ပှ့ၤဘၣ်ယွၤနကစၢ်အမံၤလၢတၢ်ကလီကလီတဂ့ၤ

လံာ်ၡမူၤအ့လးအခီၣ်ထံးတဘ့ၣ် ၁၇း၁၇း၁-၁၁, ၃၂-၅၂

ဒီးပှၤဖလ့ၡသးဖိဒုးအိၣ်ဖှိၣ် အပှၤသုးမုၢ်ဒ်သိးအက ဒုးသုးတၢ်, ဒီးအိၣ်ဖှိၣ်ရိဖှိၣ်ဖဲၡိကိၤလၢအဘၣ်ဃးဒီး ယူဒၤ, ဒီးသူၣ်ဒဲလၢၡိကိၤဒီး ဧစ့ကၤအဘၢၣ်စၢၤလၢအ့ ဖ့းစဒးမံၣ်အပူၤလီၤ.2 ဒီးစီၤစီလူးဒီး ပှၤအံၣ်စရ့လးဖိအိၣ်ဖှိၣ်ရိဖှိၣ်, ဒီးသူၣ် ဒဲလၢတၢ်ပၢၤခိၣ်အ့လၤ, ဒီးကတဲာ်ကတီၤတၢ်ဒ်သိး အကသဂၢၢ်ဒုးသုးဒီးပှၤဖလ့ၡသးဖိလီၤ. 3 ဒီးပှၤဖလ့ၡသးဖိဆၢထၢၣ်ဝဲလၢကစၢၢ်လိၤ လၢအဝဲ တခီ, ဒီးအံၣ်စရ့လးဆၢထၢၣ်လၢကစၢၢ်လိၤလၢအဝဲ တခီ, ဒီးကစၢၢ်ကဆူးအိၣ် ဝဲလၢအဘၢၣ်စၢၤလီၤ. 4 ဒီးပှၤလၢခံခီအဘၢၣ်စၢၤတဂၤဟဲထီၣ်လၢ ပှၤဖလ့ၡ သးဖိသူၣ်ဒဲအလီၢ်လီၤ. အမံၤမ့ၢ် စီၤကၤလယးလၢ ကၤသး, ဒီးအနီၢ်ထီဃုပျၢ်ဒီးတထါလီၤ. 5 ဒီးအိၣ်ဒီးအခိၣ် ဖျီၣ်သုးတိၢ်လၢအခိၣ်, ဒီးသိးဒီးဆ့ သဃိး, ဒီးဆ့သဃိးန့ၣ်လီၤတယၢၢ်ၡက့လးတိၢ်ယဲၢ် ကထိ,  6 ဒီးသဃိးအိၣ်ဝဲလၢအခီၣ်ဒုၣ်အလိၤ,ဒီးဘီဖိ တိၢ်အိၣ် ဝဲလၢအဖံဘၣ်ခိၣ်န့ၣ်လီၤ. 7 ဒီးအဘီအတိၢ် မၤသးဒ်ထၣ် အဘီတဘိအသိး, ဒီးအဘီအကနၣ်န့ၣ် လီၤသယၢၢ်ၡက့လး ထးဃုကယၤလီၤ. ဒီးပှၤစိာ်က တီၤတဘ့ၣ်လဲၤလၢအမဲာ်ညါလီၤ. 8 ဒီးဆၢထၢၣ်ဝဲ, ဒီးကိးထီၣ်ဆူအံၣ်စရ့လးအသုးမုၢ်, ဒီးစံးဘၣ်အီၤ, သုဟဲထီၣ်ကတဲာ်ကတီၤတၢ်ဒ်သိးသု ကဒုးသုးဘၣ်မနုၤလဲၣ်. ယမ့ၢ်ပှၤဖ့လၡသးဖိ, ဒီးသု မ့ၢ်စီၤစီလူးအခ့အပှၤ,တမ့ၢ်ဘၣ်ဧါ. ဃုထၢပှၤတဂၤ လၢသုဂီၢ်,ဒီးဒုးဟဲလီၤအီၤဆူယအိၣ်တက့ၢ်. 9 ဒုးတၢ် ဒီးယၤမ့ၢ်သ့, ဒီးမ့ၢ်မၤသံယၤဒီး, ပကကဲထီၣ်သုကုၢ် သုပှၤလီၤ. မ့မ့ၢ်ပမ့ၢ်မၤနၢၤအီၤ,ဒီးမၤသံအီၤဒီး,သုက ကဲထီၣ် ပကုၢ်ပပှၤ, ဒီးမၤပတၢ်လီၤ. 10 ဒီးပှၤဖလ့ၡသးဖိတဂၤန့ၣ်စံးဝဲဒၣ်, ယမၤတရီတပါ အံၣ် စရ့လးအသုးမုၢ်လၢမုၢ်မဆါတနံၤအံၤလီၤ. ဟ့ၣ် ယၤလၢပှၤတဂၤဒ်သိး ပကဒုးလိာ်ပသးတက့ၢ်.11 ဒီးတုၤစီၤစီလူးဒီးအံၣ်စရ့လးခဲလၢာ် နၢ်ဟူပှၤဖလ့ ၡသးဖိအတၢ်ကတိၤန့ၣ်ဒီး, အသူၣ်အုးသးအုး,ဒီးပျံၤ တၢ်ဒိၣ်မးလီၤ. 32 ဒီးစီၤဒၤဝံးစံးဘၣ်စီၤစီလူး, မ်ပှၤအသးသုတလီၤဘှါ လၢအဃိနီတဂၤတဂ့ၤ. နခ့နပှၤကလဲၤဒုးတၢ်ဒီးပှၤဖ လ့ၡသးဖိ တဂၤန့ၣ်လီၤ. 