှၤလၢ အသန့ၤအသး လၢအီၤ, ဒီးလဲလိာ်စီၤပၤအတၢ်မၤလိာ်, ဒီးဟ့ၣ်လီၤကွံာ် အနီၢ်ခိဒ်သိးအသုတမၤကစၢ်အဂၤအတၢ်, လၢအတမ့ၢ် ဘၣ်အကစၢ်, ဒီးအသုတဘါအီၤတဂ့ၤန့ၣ်, မ်အဘၣ် တၢ်ဆိၣ်ဂ့ၤအီၤတက့ၢ်.

၁. စီၤပၤနဘူၤကးန့စၢ်လုၢ်သ့ၣ်ခါပတာ်တၢ်မၤလိာ်တၢတထံၣ်ဒ်လဲၣ်.

၂. ဖဲလဲၣ်တခါန့ၣ်အၢဒိၣ်လဲၣ်.စီၤပၤနဘူၤကးန့စၢ်တ့ထီၣ်တၢ်ဂီၤဒီးမၢကမျၢၢ်တဖၣ်ဘူၣ်ထီၣ်ဘါထီၣ်အီၤန့ၣ်ဧါ.ဘၣ်မနုၤအဃိလဲၣ်.

၃.  ပှၤဂုၤပှၤဂၤတဖၣ်မၢဆူၣ်နၤလၢနကဘူၣ်ထီၣ်ဘါထီၣ်ကစၢ်တမ့ၢ်တတီဒ်လဲၣ်.