33 ဒီးစီၤစီလူးစံးဘၣ်စီၤဒၤဝံး နလဲၤဒုးတၢ်ဒီးပှၤဖလ့ၡ သးဖိန့ၣ်တသ့ဘၣ်. အဂ့ၢ်ဒ်အံၤ,နဖိၣ်သၣ်ခွါဒံးလီၤ. မ့မ့ၢ်အဝဲဒၣ်တဂၤန့ၣ် မ့ၢ်ပှၤသုးဖိလၢ အဖိၣ်သၣ်ခွါ ထီၣ်လံၤလံၤလီၤ. 34 ဒီးစီၤဒၤဝံးစံးဘၣ် စီၤစီလူး, နခ့နပှၤကွၢ်အပၢ်အသိ ဒီးမဲာ်တဲးလဲး, ဒီးခ့ယုၢ်ဒီးတၤသူဟဲမၤန့ၢ် သိဖိလၢသိ ဒီးမဲာ်တဲးလဲးတဖုအကျါလီၤ. 35 ဒီးယလူၤအီၤ, ဒီးမၤ ထူၣ်ဖျဲးအီၤလၢအထးခိၣ်, ဒီးတုၤအဂဲၤဆၢထၢၣ်ထီဒါ ယၤဒီး, ယဖီၣ် န့ၢ်အီၤလၢအခၣ်ဆူၣ်, ဒီးကျီကွံာ်အီၤ, ဒီးမၤသံအီၤလီၤ. 36 နခ့နပှၤမၤ သံခ့ယုၢ်ဒီး တၤသူ, ဒီး ပှၤဖလ့ၡသးဖိလၢ အတဒိးဘၣ် တၢ်ကူးတရံးတဂၤ န့ၣ်,ကကဲထီၣ်ဒ်တၢ်န့ၣ်တဒုအသိးလီၤ. အဂ့ၢ်ဒ်အံၤ, မၤတရီတပါယွၤလၢအမူဝဲအပှၤသုးမုၢ်လီၤ. 37 ဒီးစီၤ ဒၤဝံးစံးဝဲဒၣ်, ယွၤလၢအမၤပူၤဖျဲးယၤဒီးခ့ယုၢ်အစု,ဒီး တၤသူအစုန့ၣ် ကမၤပူၤဖျဲးယၤဒီး ပှၤဖလ့ၡသးဖိတဂၤ န့ၣ်အစုပူၤလီၤ. ဒီးစီၤစီလူးစံးဝဲဒၣ်, လဲၤတၢ်, ဒီးမ်ယွၤ အိၣ်ဒီးနၤတက့ၢ်. 38 ဒီးစီၤစီလူးဒုးသိးစီၤဒၤဝံးဒီးအဆ့ ဒၣ်ဝဲ, ဒီးပာ်ခိၣ်ဖျီၣ်သုးတိၢ်လၢအခိၣ်, ဒီးဒုးသိးအီၤ ဒီးသဃိးလီၤ. 39 ဒီးစီၤဒၤဝံးကံၢ်ဃာ်အနးတဘ့ၣ် လၢသဃိးအဖီခိၣ် ဒီးလဲၤဒိးကွၢ်ဝဲလီၤ. အဂ့ၢ်ဒ်အံၤ,တမၤကွံာ်ဒံးဘၣ်အီၤ ဘၣ်. ဒီးစီၤဒၤဝံးစံးဘၣ်စီၤစီလူး, ယလဲၤတၢ်ဒီးတၢ် အံၤတဖၣ်တသ့ဘၣ်. အဂ့ၢ်ဒ်အံၤ,တမၤကွၢ်ဒံးဘၣ်အီၤ ဘၣ်. ဒီးစီၤဒၤဝံးဘ့ၣ်ကွံာ်အီၤလီၤ. 40 ဒီးဟံးန့ၢ်အနီၣ်ထိးဘိလၢအစုပူၤ, ဒီးဃုန့ၢ်လၢၢ်ဘျ့ ယဲၢ်ဖျၢၣ်လၢထံလိာ်ပူၤ, ဒီးဒၢနုာ်ဝဲလၢပှၤကွၢ်သိအ ထၢၣ်လၢအအိၣ်ဒီးအီၤ, အပူၤန့ၣ်လီၤ. ဒီးနီၣ်ဘျုးတၢ် အိၣ်လၢအစုပူၤ, ဒီးသုးဘူးအသးဆူ ပှၤဖလ့ၡသးဖိ အအိၣ်န့ၣ်လီၤ. 41 ဒီးပှၤဖလ့ၡသးဖိတဂၤန့ၣ်ဟဲဝဲ, ဒီးသုးဘူးအသးဆူ စီၤဒၤဝံးအအိၣ်, ဒီးပှၤလၢအစိာ်အကတီၤတဘ့ၣ်န့ၣ် အိၣ်လၢအမဲာ်ညါလီၤ. 42 ဒီးပှၤဖလ့ၡသးဖိကွၢ်ဝဲ, ဒီးထံၣ်စီၤဒၤဝံး,ဒီးတပးကဲ ဘၣ်အီၤဘၣ်. အဂ့ၢ်ဒ်အံၤ, စီၤဒၤဝံးမ့ၢ်ပှၤဖိၣ်သၣ်ခွါ,ဒီး ဂီၤဝဲ, ဒီးအက့ၢ်အဂီၤဂ့ၤလီၤ. 43 ဒီးပှၤဖ့ၡသးဖိန့ၣ်စံးဘၣ်စီၤဒၤဝံး,ယမ့ၢ်ထွံၣ်တဒုဧါ. အ ဂ့ၢ်ဒ်အံၤ, နဟဲဆူယအိၣ်ဒီးနီၣ်ထိးလီၤ. ဒီးပှၤဖလ့ၡသး ဖိန့ၣ်ဆိၣ်အၢစီၤဒၤဝံးလၢ အကစၢ်တဖၣ်အမဲာ်ညါလီၤ. 44 ဒီးပှၤဖလ့ၡသးဖိစံးဘၣ်စီၤဒၤဝံး, ဟဲဆူယအိၣ်တ က့ၢ်, ဒီးယကဟ့ၣ်နဖံးနညၣ်လၢ ထိၣ်ဧိၤလံာ်ဧိၤလၢမူ ကပိာ်လိၤ, ဒီးလၢဆၣ်ဖိကီၢ်ဖိလၢတၢ်ပျီပူၤလီၤ. 45 ဒီးစီၤဒၤဝံးစံးဘၣ် ပှၤဖလ့ၡသးဖိ, နဟဲဆူယအိၣ်ဒီး နး,ဒီးဘီ,ဒီးကတီၤလီၤ. မ့မ့ၢ်ယဲဒၣ် အံၤယဟဲဆူနအိၣ် လၢတၢ်သုးမုၢ်ဂီၢ်မုၢ်အယွၤအမံၤ, အံၣ်စရ့လးအပှၤသုး မုၢ်ဂီၢ်မုၢ်အကစၢ်လၢနမၤတရီတပါအီၤလီၤ. 46 တၢ်လၢ မုၢ်မဆါတနံၤ အံၤယွၤကဟ့ၣ်လီၤနၤလၢယစုပူၤ, ဒီးယ ကကျီကွံာ်နၤ, ဒီးယကဒီၣ် တဲာ်ကွံာ်နခိၣ်လၢနလိၤ, ဒီးယကဟ့ၣ်လီၤပှၤဖလ့ၡသးဖိ အပှၤသုးမုၢ်အစိၣ်တ ဖၣ်လၢမုၢ်မဆါတနံၤအံၤဆူ ထိၣ်ဧိၤလံၣ်ဧိၤလၢမူက ပိာ်လိၤ, ဒီးဆူဆၣ် ဖိကီၢ်ဖိလၢဟီၣ်ခိၣ်ချၢ, ဒ်သိးပှၤ ဟီၣ်ခိၣ်ဖိခဲလၢာ်ကသ့ၣ် ညါလၢကစၢ်တဂၤအိၣ်ဝဲလၢ အံၣ်စရ့လး အကျါလီၤ. 47 ကယဲၢ်တၢ်အိၣ် ဖှိၣ်အံၤခဲ လၢာ်ကသ့ၣ်ညါဝဲလၢယွၤတအုၣ်က့ၤခီၣ်က့ၤဘၣ်တၢ် ဒီးဘီဒီးနးဘၣ်. အဂ့ၢ်ဒ်အံၤ, တၢ်ဒုးတၢ်အံၤမ့ၢ်ယွၤအ တၢ်လီၤ. ဒီးကဟ့ၣ်လီၤသုလၢပစုပူၤလီၤ. 48 ဒီးတၢ်မၤအသး တုၤပှၤဖလ့ၡသးဖိန့ၣ် ဂဲဆၢထၢၣ်, ဒီးသုးဘူးအသးဒ်သိးအကသဂၢၢ်စီၤဒၤဝံးဒီး, ဒီးစီၤဒၤ ဝံးမၤဝဲချ့ချ့, ဒီးဃ့ၢ်ဆူပှၤသုးမုၢ်အအိၣ်ဒ်သိး အကသ ဂၢၢ်ပှၤဖလ့ၡသးဖိ တဂၤန့ၣ်လီၤ. 49 ဒီးစီၤဒၤဝံးဒၢနုာ်အစုလၢအထၢၣ်ပူၤ, ဒီးဟံးထီၣ်န့ၢ် လၢၢ်တဖျၢၣ်ဖဲန့ၣ်,ဒီးဘျုးဝဲ, ဒီးဘၣ်ပှၤဖလ့ၡသးဖိတ ဂၤလၢအမဲာ်တူၢ်ခိၣ်, ဒီးလၢၢ်တဖျၢၣ်န့ၣ်လီၤဘျၢလၢ အမဲာ်တူၢ်ခိၣ်အပူၤ, ဒီးလီၤဃံၤ အီထီလာ်လၢဟီၣ်ခိၣ် လိၤလီၤ. 50 ဒီးစီၤဒၤဝံးမၤနၢၤပှၤဖလ့ၡသးဖိလၢ အနီၣ်ဘျုးတ ဘိ,ဒီးလၢၢ်တဖျၢၣ်, ဒီးကျီကွံာ်ပှၤဖလ့ၡသးဖိန့ၣ်,ဒီး မၤသံအီၤလီၤ. ဒီးနးတအိၣ်ဘၣ်လၢ စီၤဒၤဝံးအစုပူၤ ဘၣ်. 51 ဒီးစီၤဒၤဝံးဃ့ၢ်ဝဲ, ဒီးဆၢထၢၣ်လၢပှၤဖလ့ၡသးဖိအ ဖီခိၣ်, ဒီးဟံးန့ၢ်အနး, ဒီးဘီၣ်ထီၣ်ဝဲလၢအတြိးပူၤ, ဒီး မၤသံအီၤ,ဒီးဒီၣ်တဲာ်ကွံာ်အကိာ်လၢအီၤလီၤ. ဒီးတုၤ ပှၤဖလ့ၡသးဖိတဖၣ်ထံၣ်ဝဲလၢ ပှၤလၢခံခီအဘၢၣ်စၢၤ တဂၤသံတ့ၢ်ဝဲဒီး, ဃ့ၢ်ထီၣ်ကွံာ်ဝဲလီၤ. 52 ဒီးအံၣ်စရ့လးဒီးယူဒၤ အပှၤကညီဂဲၤဆၢထၢၣ်ဝဲ, ဒီး ကိးပသူထီၣ်, ဒီးလူၤပှၤဖလ့ၡသးဖိတုၤ နလဲၤတုၤလၢ ဧ့ကြိၣ်အကစၢၢ်ကဆူး, ဒီးအပဲတရီတဖၣ်န့ၣ်,ဒီးပှၤ ဖလ့ၡသးဖိလၢအဘၣ်တၢ်ဆဲးအီၤတဖၣ် လီၤဃံၤဝဲ လၢၡၤရဲၣ်အကျဲပူၤ ပၢၢ်လၢကၤသး,ဒီးဧ့ကြိၣ်လီၤ.