အိၣ်ဒီးကစၢ်အဂုၤအဂၤတဖၣ်လၢယမဲာ်ညါတဂ့ၤ 

တၢ်ကတိၤတထံၣ်အံၤခီပညီဒ်လဲၣ်

ခဲလၢာ်အဖီခိၣ်လီၤ ပကဘၣ်အဲၣ်ယွၤပျံယွၤဒီးသန့ၤသး  လၢယွၤလၢတၢ် ခဲလၢာ်အဖီခိၣ်လီၤ  

လံာ်စီၤမိၤရှ့အခီၣ်ထံးတဘ့ၣ် ၂၂း၁-၁၄

^၁ ဒီးတၢ်မၤအသးလၢတၢ်တဖၣ်န့ၣ်အလီၢ်ခံဒီး, ယွၤမၤကွၢ်စီၤအၤဘြၤဟၣ်, ဒီးစံးဘၣ်အီၤ, စီၤအၤဘြၤဟၣ် ဧၢ, ဒီးစံးဝဲဒၣ်, ကွၢ်ကွၢ်, ယၤလီၤ. ^၂ ဒီးစံးဝဲဒၣ်, ဟံးန့ၢ်နဖိခွါ, နဖိခွါတဂၤဃီ, စီၤအံၤစဲးလၢနအဲၣ်အီၤ,ဒီးလဲၤဆူကီၢ်မိၤရံယၤ, ဒီးလုၢ်ထီၣ်အီၤဖဲန့ၣ်လၢတၢ်လုၢ်မ့ၣ်အူလၢကစၢၢ်တဖျၢၣ်အလိၤ လၢကစၢၢ်အကျါ, လၢယကစံးဘၣ်နၤန့ၣ်တက့ၢ်. ^၃ ဒီးစီၤအၤဘြၤဟၣ်ဂဲၤဆၢထၢၣ်ဂီၤဂီၤ, ဒီးဂီၤကၢ် အကသ့ၣ်ယီၤ, ဒီးဟံးန့ၢ်အဖိၣ်သၣ်ခွါခံဂၤ, ဒီးအဖိခွါစီၤအံၤစဲး, ဒီးဖးသ့ၣ်မုၣ် လၢတၢ်လုၢ်မ့ၣ်အူအဂီၢ်, ဒီးဂဲၤ ဆၢထၢၣ်ဒီးလဲၤဝဲဆူအလီၢ်လၢယွၤစံးဘၣ် အီၤန့ၣ်လီၤ. ^၄ ဒီးသၢနံၤတနံၤန့ၣ် စီၤအၤဘြၤဟၣ်ကျ့ထီၣ်အမဲာ်, ဒီးထံၣ်ဘၣ် အလီၢ်န့ၣ်အိၣ်လၢအယံၤလီၤ. ^၅ ဒီးစီၤအၤဘြၤဟၣ်စံးဘၣ်ဖိၣ်သၣ်ခွါတဖၣ်, အိၣ်သုဝဲဒီးကသ့ၣ်ယီၤဖဲအံၤတက့ၢ်. ဒီးယဲဒၣ်ဒီးဖိသၣ်အံၤပကလဲၤဆူဘးန့ၣ်, ဒီးဘူၣ်တၢ်ဘါတၢ်, ဒီးဟဲက့ၤကဒါက့ၤဆူသုအိၣ်လီၤ. ^၆ ဒီးစီၤအၤဘြၤဟၣ် ဟံးန့ၢ်တၢ်လုၢ်မ့ၣ်အူအသ့ၣ်မုၣ်,ဒီးပာ်ဝဲလၢအဖိခွါစီၤအံၤစဲးအဃိ, ဒီးဟံးန့ၢ်မ့ၣ် အူ,ဒီးဒီတဘ့ၣ်လၢအစုပူၤ, ဒီးလဲၤဝဲခံဂၤလၢာ်တပူၤဃီလီၤ. ^၇ ဒီးစီၤအံၤစဲးကတိၤ တၢ်ဒီးအပၢ် စီၤအၤဘြၤဟၣ်, ဒီးစံးဝဲဒၣ်, ယပၢ်ဧၢ, ဒီးစံးဝဲဒၣ်, ယဖိဧၢ, ကွၢ်ကွၢ်, ယၤလီၤ. ဒီးစံးဝဲဒၣ်, ကွၢ်ကွၢ်, မ့ၣ်အူဒီးသ့ၣ်မုၣ်အိၣ်ဝဲလီၤ. မ့မ့ၢ်သိဖိလၢတၢ်လုၢ်မ့ၣ် အူအဂီၢ်န့ၣ်, မ့ၢ်အအိၣ်ဖဲလဲၣ်. ^၈ ဒီးစီၤအၤဘြၤဟၣ်စံးဝဲဒၣ်, ယဖိဧၢ, ယွၤကထံၣ် န့ၢ်ဒၣ်သိဖိလၢတၢ်လုၢ်မ့ၣ်အူလၢအဂီၢ်ဒၣ်ဝဲလီၤ. ဒီးလဲၤခံ ဂၤလၢာ်တပူၤဃီလီၤ.  ^၉ ဒီးလဲၤတုၤလၢအလီၢ်လၢယွၤစံးတ့ၢ်အီၤ, ဒီးစီၤအၤဘြၤဟၣ်မၤထီၣ် တၢ်လုၢ်လီၢ်ဖဲန့ၣ်, ဒီးကတဲာ်ကတီၤသ့ၣ်မုၣ်, ဒီးစၢဃာ်အဖိခွါစီၤအံၤစဲး, ဒီးပာ်အီၤ လၢတၢ်လုၢ်လီၢ်လၢသ့ၣ်မုၣ်အဖီခိၣ်လီၤ.^၁၀ ဒီးစီၤအၤဘြၤဟၣ်ယူာ်ထီၣ်အစု, ဒီးဟံးန့ၢ်ဒီတဘ့ၣ်န့ၣ်ဒ်သိးအကမၤသံအဖိခွါလီၤ. ^၁၁ ဒီးယွၤအကလူးကိးထီၣ်အီၤလၢ မူခိၣ်, ဒီးစံးဝဲဒၣ်, စီၤအၤဘြၤဟၣ်ဧၢ, စီၤ အၤဘြၤဟၣ်ဧၢ, ဒီးစံးဝဲဒၣ်, ကွၢ်ကွၢ်, ယၤလီၤ. ^၁၂ ဒီးစံးဝဲဒၣ်, ယူာ်ထီၣ်နစုလၢဖိသၣ်အလိၤတဂ့ၤ, ဒီးမၤအီၤလၢတၢ် နီတမံၤတဂ့ၤ. အဂ့ၢ်ဒ်အံၤ, ခဲကနံၣ်အံၤယသ့ၣ်ညါလၢနပျံၤယွၤလီၤ. ယမၤန့ၢ်နဖိခွါ, နဖိခွါတဂၤဃီန့ၣ် နတညးဘၣ်လီၤ. ^၁၃ ဒီးစီၤအၤဘြၤဟၣ်ကျ့ထီၣ်အမဲာ်ဒီးကွၢ်တၢ်, ဒီးကွၢ်ကွၢ်, သိဖါတဒုအိၣ်လၢအလီၢ်ခံ လၢအဘၣ်ကွးလၢအနၢၤလၢသဃာ်ကျါလီၤ. ဒီးစီၤအၤဘြၤဟၣ်လဲၤဟံးန့ၢ်သိဖါတဒုန့ၣ်, ဒီးလုၢ်ထီၣ်အီၤလၢတၢ်လုၢ်မ့ၣ်အူလၢ အဖိခွါအလီၢ်လီၤ. ^၁၄ ဒီးအလီၢ်န့ၣ်စီၤအၤဘြၤဟၣ်ယုၢ်အမံၤလၢယဟိဝၤယံၤရၤ, ဒ်ပှၤစံးတုၤမဆါတနံၤအံၤအသိးန့ၣ်, လၢယွၤအကစၢၢ်တဖျၢၣ်အလိၤန့ၣ် တၢ်ကထံၣ်န့ၢ်တၢ်လီၤ.  

၁. အၤဘြၤဟၣ်အဂီၢ်တၢ်ဂီၤထူန့ၣ်မ့ၢ်မနုၤလဲၣ်.

 ၂. အၤဘြၤဟၣ်မ့ၢ်ပှၤလၢအနာ်ကစၢ်ယွၤလီၤန့ၣ်ပသ့ၣ်ညါအီၤလၢတၢ်ကတိၤဒ်လဲၣ်.

၃. အၤဘြၤဟၣ်မ့ၢ်ပှၤလၢအဲၣ်ယွၤလီၤန့ၣ်ပာ်ဖျါထီၣ်အသကဲးပဝာ်ဒ်လဲၣ်.

၄. လၢနဂီၢ်တၢ်ဂီၤထူန့ၣ်မ့ၢ်မနုၤတဖၣ်လဲၣ်.

၅. နပာ်ဖျါထီၣ်နတၢ်နာ်ကစၢ်ယွၤဒ်လဲၣ်.

၆. နပာ်ဖျါထီၣ်နတၢ်အဲၣ်ကစၢ်ယွၤဒ်လဲၣ်.

© Lutheran Agency for Missions to Burmese (LAMB). (2024). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work.