၁. စီၤကၤလယါပှ့ၤဘၣ်ကစၢ်ယွၤအမံၤလၢတၢ်ကလီကလီဒ်လဲၣ်.

၂.  စီၤပၤဒၤဝံးပာ်ဒိၣ်ပာ်ထီကစၢ်ယွၤအမံၤဒ်လဲၣ်.

ပှ့ၤဘၣ်ယွၤနကစၢ်အမံၤလၢတၢ်ကလီကလီတဂ့ၤ

တၢ်ကတိၤအံၤမ့ၢ်အခီပညီဒ်လဲၣ် 

ပကဘၣ်အဲၣ် ယွၤပျံၤယွၤ ဒ်န့ၣ်အသိး န့ၣ် ပသုး တ သူဘၣ် ယွၤအမံၤလၢတၢ်ဆိၣ်အၢ တၢ်အူတၢ်ပီး တၢ်ကူာ် တၢ်လီတဂ့ၤ ဘၣ်ဆၣ် ဒီးပကဘၣ်ကိး ထီၣ်ယွၤအမံၤဖဲ ပဒိး န့ၣ်ဘၣ် တၢ်ကီးတၢ်ခဲလၢတၢ် ထုးကဖၣ် တၢ်စံးထီၣ် ပတြၢၤယွၤ ဒီးလၢတၢ်စံး ဘျုး စံးဖှိၣ်ယွၤန့ၣ်လီၤ

လံာ်ဒၤနံးယ့လး ၆း၁-၂၅

ဘၣ်စီၤဒၤရယါဝ့ၣ်အသးဒီး ပာ်ပဒိၣ်ဖးဒိၣ်တကယၤ ခံဆံလၢဘီဧိၤမုၢ်ဧိၤအဖီခိၣ်, ဒ်သိးအကအိၣ်ဝဲလၢဘီမုၢ် ဒီဘ့ၣ်ညါအဖီခိၣ်လီၤ. 2 ဒီးပာ်ပှၤအခိၣ်သၢဂၤလၢအဝဲ သ့ၣ်အဖီခိၣ်, ဒီးစီၤဒၤနံးယ့လးမ့ၢ်ပှၤလၢအကျါတဂၤ, ဒ်သိးပဒိၣ်တဖၣ်န့ၣ် ကဟ့ၣ်လံာ်လၢအီၤ, ဒီးစီၤပၤအ တၢ်အသုတဟါမၢ်တဂ့ၤလီၤ. 3 တုၤနုၤတစုတၢ်ပာ်စီၤဒၤနံးယ့လးတဂၤန့ၣ်လၢ ပှၤအ ခိၣ်ဒီးပဒိၣ်ဖးဒိၣ်တဖၣ်အဖီခိၣ်, လၢသးဂ့ၤလၢအအိၣ်ဝဲ လၢအပူၤအဃိ, ဒီးစီၤပၤသါကပာ်အီၤလၢအဘီအမုၢ်ဒီ ဘ့ၣ်ညါအဖီခိၣ်လီၤ. 4 တုၤနုၤတစု ပှၤအခိၣ်တဖၣ်, ဒီးပဒိၣ်ဖးဒိၣ်တဖၣ်ဃ့ အလီၢ်ထီဒါစီၤဒၤနံးယ့လး လၢဘီဧိၤမုၢ်ဧိၤအဂ့ၢ်, ဘၣ် ဆၣ်တထံၣ်န့ၢ်ဘၣ်အလီၢ်, တထံၣ်န့ၢ်ဘၣ်တၢ်ကမၣ် ဘၣ်. အဂ့ၢ်ဒ်အံၤ, မၤဝဲတီတီ, ဒီးတၢ်ကမၣ်မ့ၢ်ဂ့ၤ, မၤတၢ် တတီဘၣ်တမံၤမံၤမ့ၢ်ဂ့ၤ, တအိၣ်ဘၣ်လၢအလိၤဘၣ်. 5 တုၤနုၤတစုပှၤကညီတဖၣ်န့ၣ်စံးဝဲဒၣ်, မ့တမ့ၢ်ဘၣ်အ ဘၣ်ဃးဒီးအကစၢ်အတၢ်သိၣ်တၢ်သီဘၣ်ဒီး, ပတထံၣ် န့ၢ်ဘၣ်တၢ်အလီၢ်ထီဒါစီၤဒၤနံးယ့လးတဂၤအံၤဘၣ်. 6 တုၤနုၤတစု ပှၤအခိၣ်တဖၣ်ဒီး ပဒိၣ်ဖးဒိၣ်တဖၣ်အိၣ် ဖှိၣ်ရိဖှိၣ်ဆူစီၤပၤအအိၣ်, ဒီးစံးဘၣ်အီၤဒ်အံၤ, စီၤပၤဒၤ ရယါဝ့ၣ်ဧၢ, မ်နမူလီၤထူလီၤယိာ်တက့ၢ်, 7 ကယဲၢ်ဘီ မုၢ်အခိၣ်, ဒီးပဒိၣ်ဖးဒိၣ်, ပဒိၣ်ပပှၢ်, စီၤပၤအပှၤကူၣ် လိာ်အသး, ဒီးပှၤပၢတၢ်ဖိခဲလၢာ်န့ၣ်ကူၣ်လိာ်အသးဒ် သိးတၢ်ကလုၢ်ကလီၤလၢစီၤပၤ, ဒီးတၢ်သိၣ်တၢ်သီခၢၣ် သနၢၢ်ကအိၣ်ဒ်အံၤ, လၢမ့တမ့ၢ်ဘၣ်လၢနၤဘၣ်ဒီး, ဖဲ ဒၣ်ပှၤလၢအဃ့တၢ်လၢအကစၢ်မ့ၢ်ဂ့ၤ, လၢပှၤကညီမ့ၢ် ဂ့ၤ, လၢအနံၤသၢဆံအတီၢ်ပူၤတဂၤဂၤန့ၣ် ကဘၣ်တၢ် တ့ၢ်လီၤကွံာ်အီၤဆူခ့ယုၢ်အပူၤလီၤ. 8 ခဲကနံၣ်အံၤစီၤပၤဧၢ, ဒုးအိၣ်ထီၣ်နတၢ်မၤလိာ်, ဒီးဒုး ကွဲးလံာ်, လၢတၢ်မၤကဒံကဒါအီၤတသ့ဘ့ၣ်, ဒ်ပှၤမၤ ဒဲဖိဒီး ပှၤပၤရၣ်ဖိအတၢ်သိၣ်တၢ်သီအသိး, လၢအကဒံ ကဒါတသ့ဘၣ်န့ၣ်တက့ၢ်. 9 မၤသးဒ်န့ၣ်ဒီး စီၤပၤဒၤရယါဝ့ၣ်ဒုးကွဲးလံာ်န့ၣ်, ဒီး ဒုးအိၣ်ထီၣ်တၢ်မၤလိာ်န့ၣ်လီၤ. 10 တုၤစီၤဒၤနံးယ့လး သ့ၣ်ညါဝဲလၢ တၢ်ကွဲးအသးဝံၤ ဒီး, လဲၤနုာ်လၢအဟံၣ်ပူၤ, ဒီးအတၢ်ထူၣ်ဖျိအိၣ်အိးထီၣ် အသးလၢအဒၢးထီၣ်ထီတတီၤ ဖျိထီၣ်ဝဲဆူယရူၤၡလ့ၣ် တခီ, ဒီးချံးလီၤအခီၣ်တနံၤသၢဘျီစုာ်စုာ်, ဒီးဃ့ဘါထု ကဖၣ်တၢ်, ဒီးစံးထီၣ်ပတြၢၤတၢ်အဘျုးအဖှိၣ်လၢအက စၢ်အမဲာ်ညါ, ဒ်အမၤဝဲလၢအခီၣ်ထံးအသိးန့ၣ်လီၤ. 11 တုၤနုၤတစုပှၤတဖၣ်န့ၣ် အိၣ်ဖှိၣ်ရိဖှိၣ်, ဒီးထံၣ်န့ၢ်စီၤ ဒၤနံးယ့လးဘါထုကဖၣ်တၢ်, ဒီးဃ့ကညးတၢ်လၢအက စၢ်အမဲာ်ညါလီၤ. 12 တုၤနုၤတစုအဝဲသ့ၣ်သုးဘူးအသး, ဒီးကတိၤတၢ်လၢ စီၤပၤအမဲာ်ညါလၢစီၤပၤအတၢ်မၤလိာ်အဂ့ၢ်, နကွဲးတၢ် မၤလိာ်လၢမ့တမ့ၢ်ဘၣ်လၢနၤဘၣ်ဒီး, ဖဲဒၣ်ပှၤလၢအဃ့ တၢ်လၢအကစၢ်တဂၤဂၤမ့ၢ်ဂ့ၤ, လၢပှၤကညီတဂၤဂၤမ့ၢ် ဂ့ၤ, လၢအနံၤသၢဆံအတီၢ်ပူၤန့ၣ် ကဘၣ်တၢ်တ့ၢ်လီၤ ကွံာ်အီၤဆူခ့ယုၢ်အပူၤ, တမ့ၢ်ဘၣ်ဧါ, စီၤပၤဧၢ. ဒီးစီၤပၤ စံးဆၢတၢ်ဒီးစံးဝဲဒၣ်, တၢ်န့ၣ်အိၣ်ကျၢၤထီၣ်လံ, ဒ်ပှၤ မၤဒဲဖိဒီးပှၤပၤရၣ်ဖိအတၢ်သိၣ်တၢ်သီအသိး လၢအကဒံ ကဒါတသ့ဘၣ်. 13 တုၤနုၤတစု အဝဲသ့ၣ်စံးဆၢတၢ်, ဒီးစံးဝဲဒၣ်လၢစီၤပၤ အမဲာ်ညါ, စီၤဒၤနံးယ့လးလၢအအိၣ်ဝဲလၢပှၤယူဒၤဖိကဲ ကုၢ်အကျါတဂၤန့ၣ်တပာ်ကဲဘၣ်နၤ, ဒီးတၢ်မၤလိာ်လၢ နကွဲးတ့ၢ်န့ၣ်ဘၣ်, စီၤပၤဧၢ. မ့ၢ်အဃ့ကညးတၢ်တနံၤ သၢဘျီစုာ်စုာ်လီၤ. 14 တုၤစီၤပၤ နၢ်ဟူတၢ်ကတိၤဒီး, အသူၣ်ကိၢ်အသးဂီၤ လၢအဃိ, ဒီးသးအိၣ်စီၤဒၤနံးယ့လးဒ်သိးအကမၤပူၤမၤ ဖျဲးအီၤ, ဒီးကူၣ်ဝဲတုၤမုၢ်လီၤနုာ်ဒ်သိးအကမၤပူၤမၤဖျဲးအီၤ လီၤ. 15 တုၤနုၤတစု ပှၤတဖၣ်န့ၣ် အိၣ်ဖှိၣ်ရိဖှိၣ်ဆူစီၤပၤအ အိၣ်, ဒီးစံးစီၤပၤ, စီၤပၤဧၢ, သ့ၣ်ညါလၢပှၤမၤဒဲဖိဒီးပှၤ ပၤရၣ်ဖိအိၣ်ဒီး တၢ်သိၣ်တၢ်သီတထံၣ်လၢတၢ်မၤလိာ်, တၢ်သိၣ်တၢ်သီလၢ စီၤပၤဒုးအိၣ်ထီၣ်ဝဲန့ၣ်မၤဝဲတကဒံ ကဒါဘၣ်နီတထံၣ်ဘၣ်. 16 ဒီးစီၤပၤမၤလိာ်, ဒီးပှၤဟဲစိာ်စီၤဒၤနံးယ့လး, ဒီးတ့ၢ် လီၤကွံာ်အီၤလၢခ့ယုၢ်အပူၤလီၤ. စီၤပၤကတိၤတၢ်ဒီးစံး ဘၣ်စီၤဒၤနံးယ့လး, နကစၢ်လၢနမၤအတၢ်တထံၣ်ဃီ တဂၤန့ၣ်အဝဲဒၣ်ကမၤပူၤမၤဖျဲးနၤလီၤ. 17 ဒီးပှၤဟဲစိာ်လၢၢ်တဖျၢၣ်,ဒီးပာ်ဝဲလၢတၢ်ပူၤအခိၣ်ထိး, ဒီးစီၤပၤစဲဃၣ်ပနီၣ်အီၤလၢ အနီၣ်စဲဃၣ်ပနီၣ်ဒၣ်ဝဲ, ဒီး လၢအပဒိၣ်ဖးဒိၣ်တဖၣ် အနီၣ်စဲဃၣ်ပနီၣ်ဒ်သိးတၢ်ကူၣ် ဝဲလၢစီၤဒၤနံးယ့လးအဂ့ၢ်အသုတကဒံကဒါတဂ့ၤလီၤ. 18 တုၤနုၤတစုစီၤပၤလဲၤဝဲဆူအနူၢ်ပူၤ, ဒီးဒုၣ်တၢ်အီၣ်တၢ် အီသီတနၤကျၢၤ, ဒီးပှၤတဟဲစိာ်ဘၣ်အသံၣ်မါတဖၣ် ဆူအအိၣ်ဘၣ်, ဒီးမံဝဲတန့ၢ်ဘၣ်လီၤ. 19 ဒီးစီၤပၤဂဲၤဆၢထၢၣ်ဂီၤဂီၤကလဲာ်, ဒီးလဲၤဝဲချ့ချ့ဆူခ့ ယုၢ်အပူၤလီၤ. 20 ဒီးတုၤအအိၣ်ဘူးဒီးတၢ်ပူၤဒီး, ကိးထီၣ် လၢအကလုၢ်ဖးဒိၣ်ဆူစီၤဒၤနံးယ့လးအအိၣ်လီၤ. စီၤပၤ ကတိၤတၢ်ဒီးစံးလၢစီၤဒၤနံးယ့လး, ကစၢ်လၢအမူဝဲတ ဂၤအခ့အပှၤစီၤဒၤနံးယ့လးဧၢ, နကစၢ်လၢနမၤအတၢ် တထံၣ်ဃီန့ၣ် မၤပူၤမၤဖျဲးနၤလၢ ခ့ယုၢ်တဖၣ်သ့စ့ၢ်ကီး ဧါ. 21 တုၤနုၤတစုစီၤဒၤနံးယ့လးစံးဘၣ်စီၤပၤ, စီၤပၤဧၢ, မ် နမူလီၤထူလီၤယိာ်တက့ၢ်. 22 ယကစၢ်မၢလီၤ အကလူး တဂၤဒီးမၤကျၢၢ်တံာ်ခ့ယုၢ်အထးခိၣ်, ဒီးအဝဲသ့ၣ်တမၤ အၢဘၣ်ယၤနီတမံၤဘၣ်. အဂ့ၢ်ဒ်အံၤ, တၢ်ဒဲးဘးတအိၣ် ဘၣ်လၢယလိၤလၢအမဲာ်ညါ, ဒီးစီၤပၤဧၢ, ယတမၤစ့ၢ် ကီးဘၣ်တၢ်အၢလၢနမဲာ်ညါနီတမံၤဘၣ်. 23 တုၤနုၤတစုစီၤပၤသးခုလၢအသးကံၢ်ပူၤ, ဒီးမၤလိာ်ဝဲ လၢပှၤကစဲၤထီၣ်က့ၤစီၤဒၤနံးယ့လးလၢတၢ်ပူၤလီၤ. ဒီး တၢ်စဲၤထီၣ်က့ၤစီၤဒၤနံးယ့လးလၢတၢ်ပူၤ, ဒီးတၢ်မၤအၢ အီၤတအိၣ်ဘၣ်လၢ အလိၤနီတမံၤဘၣ်. အဂ့ၢ်ဒ်အံၤ, သန့ၤအသးလၢအကစၢ်လီၤ. 24 ဒီးစီၤပၤမၤလိာ်တၢ်, ဒီးတၢ်ဟဲစိာ်ပှၤကညီတဖၣ်လၢ အပာ်တၢ်ကမၣ်လၢ စီၤဒၤနံးယ့လးအလိၤ, ဒီးတ့ၢ်လီၤ ကွံာ်အီၤဆူခ့ယုၢ်အပူၤ, အဝဲသ့ၣ်, အဖိအလံၤ, ဒီးအဖိ အမါ, ဒီးလၢအတချုးလီၤဒံးဘၣ်လၢ တၢ်ပူၤအဖီလာ် ဒီး, ခ့ယုၢ်မၤဃၣ်အီၤ, ဒီးမၤကၢ်သဘှံး အဃံအကွဲခဲ လၢာ်လီၤ. 25 တုၤနုၤတစု စီၤပၤဒၤရယါဝ့ၣ် ကွဲးန့ၢ်ကယဲၢ်ပှၤဂီၢ်မုၢ် တဖၣ်, ပှၤကလုာ်တဖၣ်, ဒီးပှၤကတိၤတၢ်အကျိာ်အ ကလုာ်ကလုာ် လၢအအိၣ်ဝဲလၢဟီၣ်ခိၣ်ဒီဘ့ၣ်ညါ, မ် တၢ်ဃူတၢ်ဖိးအါထီၣ်ဒီးသုတက့ၢ်.

၁) စီၤပၤဒၤရယါဝ့ၣ်ပှ့ၤဘၣ်ယွၤကစၢ်အမံၤလၢတၢ်ကလီကလီဒ်လဲၣ်.

၂. စီၤဒၤနံးယ့လးပာ်ဒိၣ်ပာ်ထီ(ယူးယီၣ်ပာ်ကဲ)ကစၢ်ယွၤအမံၤဒ်လဲၣ်.

၃. မုၢ်မဆါတနံၤပှၤဟီၣ်ခိၣ်ဖိတဖၣ် ပှ့ၤဘၣ် ယွၤကစၢ်အမံၤလၢတၢ်ကလီကလီဒ်လဲၣ်.

 ၄. မ့ၢ်နပှ့ၤဘၣ်ယွၤကစၢ်အမံၤလၢတၢ်ကလီကလီဒ်လဲၣ်.

 ၅)မ့ၢ်နပာ်ဒိၣ်ပာ်ထီ(ယူးယီၣ်ပာ်ကဲ)ကစၢ်ယွၤအမံၤလၢကျဲဒ်လဲၣ်တဖၣ်လဲၣ်.

 ၆)ဖဲလဲၣ်တခါန့ၣ်ညီဒိၣ်လဲၣ်.တၢ်ပှ့ၤဘၣ်ယွၤကစၢ်အမံၤလၢတၢ်ကလီကလီဧါ(မ့တမ့ၢ်)တၢ်ပာ်ဒိၣ်ပာ်ထီ(ယူးယီၣ်ပာ်ကဲ)ကစၢ်ယွၤအမံၤဧါ. ဘၣ်မနုၤအဃိလဲၣ်.

၇)ဒ်သိးနကပာ်ဒိၣ်ပာ်ထီ(ယူးယီၣ်ပာ်ကဲ)ကစၢ်ယွၤအမံၤအါန့ၢ်ဒ်နပှ့ၤဘၣ် ယွၤကစၢ်အမံၤလၢတၢ်ကလီကလအပူၤန့ၣ်နမၤမနုၤတဖၣ်သ့လဲၣ်.

© Lutheran Agency for Missions to Burmese (LAMB). (2024). Fort Wayne, Indiana. The Lutheran Agency for Missions to Burmese (LAMB) gives permission for this translation to be copied and used as a public domain work

တၢ်မၤလိာ် ၁ တထံၣ်